انا عندى عربية تويوتا كورونا 87 عايز اظبطها جوه و بره بداية من الميكانيكا لحد الاكسسوارات هيا اوتوماتيك 1800سى سى و سنتر لوك انا عايزها تبقى عربية ما حصلتش عايز اقتراحات لو سمحتو و الموضوع يهمنى بجد
عرض للطباعة
انا عندى عربية تويوتا كورونا 87 عايز اظبطها جوه و بره بداية من الميكانيكا لحد الاكسسوارات هيا اوتوماتيك 1800سى سى و سنتر لوك انا عايزها تبقى عربية ما حصلتش عايز اقتراحات لو سمحتو و الموضوع يهمنى بجد
عايز رد سريع لو سمحتو
انا اعرف الكورونا ال 92 بس معرفش هل ال 87 دى نفس الشكل ولا مختلف
ياريت صور
طيب لونها ايه ؟؟ بردو ياريت تقولنا
لو عرفت تغير الشبكة بتاعتها وتعملها شبكة رياضية يبقة هتغير شكلها خالص من قدام ( الشبكة اللى بين الفانوسين )
اعملها كساحات بس مش كبيرة حاجة سيمبل كده وشيك وعتب للجانبين
وتغير الفوانيس الامامية والخلفية بفوانيس رياضية
والصالون جوه اعمله لونين بالتابلوه بالكراسى بكل حاجة
ولو عرفت تغير ورق العدادت والوانه يبقة تمام
وطارة سبور
وساوند سيستم مناسب
وجنوط 16 او 17
انا كنت عايزها تبقى حاجة عالية اوى ىعنى ابواب فلاى و لعب فى الصاج و سبويلرو هى لونها جريي (سيلفر)و عندى استعداد اغير اللون و عايز اعمل رسومات و فتحات فى الجنب و الكبوت و شكرا لاهتمامك بالموضوع
حدد مزيانيتك عشان نقدر نساعدك
بس انا شايف انك سايبها مفتوحه
تقريبا انا فكرة المفصلات بتاعت الابواب اللامبو كانت ب 10الاف جنيه ومن بورسعيد
حدد معاك اد ايه
انا مش عارف اشكركوا ازاى على اهتمامكم بالموضوع و الف شكر لمجهوداتكوا انا ميزانيتى 35الف ده ماكسمام بس عشان اطلعهم لازم الاقى حاجه مش عند حد وما حصلتش قبل كد فى عربية كورونا...انا عايز الحاجات الى قلت عليها قبل كدا و طبعا سوند سيستم و فرش سبور و صالون جديد لازم يكون صايع موت و ازاز و مرايات كهربا كل ده بعد الميكانيكا عشان لزم تتظبط اول حاجه عندى...اهم حاجة انتوا شايفين ان العربية تستحق الشغل ده ولا مش هيليق عليها و الف شكر مرة تانية
بص يا zad شكل العربيه حلووو مش وحش ...
انا هكلمك على الشكل والسوند ولكن الميكانيكا ((فاسلوا اهل الذكر ان كنت لا تعلمون )) ..
بص انت محتاج اكصدام فيبر قدام وورا ويكون فيه شبك محترم ...
عتب طويل ومتصقطش العربيه ..
كشافات اللى قدام تعمل فيها عدسه ورينجات وكده وتشوف نور ابيض محترم ماركه نضيفه علشان الزينون عليه مشاكل ..
جنط نيكل كروم ميكنش صينى طبعا باكوتشاته... اختار اللى تحبه ..
اللون :- انا ارشح لك اللون الاسود ميتاليك بيلمع هيكون تحفه على العربية.
اما السوند بقي :- مساحه الشنطه عندك حلوة ..
اذا تجيب السوند سيستم المتفق عليه هنا ..الا وهو ..
كاسيت سي دى بيونير ...
سماعتين بيونير 460 W او 4 لو انت عايز, خصوصا ان الميزانيه كويسه مش وحشه خالص ..
صب 12" 1200 W بيونير برده ولو بتحب البيز الجامد وعايز تهز الدنيا يبقي تجيب صبين الاتنين فى حدود 800 او 900 ج.
يبقي كده فى جى ام 4 تشانل كين وود 600 .650 ج. وممكن نزود واحد 2 تشانل كمان ..
مرايات :- سوداء برده ورفيعه ويكون شكلها حلو
شبكه اماميه جامدة .
فرش العربيه :- بم ان الون اسود هيبقي الفرش لونه لبنى فاتح فى اسود .(اللى تحبه )..
طاره:-سبور جامده تكون نفس لون الفرش .
كشافات خلفيه :- شوف لها كشافات حلوة زى اللى بتركب للشاهين دلوقتى ولو ملقتش بس اكيد هتلاقى .. اعملها فاميه .
شوف لك كبووت حلو فى الحرفيين يبقي عليه شغل جامد ..
ازاز كهرباء .. ستنر لوك ..
ملحوظه .. لك الحق فى اختيار اللى انت عايزه وكلامى ده فكره للعربيه مش اكتر ..و اسمع اراء الاخرين..
الكلام ده جميل جدا و ريحنى طب بالنسبة للابواب الفلاى اعملها فين و تتكلف كام و تكليف الحاجات الى قلت عليها دى كام و هل كدا العربية هتبقى ملفتة للنظر و جامده ولا هحس برضو انها لسا كورونا 87 و برضو اللعب فى الصاج هلاقيه بسهوله حد يعملهولى و يبقى زى ما بتمنى ولا مش هلاقى حاجة مقبوله و كمان موضوع السبويلر و كمان عايز كام فلتر عشان بحب صوت الroaring بتاع الموتور انا عايز احس انى راكب عربيه جديده...و شكرا لاهتمامك
ظبط موتورك الاول شوف ايه اللى عاوز يتغير فيه وغيرو وبعدين تجيب بوجيهات سبليت فاير بالسلوك بتاعتها وتلون شوية سلوك كده فى الموتور
ولو عرفت تفك وش الموتور وترشه نيكل كروم اعمله مع فلتر هوا رياضى ماركة محترمة
وشكمان رياضى (ديفيل) واظبط الكهربا بتاعة العربية كويس
وبعدين تيجى للفايبر ياتعمل كساحات فى الاكصدامات بتعتك ياتغير الاكصدام الامامى بالكامل بالشبكة
والابواب بتتعمل فى الحرفيين
وتيجى للساوند سيستم زى ما تريبل قالك
سى دى بايونير فى حدود 1500 جنيه (ده بزيادة طبعا)
اربع سماعات بايونير مع جى ام محترم 600 وات 4 تشانيل
وصبين 12 بايونير مع جى ام محترم 600 وات 4 تشانيل بردو
الساوند ممكن يدخل فى حدود من 4000 الى 5000 جنيه
طبعا الصالون كله اعمله لونين والتابلوه كمان غير الوان العددات اللى فيه
وجنوط نيكل كروم 17
واظبط العفشة كويس ولازم توطى العربية شوية
وغير الفوانيس كلها
كده انا عندى معلومات كتيرة و كويسة اوى و تسلم اديكوا بجد انا مقدر اهتمامكم اخر حاجه عايز اعرفها الحاجات دى اعملها فين يعنى السوند سيستم فين و الفرش فين و الصالون فين و الدوكو فين و كمان عايز اعرف بالنسبة لموضوع الفبر ده مش مطمنلوا ناس خوفونى من الفبر فى الاكسدامات و عايز اعرف بديل احسن لو فى و الكهربا و الميكانيكا اعملهم فين و اخر حاجه الابواب الفلاى عشان بجد العربيه هتكمل بيهم...والف شكر ليكوا كلكو ناس محترمة و بتحب تخدم بجد
ربنا يخليك ..
بالنسبه للابواب الفلاى دى هتعملها فى الحرفيين ...
الجنوط عندك محلات كتير جدااا...
السوند انزل التوفيقيه او شارع دمشق دول اشهر اماكن ...
اما باقى الحاجات فهجيب لك اسامى ناس تعمل عندها كل حاجه إن شاء الله
زى ... الفرش _ الصالون _ الدهان والدوكو _ التسقيط .......الخ..
وهقولك على حاجه لو مانزلتش الحرفيين انزل خد فكره .
لان كل حاجه هناك من الالف الى الياء ...
انا عايز اعرف الحاجات دى تتكلف كام و اول مل ابدأ فى التنفيذ هياخد وقت اد ايه
ماشاء الله الاعضاء هنا اهم قالو كل اللي فيها
بس ياريت انا عايز اعرف ابواب اللامبو عاملة كام بالظبط وعند مين
شراء وتركيب وكله كله ؟؟؟؟
يا ريت ما اكونش تألت عليك لكن انا عايز ابدأ التنفيذ و لازم يكون معايا المعلومات كلها من اول الخطوات لحد التكاليف ... و الف شكر على معلوماتك الغالية انا مقدر مجهودك بجد
هقلك انا على حاجة زى الفل فى محل اسمه enzoلسه فاتح جديد فى مدينة نصر 62 شارع هشام لبيب خلف اولاد رجب اللى فى مصطفى النحاس
الشباب هناك زى العسل هيتكلموا معاك وهيجيبولب من الاخر وممكن يعملولك كل حاجة انت عاوزها ويجيبوهالك لأن الفرع الرئيسى بتاعهم فى بورسعيد.و أنا شفتلهم صور عربيات جامدة جدا
تسلم يا رجالة على المعلومات الجميلة دى و تسلم اديكوا بجد احسن منتدى عربيات