الموضوع: الزجاج الجانبي فرقع وانا ماشي

الاخوة الافاضل كل عام وانت بخير

اعذروني لعدم مشاركتي لعدم تفرغي بس قد ما اقدر بحاول اتابعكم

كنت راكن العربية جمب معهد الاورام و مكان ظل و زي الفل و وخلصت شغل ورحت اخدتها و اخدت اتجاه الكورنيش للمعادي

ولسه مكملتش دقيقة سواقة لقيت بووووم ببص لقيت الزجاج اللي في الباب اليمين مفرقع و نزل 10000 حته محاولتش اقف طبعا ازاز و اتكسر حعمله ايه يعني

فضلت ابص في العربية في حاجة اترمت جوا طب دي رصاصة دي ولا ايه ابص عالتابلوه كل حاجة سليمة
المهم استوعبت انه ممكن يكون سرطان بقى و نصيب الزجاج كده بس لو كان في حد جمبي كان اتعور لانه شبه انفجر , الحمد لله كنت لوحدي

نيجي بقى للتجربة بتاعة شراء الزجاج , طبعا محاولتش اروح لحد من بتوع الزجاج الثلاثي و الخماسي و الكلام ده عشان عارف اللي عندهم اي كلام و الضرفة كيرفاتها مش حتكون مظبوطة و مشاكلها مع مكنة الازاز و الكلام ده و بعض الاصدقاء اكدولي انه مش حلو من تجاربهم

خدت بعضي عالحرفين و قررت اجيب استيراد حاجة كدا مفكوكة من باب قدامي
انا سمعت العجب , مبدائيا الحرفيين كلها فيها 2 او 3 بالكتير اللي بيجيبوا حاجة العربية دي هوا في ايه !!!!!
وواحد قالي عندي بس شمال بكام ب 350 (يا سلام لو كان الشمال هو اللي مكسور كان حيقولي عندي اليمين )
واحد اسمه فيصل لقيته عنده ب 850 بس قالي دا جديد اصلي , يا عم انت متاكد قالي اه طب وريني لقيته في كارتونة محترمة و لونه مظبوط و عليه اللوجو بتاع الانزار و هوندا و حركات , مكانش قدامي غير اني اجيبه لاني فقدت الامل الاقيه استيراد , جيبته و ركبته و شيكت عليه و قفلته مظبوطة و المكنة ماشية كويس و مشيت 130 و قعدت افتح و اقفل فيه الحمد لله طلع مظبوط

قولت احكيلكم عالتجربة عشان الفيدة تعم

المشاركة الأصلية كتبت بواسطة sanhory

بص انا بصراحة مندمتش مع اني كان معايا ek4 و كنت حاسس نفس احساسك توكل على الله بس هات حاجة نضيفة و متستعجلش عشان لو متهانة هتصرف جامد

والله كلامك ده بيشجعنى اكتر يا سنهورى