كنت عايز اعرف يا محترفين يعني ايه ابعاد الجنوط عشان كل الي اعرفه مقاس الجنوط با 14 او 15او16 زي كده لكن اول مرة اسمع عن ايعاد الجنوط عشان في اخ عارض جنوط و كنت عاوز اخدهم منه مع العلم اني راكب سيفيك 2008 و مقاس الكوتش 15/195/65 و شكرا يا ديابه
عرض للطباعة
كنت عايز اعرف يا محترفين يعني ايه ابعاد الجنوط عشان كل الي اعرفه مقاس الجنوط با 14 او 15او16 زي كده لكن اول مرة اسمع عن ايعاد الجنوط عشان في اخ عارض جنوط و كنت عاوز اخدهم منه مع العلم اني راكب سيفيك 2008 و مقاس الكوتش 15/195/65 و شكرا يا ديابه
حضرتك ابعاد الجنط المسافه بين كل مسمارين
يعني مثلا السيفيك 95 بتركب عليها 14 او 15 او 16 او 17 ابعاد 4*100
اللانسر مثلا 4*114
السيفيك 2008 بتبقى 5 مسمار والبعد مش عارفه بالضبط
ده الي بتسمى الابعاد
اما بالنسه لل مثلا 205/50/16
الجنط 16
عرض الكاوتش 205
ارتفاع 50
المقصود بابعاد الجنط , هو عدد المسامير الموجودة فى الجنط , والفرق مابين كل مسمار بس على طريقة دائرية
بتوضيح اكتر يعنى انك تجيب كل مسمار ومايقابلة فى الجهة الاخرى وتقيس المسافة دية هيطلع الرقم الصح بتاعك
وانا جيبتلك صورة اوضحلك فيها اكتر
http://nileup.com/up/uploads/nilemotors_13807983921.jpg
الخط الاسود دة هو المسافة اللى هتقيس عليها من المسمار دة للمسمار كمثال
ولو انت عربيتك هوندا سيفيك 2008 يبقى مقاس الجنط عندك كالتالى
114.3*5 معنى كلمة 5 انة خمس مسامير و 114.3 دية المسافة زى مانا موضحلك فى الصورة
دة غير طبعا ال off set ودة بردة لازم تكون فى اعتبارك وانت بتختار الجنط
عاوز اعرف ال off set بتاع الهوندا 93 هاتشباك .. لان الجنط عندى 15 و بيحك فى الرفارف وفعلا حاسس ان الجنط خارج بره العربيه مش جوه التجويف بتاعه يعنى .. ارجو الرد
1- ال offset : هو المسافة مابين حرف الجنط الداخلى والسرة التى يتم فيها تثبيت الجنط
فكل عربية ليها offset معين ( et ) دة الكود اللى بيكون مكتوب علي الجنوط وهو هو ال offset
فكل عربية et معين وليها نسبة مسموحة عشان لو هتكبر الجنط
ال offset بتاع الهوندا مع الجنط ال15 مايزيدش عن 42 et , ومايقلش عن 38 et يعنى يكون مابين الرقمين دول
ال off set بيبقى موجود فين ف الجنط ؟
اقلب الجنط , هتلاقى على احدى ازرع الجنط من جوة , كتابة اسمها et وجنبيها رقم هو دة
السلام عليكم ,
انا معايا نيسان صنى 94 بصراحة عملت فيها شغل عالى قوى شدتها شدة كويسة لدرجة ان اى حد بيشوفها بيسال على نوعها او هى معمولة فين بس المشكلة انوا عاوز اجيب جنط 15 عريض يرسم العربيىة بس المسافة بين الجنط الاصلى الحديد بتاعها ال 13 بوصة و بداية المساعد الخلفى حوالى 5 سم وانا واثق انه لو جه جنط اكبر من كده هيحك فهل كلامى صحيح ولا لا واتمنى يكون غلط علما انه انا عاوز اركب جنط 15 بس للعلم انا شفت عربيات على النت راكبلها 17 مش 15 ارجو الافادة وكذلك معرفة ابعاد الجنط اللى يركب عندى.
وشكرا.