الحمد لله ركبت rpm بنفسى ولكن !

**aldesha989** · 03-10-2013 08:16 PM

السلام عليكم ورحمة الله وبركاتة

النهارده نزلت الحمد لله rpm ب 95 جنيه اللى هو الفضى

وطلبت فى دماغى اركبه بنفسى لانى ما بثقش فى اى كهربائى عندى وخصوصآ ان هما اربع اسلاك واعتمدت على معرفه تخصص كل سلكه من ورقه البينات اللى مع الار بى ام

الاخضر سالب الموبينه
الاحمر كونتاك
الابيض النور الصغير او برضه مع الكونتاك
الاسود ارضى

وصلت كله زى الكتاب ما بيقول وطبعآ اتلغبطت فى سلكة الموبينه الموجب والسالب لان هو طلب اللى رايحه الاسبراتير مش اللى واصله فى الموبينه نفسها

فوصلت وكل تمام الحمد لله وجربت وشغال مع النور الصغير وزى الفل وتقدر تحدد عايزه ينور احمر عند عدد لفات كام

بس الفكره انه بطئ نوعآ ما مش اوى لكن ملاحظ انه بطئ يعنى ممكن تدوس وتوصل 6 وهو لسه بيطلع وفى النزول نوعآ ما برضه

ده غير انى لقيت ان فى تلات اختيارات من ورا اللى هى بتاعت السليندرات تقريبآ اذا كانت العربيه اربعه ولا سته ولا تمانيه سلندر وانا خليته على اربعه لانه لما كان على 6 كان الامبير عند 500 لفه ولما خليته على 4 بقى 1000 لفه كده مظبوط اللى انا عملته صح وانا فاهم صح لانى اعتمدت على ورقه البينات ؟

هل حد عنده اقتراح ؟

ده غير انى لاحظت انى لما بشغل التكيف بينزل مش بيطلع كده يبقى عندى كعبله فى الفاكيومات صح لان المفروض الفاكيوم اللى بيعلى الماتور لما التكيف يشتغل والموضوع ده انا متأكد منه لانى بحس بالعربيه ورجرجتها لما بشغل التكيف يعنى فعلآ الماتور ما علاش مش موضوعنا اللى عنده فكره يقولها ماعندهوش ياريت يجاوبنى بس على الموضوع بتاع ال rpm برضه عادي ولا ايه