منتظر تفاعل الاعضاء
منتظر تفاعل الاعضاء
عايزين الناس تخش تتناقش ياجماعة
لللللللللرفع
رايي لو مسافر تشتغل بره علشان فرصه اكبر للدخل سافر لان اكيد حتكون كسبان انما لو بتدور على عيشه انضف فانا عايز اقولك انك بعد فتره ممكن يحصل مشكله "لا قدر الله" وتضطر تعيش هنا برضه او تكبر فى السن فتضطر تعيش هنا برضه لانم مش حيبقالك شغل هناك وساعتها حتضطر تاخد اولادك وتعيش هنا وعمرهم محيتأقلموا .
لو على هجره فممكن تكون حل
انما لو انت بتدور على عيشه كويسه لاولادك فاللى انت حتدفعه بره لتعليمهم ممكن تدفع اقل منه هنا وتدخلهم مدارس انترناشيونال ويتعلموا كويس وكده كده انت حتربيهم فمش حتفرق هنا ولا بره لان الفساد بره وهنا والنت خلى المحافظه على طباع الاولاد ميفرقش من بلد للتانيه فالاحسن تستنى هنا وتحاول تصلح على الاقل سلوكك الشخصى وتكون قدوه لاولادك وبالتالى لو كل واحد عمل كده اظن ممكن بعد 20 سنه الجيل اللى طالع يخللى البلد دى انظف كتير .
انما لو حتستنى فى مصر وتلوم على الشعب والحكومه وتعلم الاولاد الصغيرين ان البلد دى مش نافعه وانك لازم تزعق علشان تاخد حقك فبصراحه يا صديقى العزيز سافر احسن لانك بتساهم فى اخراج جيل كاره للبلد اللى هو حيفضل طول عمره مرتبط بيها "فى الباسبور على الاقل" وكاره نفسه وكاره المجتمع والناس فخليه يتربى بره يمكن يفلح فى حاجه بره ونفتخر انه مصري بدل ميفضل هنا وبعد 20 سنه نلاقى نفسنا تحولنا للصومال .
هههههههههههههههههههه
تحياتى .
يعنى لو
*مسافر تحسن دخلك لان دخلك هنا قليل ومش مكفى -----فانت مضطر لازم تسافر
*مسافر تعيش فى بلد انضف ------فمسيرك ترجع تعيش فى مصر لان الظروف مش مضمونه وانت اجنبى هناك فاللى انت حتعمله مش حل
*مسافر تدور على عيشه كويسه لاولادك -----فاللى حتصرفه على تعليمهم هناك ممكن تدخلهم مدارس انترناشيونال هنا وتربيهم كويس وتبقى كده عملت اللى انت عايزه
*انما لو حتستنى فى مصر وتستنى البلد تتغير لوحدها بدون منغير طباعنا ---------يبقى القعده هنا ملهاش لازمه لان البلد دى مش حتتصلح منغير مكلنا نتغير فسافر بغض النظر عن كل اللى فات .
لو بره مش حتحوش مليم وعايش كويس بدخلك اوعى ترجع مصر او تفكر فها كويس انك حتعيش بره واحد يحترمو آدميته
والله ياجماعة انا قرفت من البلد والناس على الاخر
عاوز الخلاصة أنا شايف أنها فرصة لا تعوض على الاقل تسافر فترة من الزمن كتجربة وللسفر سبع فوائد
أنا أخويا استاذ جامعي فى الرياض بقالو 3 سنين مش عاوز أقولك لما ينزل هنا فى أجازة الصيف بيكون قرفان أخر قرف من البني أدمين اد اية وبيجي يحكيلي عن العيشة هناك على قد ماهي مش رخيصة بس فيه احترام واستقرار وادمية وحياة نضيفة ومبيكونش خايف على أولادة وهوة فى شغله قد مبيكون فى مصر ........ نصيحة خد قرار وربنا يوفقك ويرجعك مصر بالسلامة
على فكرة أنا أخويا لما بينزل مصر هنا بكون السواق الخاص بتاعة طول فترة الاجازة لانه حلف مايركب عربية فى مصر ومبيرضاش ياخد عربيتي من اللى احنا شايفينه فى الشوارع
اسمحلي يادكتور اضيف رأي متواضع
واضح من كلامك انك زهقت من البلد ومن الحياة السياسية اللي بنعيشها ومن السوق المصري بصفة عامة وهذا مادفعك للتفكير للسفر حتي تتخلص من ازمات المرور والتعامل السيء بين الناس والتعامل السوقي الاسوء
اعلم كل ماتنشد اليه وانا معك في قرارك انك تسافر للخارج
اعلم جيدا ان الدافع الرئيسي ليس المادة بقدر الاسباب السابقة
راي تبعد عن مصر لفترة منها احتكاك في اسواق عمل مختلفة واكتساب خبرة الي ان يستقر الوضع في مصر وبفضل الله لديك عملك الخاص صيدلية تستطيع البدء من جديد عند العودة
موضوعك لمس ماافكر انا به تماما فانا ظروفي متقاربة لظروفك في بعض التفاصيل
ودوافعي للسفر ايضا ليست مادية علي الاطلاق
بل لاني كنت انشد ان الثورة كانت طوق النجاة وان مصر ستتغير للافضل وماتلاه من احداث ايقنت اني اهدر عمري في شيء لن يتغير علي المدي القريب ونحتاج علي الاقل 20 او 30 عام اخرين كي يتبدل هذا الجيل بجيل اخر وللاسف الاصلاح لن يأتي في جيلنا الحالي ونتمي الاصلاح في جيل اولادنا
فلا تهدر اكثر في مستقبلك وعمرك المتبقي واتكل علي الله وسافر علي بركة الله وان شاء الله ربنا يكتبلك الخير في اي مكان
السلام عليكم
انا هقول رايي المتواضع .. و عارف انه هيتوه فى وسط جميع الاراء اللى اتفضلو الاخوة و قالوها
انا مسافر الكويت من 11 سنة دلوقتى .. و الحقيقة الاساسية اللى مافيهاش تغيير بعد ما قرات ظروف حضرتك الاجتماعية و المهنية هاقولهالك حالا
(ماتسافرش)
ليه بقي
فوايد السفر كما يلى :-
1- هتشوف عربيات نظيفة :) و ان شاء الله هتركب واحدة منهم
2- هتلاقى نظام اكتر فى الشوراع و التخطيط فى الاماكن النظيفة و الحيوية
خسائر السفر كما يلى :-
1- انسى حياتك و حياة اسرتك الاجتماعية و خصوصا فى السعودية.
2- انسى التقدم فى شغلك بجد .. مفيش اصلا خبرة و لا تقدم فى الشغل هنا الا لو هتشتغل فى شركة عالمية بتطبق معايير عالمية ... الناس بتيجى هنا عشان تنزل فى الاخر تعمل البيزنس بتاعها .. انت فعلا عندك البزنس بتاعك حاول تكبره و تطوره .
3- هتتعامل مع بنى ادمين للاسف ... مش عاوز اعمم بس ده المعظم .
4- انسى جو مصر الحلو .. انا ماعرفش الدمام دى نظامها ايه فى الجو بس العادى فى الخليج انت عارفه
5- علاقتك انت و اسرتك باهلك و اصحابك .. بالتدريج هتبقى باى باى .
6- لما تيجى هنا و تغرز فى التزامات و مصاريف و مدارس .. اوبشن الرجوع هيبقى صعب جدا ..
و حاجات تانية كتير
و اسأل الغربجية :)
بص ياباشا اكيد كل واحد بيتكلم بحسب تجربته الشخصية وبيعتقد ان تجربته هي المرجع للاخرين وده الخطأ بتاعنا كلنا
انا عشت نص حياتي في الغربة مابين
لبنان وسوريا والاردن وقطر
بعض مما ذكرته مظبوط والبعض الاخر يختلف من شخص الي اخر
الفوائد كثيرة ولا ينكرها الا جاحد
1- بعيدا عن نظافة الشوارع والاماكن هناك نظام في التعامل مع الوزارات والهيئات الحكومية وهناك نظام واضح وصريح 1.2.3 ومفيش تعقيد
2- تشعر بالامان بالرغم انك لم تلحظ كثيرا من دوريات الشرطة وتامن علي اهلك حتي لو كنت مسافر وبعيد عنهم
3- معظم المصرين في اعلي المراتب المهندس والدكتور والصيدلي والمحامي والمدرس ومدير البنك حتي الموظف العادي والعامل مصري يعني مش حتحس بغربة اوي
السلبيات
1- شعور الغربة والحنين الي الوطن هذا العامل هو سبب فشل الكثيرين اللي لديهم الهوم سيك
2- عدم التأقلم في البلد المستضيف او المجتمع او العمل سيعجل بفشلك اور حيلك
3- اذا سافرت بمفردك فلا انصحك بالسفر من الاساس لان الغربة لها مواجع وتحتاج الي احد منك وقريب منك ليخفف عنك اوجاع الغربة
ده باختصار لو عايزني اكمل انا جاهز :top_posters:
كلامك مظبوط 100 % يا باشا من ناحية ان كل واحد بيحكم عن طريق تجربته الشخصية بس انا والله ناقل احساس نسبة كبيرة من اصدقائى اللى عايشين هنا .. و فى المقابل فيه ناس مبسوطة و مكملة
حكاية المصريين فى اعلى المراتب و مش هتحس بالغربة انا مش معاك فيها قوى ... انا حواليا معظم اللى بيشتغلو مصريين برده و الاحساس بالغربة موجود و مترسخ حتى بعد السنين دى كلها
و معاك مليون فى المية ان لو هيسافر لوحدة يبقى بلاش احسن
هى فى الاخر فعلا بتختلف من واحد للتانى على حسب ظروفه و تطلعاته و احساسه بالمكان و الناس
و ربنا يهدي اخونا العزيز للى فيه الخير و الصواب
اخي الفاضل
الرد الوافي علي كلامك..يتوقف علي الراتب المعروض عليك في الدمام..وايضا هل تنوي اخذ اسرتك ام لا..مع الوضع في الاعتبار ان عندك طفل هيبتدي يدخل مدرسة ...لو حضرتك مش هتاخد اسرتك ..اقدر اقولك انك هتقدر تحوش مبلغ كويس دة باعتبار ان الراتب الاساسي في حدود 6000 او اكثر..لانك هتاخد كمان بدل سكن بما يعادل 3 شهور وهيفرولك سيارة لان عملك يتطلب ذلك..وساعتها هتتشارك مع زملاء لك في السكن.
اما في حالة استقدام اسرتك فهتاجر سكن وبدل السكن في حالة الراتب 6000 مثلا هيجيبولك سكن جيد..ومصاريف المعيشة من اكل وشرب هنا في السعودية رخيصة وسهلة وكذلك تاثيث المنزل ولكن ضع في اعتبارك م المدارس ودي مش هقدر افيدك قوي بس ممكن تكون في حدود 8000 في السنة لو مدرسة معقولة.
وعموما احب اقولك ان الدمام مدينة رائعة..واشجعك بشدة انك تخوض التجربة وانصحك تاخد اسرتك حتي لو هتتكلف شوية لان حياة العزوبية هنا قاتلة..وربنا يوفقك وارجو ان اكون افدتك بقدر امكاني.
مش معني اني بقول ان كل واحد بيتكلم علي تجربته ده غلط بالعكس اكيد صح بس الاختلاف ان كل واحد له تجربة مختلفة عن التاني يعني ممكن انتا تنجح وغيرك يفشل في نفس المكان ونفس الظروف والمكان والزمان
بخصوص وظائف المصريين
بص حواليك حتلاقي فعلا المحامي مصري والمهندس مصري والدكتور مصري والصيدلي مصري ومدير البنك مصري وطبعا الموظف العادي والمحاسبين مصريين والعمال مصريين يعني انا بقولك كل الوظائف حتلاقي المصريين متواجدين
انما حكاية بقي مبسوطين ولا لا فانتا راجل قديم وعارف ان المصري مش بيحمد ربنا علي النعمة مهما اعطيته وبيعتقد انه لما يشكر ربنا انك حتحسدوا علي رزقه فبلاش ندخل في القصة دي لانها كبيرة اوي واتفرمت كتير في قصص الغربة
بخصوص احساس الغربة بتختلف من واحد للتاني
يعني دلوقت لو معاك زوجتك واولادك مش حتفكر تنزل كتير مصر كل سنتين تلاتة لكن لو رايح لوحدك حتتجنن كل شوية تنزل يومين وترجع تاني
فوائد السفر
1- شوية فلوس زيادة ( او شويتين تلاتة )
2- عيشة نضيفة لمدة محددة من الزمن
عيوب السفر
1- انسى ابوك و امك و اهلك و انسى ان عيالك يرتبطو بأهلهم
2- هتضيع عمرك علشان تشتري شقة و عربية و و و ... علشان تستخدمهم شهر في السنة
3- الأيام شبه بعض
4- مصاريف كتير جدا هنا اكتر مما تتصور و خصوصا السكن و المدارس هتاكل كل فلوسك
الخلاصة : عيوب اكتر بكتير من المزايا .. يعني هتبيع كل حاجة علشان الفلوس
بص انا صيدلي و فاهم ظروف شغلك كويس و بقولك وضعك حلو في مصر .. خليك في مصر .. لأنك ببساطة لما هتيجي هيبقى صعب جدا ترجع
بص يادكتور خلينا متفقين علي بعض الاشياء
مهما حاولنا توضيح بعض الامور لك وترغيبك في السفر او البقاء فالاختيار لك واكيد رأيك سيكون هو الصواب لانك اقرب شخص لجميع ظروفك المحيطة وتستطيع انت فقط من تتخذ القرار بالبقاء او السفر لانك تعرف سلبيات وايجابيات السفر ومايليها من تبعات علي المدي القريب والبعيد
نحن نحاول مساعدتك فقط ومساهمة بقليلا من خبراتنا السابقة في مجال السفر وكل شخص يفند تجربته بسلبياتها وايجابياتها
لفتات
اذا كان اولوية سفرك للقرف من البلد فاشجعك علي السفر لانك تعلم ان هذا الجيل كتب عليه الشقاء في الداخل
اذا كانت اولوية سفرك للمادة فاعتقد انك مرتاح نسبيا عن غيرك فانا راي لاتسافر وكمل مشوارك هنا
لابد ان تعلم ان لكل قرار سلبياته وايجابياته
قرار السفر صعب جدا وتبعاته اصعب
وايضا قرار البقاء صعب جدا وتبعاته اصعب
واتمني لك التوفيق واستخير الله
انا سافرت الكويت مع الشركة اللي كنت بشتغل فيها في مصر في منصب احسن الحمد لله بقالي حوالي 3 سنين بس خلاص زهقت و عايز ارجع بس مش لسه مش جاهز للخطوة دي
الفكرة انك لو سافرت وقعدت كام سنة وبعدين حبيت تنزل مصر مش هتعرف تشتغل لان يا اما سنك هيبقى كبير يا اما مش هترضى تبدأ من الأول تاني في اي شركة .. او تشتغل في شركة تعبانة تطلع عينك و تقرفك
فاللي ها تعمله انك تعمل مشروع خاص و المشروع الخاص هو انك تفتح صيدلية .. فا انت حاليا عامل مشروع و في نفس الوقت عندك وظيفة مع المشروع
عندك حاجة تانية مهمة .. الشغل في الخليج يختلف تماما عن مصر في شركات الادوية .. وناس كتير ما بتقدرش تتعامل مع الضغط اللي بيتحط عليهم فكتير منهم ما بيقدرش يكمل حتى اول سنة .. الموضوع ده مهم جدا
حاجة كمان .. انا ما بقدرش اقعد اكتر من 6 شهور من غير ما اسافر مصر .. انا عندي طفل واحد و زوجتي .. تذاكر السفر بقت مولعه .. نزولة الصيف لوحدها بتاخد تذاكر حوالي 15000 و الشتا نفس المبلغ او اقل شوية ده غير مصاريفك في مصر على حسب كل واحد بس بتبقى مبلغ محترم بردو .. لو انت زي حالاتي ما بتقدرش تمسك نفسك و عايز تنزل مرتين في السنة هتلاقي نفسك داخل في 40 ولا 50 الف جنيه مصاريف .. حاجة جنان انا عارف بس هي دي الحقيقة
العيشة هنا بصراحة مريحة و محترمة و الناس لطيفة مع اللي بيحترم نفسه و اللي مش بيترحم نفسه بيتركب و كرامته بتتمرمط
ده اللي في دماغي دلوقتي لو عايز تعرف حاجة معينة قولي و انا تحت امرك
اسلوب حضرتك حلو ومنظم فى الكلام ربنا يوسع عليك كمان وكمان
بص هو تذاكر السفر عندى فى الشركة المفروض اللى اطلع عليها ليا ولزوجتى واتنين من الاولاد الكلام ده فى العقد سنويا بس كلاس y
يعنى اقتصادى
والتامين الصحى برضه شامل انا واتنين من الاولاد وزوجتى كلاس a
يبقى ايه الكلام
تالت حاجة حضرتك شغال دعاية ولا صيدليات وسنك كام بدون تدخل طبعا فى تفاصيل شخصية
بس معلش يعنى ايه key account manager
التيتل ده مش عندنا فى مصر
اوترجمته ايه يعنى زى ايه فى مصر تحياتى لك
هو معناه انك بتدير قسم معين مهم بالنسبة للشركة
زي وزارة الصحة او التامين الصحي كده في مصر
الاماكن الكبيرة دي بتبقى مهمة جدا بالنسبة للشركات لانها ممكن تكون حوالي 80 % من المبيعات فبالتالي الاهتمام بيها بيكون كبير
هو فعلا مش هتسمع عنه في مصر لانه في الخليج تقسيمة الشغل بردو مختلفة
بص بردو انا عايز اخلص ضميري من ربنا علشان ما بقاش سبب انك تضيع فرصتك
العائد المادي مهم جدا طبعا و انت ادرى واحد بظروفك
كل اللي انا كنت عايز الفت نظرك ليه ان فيه حاجات تانية تحطها في حسباتك و انت بتقرر .. اهمها انك هتبعد عن اهلك و انك هترجع مصر امتى و هترجع تعمل ايه
لو جاوبت نفسك على النقط دي و لقيت نفسك مقتنع ومرتب دماغك اتكل على الله فورا
بس أمانة عليك لو روحت مكة او المدينة في اي وقت تفتكرني بدعوة لوجه الله
و بالتوفيق
لا الله ما اعرفش عن عن السعودية
انا موجود في الكويت