الموضوع: موضوع للنقاش الجاد للاهمية لو بتوفر كام فى مصر متسافرش

المشاركة الأصلية كتبت بواسطة ahmed travco

المبلغ ده بيختلف من واحد للتاني...
أنا شايف 10000 جنيه هي المبلغ اللي ممكن يخلي الواحد مطمن وجاهز لأي مفاجآت... ومحدش يقولي ان ده كتير وان فيه ناس عايشة بـ200 جنيه والكلام ده!!

وعايز أقول لحضرتك ان اخويا صيدلاني برضه واتمرمط في البلد دي مرمطة لا يعلمها الا الله... وفي الاخر راح السعودية على كفيل (طبعا واحد جاهل ممعاهوش 5 ابتدائي) يقف في صيدلية طلع عينه واخويا اضطر يفسخ العقد ويدفعله شرط جزائي علشان يخلص!!

المهم انه بعد كده تعاقد مع شركة أدوية في الدمام والحمد لله ربنا فتح عليه... بدأ هناك على حوالي 4000 ريال أساسي + 1600 بدل عربية + مبلغ سنوي مش فاكر كام كبدل سكن + bonus نصف سنوي على المبيعات... وحاليا -وبعد اقل من سنتين معاهم- اجمالي دخله الشهري بيوصل لـ9000 ريال... حاجة كويسة طبعا لأن الـ9 دول يعيشوك في مستوى معقول جدا في وسط السعوديين... هو معاه زوجته وربنا رزقه بطفلة وعايش في شقة فخمة وراكب أكورد والدنيا تمام معاه والحمد لله...

بحكيلك كل ده علشان أقولك توكل على الله وسافرلك كام سنة ظبط حالك بس اوعى... اوعى... اوعى تروح على صيدلية... حاول جاهدا تخش على طول في شركة أدوية... ولو ملقيتش يبقى امرك لله تعاقد مع صيدلية وانت هناك بقى تظبطلك شركة محترمة (وده الأسهل إن شاء الله وده اللي أخويا عمله)...

وربنا يوفقك!!

انت راجل محترم العرض اللى جاى شركة ادوية ان شاء الله بجد مشكور على سرعة ردك بس لوتقدر تخدمنى تسئله سكن العوائل الحلو بكام تحياتى لك

المشاركة الأصلية كتبت بواسطة freeman207

انت راجل محترم العرض اللى جاى شركة ادوية ان شاء الله بجد مشكور على سرعة ردك بس لوتقدر تخدمنى تسئله سكن العوائل الحلو بكام تحياتى لك

من 20 ل 24 ألف ريال.

منتظر تفاعل الاعضاء انا عمرى ماخدت قرار فى حياتى الا ماشورتكوا الاول والله على ماقول شهيد

انت بتقول ان عندك صيدليه وظروف مصر متطمنش
ظروف مصر متطمنش لو انت شغال فى شركه فالشركه ممكن تقفل انما طالما عندك صيدليه خاصة بيك الناس عمرها ما هتبطل تشترى دوا

انت موضوع سفرك ممكن له عيوب وله مميزات
عيوبه ان انت هتقفل الصيدليه بالرغم انك لو استمريت فاتحها وبقت قديمه فى المنطقه ولها زبونها هيبقى مستقبلها افضل قدام ان شاء الله وممكن تعمل حاجات تانيه تطورها ممكن تشترك انت وناس من زمايلك وتلموا مبلغ كويس وتخده محل ايجار جديد فى منطقه راقيه وساعتها هتعرف تبيع كتير عن صيدليتك لانى اللى اعرفه ان معظم مكسب الصيدليه من حاجات التجميل ومن عيوب السفر انك هتبقى بعيد عن اهلك وديه ليها تمن كبير

من مميزات السفر بقى حتى لو مش هتحوش فيه ناس بتسافر هناك وحاطه فى دماغها انها هتعيش هناك طول العمر ومش لازم تحوش قد ما هى هتعيش فى بلد فيها قانون وفيها احترام مش هتلاقى هناك مناظر ما يعلم بيها الا ربنا
وبتحط فى دماغها انها هتدخل ولادها مدارس كويسه وهكذا


موضوع ان الواحد المفروض يحوش كام علشان يقعد فى البلد ديه موضوع متغير ممكن تكون بتحوش 2000 ومترضاش تقعد
لانك مثلا تكون عاوز شقه تمليك فموضوع ال2000 جنيه مش هينفعوا يتدفعوا مقدمه الا بعد سنين طويله

انما لو انت عندك مسكن ملائم ومرتاح فيه كمنطقه وايجار او تمليك يبقى مفيش داعى انك تسافر انما لو هتسافر علشان تشترى شقه تمليك او كده يبقى توكل على الله وطالما معاك زوجتك وولادك مش هتحس بغربه ان شاء الله

وبالتوفيق

المشاركة الأصلية كتبت بواسطة amr011111

انت بتقول ان عندك صيدليه وظروف مصر متطمنش
ظروف مصر متطمنش لو انت شغال فى شركه فالشركه ممكن تقفل انما طالما عندك صيدليه خاصة بيك الناس عمرها ما هتبطل تشترى دوا

انت موضوع سفرك ممكن له عيوب وله مميزات
عيوبه ان انت هتقفل الصيدليه بالرغم انك لو استمريت فاتحها وبقت قديمه فى المنطقه ولها زبونها هيبقى مستقبلها افضل قدام ان شاء الله وممكن تعمل حاجات تانيه تطورها ممكن تشترك انت وناس من زمايلك وتلموا مبلغ كويس وتخده محل ايجار جديد فى منطقه راقيه وساعتها هتعرف تبيع كتير عن صيدليتك لانى اللى اعرفه ان معظم مكسب الصيدليه من حاجات التجميل ومن عيوب السفر انك هتبقى بعيد عن اهلك وديه ليها تمن كبير

من مميزات السفر بقى حتى لو مش هتحوش فيه ناس بتسافر هناك وحاطه فى دماغها انها هتعيش هناك طول العمر ومش لازم تحوش قد ما هى هتعيش فى بلد فيها قانون وفيها احترام مش هتلاقى هناك مناظر ما يعلم بيها الا ربنا
وبتحط فى دماغها انها هتدخل ولادها مدارس كويسه وهكذا


موضوع ان الواحد المفروض يحوش كام علشان يقعد فى البلد ديه موضوع متغير ممكن تكون بتحوش 2000 ومترضاش تقعد
لانك مثلا تكون عاوز شقه تمليك فموضوع ال2000 جنيه مش هينفعوا يتدفعوا مقدمه الا بعد سنين طويله

انما لو انت عندك مسكن ملائم ومرتاح فيه كمنطقه وايجار او تمليك يبقى مفيش داعى انك تسافر انما لو هتسافر علشان تشترى شقه تمليك او كده يبقى توكل على الله وطالما معاك زوجتك وولادك مش هتحس بغربه ان شاء الله

وبالتوفيق

كلام يوزن بلد

الخلاصة من الآخر :

إحسب مصاريفك فى السعودية :
لو الشغل حيوفرلك سكن و مواصلات يبقى مش حتصرف أقل من 1500ريال شهرى ( أكل و إتصالات و نت و خلافه )
لو السكن عليك يبقى إعمل حسابك على 2500-3000 مصاريف شهرية
لو معاك أسرتك فحدث و لا حرج (سكن 1500-2000 شهرى و سيارة فى حدود 1000 و مصروف بيت فى حدود 2000 غير مستلزمات الأولاد غير المدارس )

مصاريف المعيشة مش رخيصة فى السعودية زى الناس متصورة

و فى النهاية شوف بعد مصاريفك حتقدر توفر و لو مرة ونص قد اللى بتوفره فى مصر يبقى تسافر