200 مريار دوراااار يطلعوا كام بالمصرى !!

دماغـــــى يا عالـــــــــــــــــــم :I_angr1[1]:
قطر هتصرف 200 مليار دولار لتنظيم كاس العالم 2022
ولسه فى ناس بتموت من الجوع ومش لاقيه سقف تنام تحته
ايه اللى بيحصل فى الدنيا

الفيفا مجتمع بكره الجمعة عشان ياخد قرار نهائى بتنظيم قطر للبطولة
او تغيير الموعد من فصل الصيف لفصل الشتاء
وفى تقارير عن رشاوى باهظة دفعتها قطر للفوز بالتنظيم
ده غير تهم العبودية بعد وفاة 44 نيبالى فى انشاءات الملاعب الايام الماضية
وفى اتجاه (حسب بعض التقارير) لاقامة البطولة فى استراليا

انا من ساعة ما قريت رقم التكلفة وانا محبط بصراحة
ومش عارف المواطن القطرى راض عن هذا العبث ولا مغلوب على امره !!
هى قطر دى ملهاش كبير يلمها ويقولها حرام المليارات اللى بتبعزقها :majd(4):
المفروض الفيفا تلزم اى دولة عايزة تنظم كاس العالم بدفع نفس قيمة تكلفة التنظيم للدول الفقيرة
لعلاج الفقر والمرض وتوفير مساكن وادوية وفرص تنمية للدول المطحونة
والغاوى ينقط بطاقيته
واهو عالاقل يبقى لكرة القدم رسالة حقيقية فى خدمة الشعوب

200 مليااااااااااار دولااااااااار
ليه كدة يا شيخ تميم :arab:

العائد بيغطى وده يبرر تهافت كل دول العالم العاقله للفوز بالتنظيم

صديقي المواطن
أكره الحكومة القطرية.ولكني أحب الشعب القطري
ودع الخلق للخالق محدش حيحط لا في جيبي ولا في جيبك
ودمتم للنضال

200 مليار دولار في 7 يبئا كدة تليرليون و 400 مليار جنية مصري يعني اكتر من ودائع المصرية في البنوك :)

مواطن قطري مين ياباشا
كلهم 250 الف مواطن
يعني اقل من سكان اي قريه مصريه
قطر كلها طولها 40 كيلو يعني لحد بنها

بحر فلوس بيغرقهم كل يوم
هايتبرعوا بيها يعني لفقراء الصومال

اقتباس:

---

المشاركة الأصلية كتبت بواسطة mk3

العائد بيغطى وده يبرر تهافت كل دول العالم العاقله للفوز بالتنظيم

---

كان فى صحفى قطرى على قناة فضائية بيقول ان رغبة قطر فى تنظيم البطولة يرجع بشكل اساسى لاختراق عالم الرياضة وكرة القدم مثلما اخترقت عالم الاعلام .. يعنى مش حكاية استثمارات وجذب سياحى الموضوع فى رايى منظرة من الاخر ومحاولات لفرض اسم قطر على جميع الاصعدة مهما كان الثمن

امريكا نفسها مش ممكن تصرف الرقم الخرافى فى تنظيم بطولة رياضية حتى لو كانت كاس العالم !

اقتباس:

---

المشاركة الأصلية كتبت بواسطة saddam

صديقي المواطن
أكره الحكومة القطرية.ولكني أحب الشعب القطري
ودع الخلق للخالق محدش حيحط لا في جيبي ولا في جيبك
ودمتم للنضال

---

الرقم مستفز يا اخ صدام
جنوب افريقيا فى 2010 مصرفتش 2 مليار انشاءات وترميمات .. الخ
اولمبياد لندن 2012 بجلالة قدره 19 مليار
وقطر راصدة 200 مليار وكانهم 200 مليون .. !!
مش فاهم يعنى هيدوا كل لاعب مليار وهو مروح ولا ايه
ربنا لا تؤاخذنا بما فعل السفهاء منا

اقتباس:

---

المشاركة الأصلية كتبت بواسطة mohamed hussei

200 مليار دولار في 7 يبئا كدة تليرليون و 400 مليار جنية مصري يعني اكتر من ودائع المصرية في البنوك :)

---

الرقم ده يهد ويبنى قطر من جديد
وتقريبا قد ميزانية 30 دولة افريقية طبقا لصحفى رياضى على قناة سكاى نيوز !

اقتباس:

---

المشاركة الأصلية كتبت بواسطة hugan

مواطن قطري مين ياباشا
كلهم 250 الف مواطن
يعني اقل من سكان اي قريه مصريه
قطر كلها طولها 40 كيلو يعني لحد بنها

بحر فلوس بيغرقهم كل يوم
هايتبرعوا بيها يعني لفقراء الصومال

---

البلد دى لازم تتأمم وفلوسها تتوزع على الدول العربية :)

اقتباس:

---

المشاركة الأصلية كتبت بواسطة ;3875213909

بدل ماقطر تدفع مئات المليارات الدولارات من اجل اسمنت وحجارة شيئ لاتستفيد منه كان الاولى بقطر ان تصرف تلك المئات المليارات في إقامة مراكز البحوث العلمية واقامة المعاهد والمختبرات البحثية وتقيم بهذه المئات المليارات المصانع والمعامل بدل الاسمنت والحجارة

وكانت قطر بهذه العشرات من المليارات وبعدة مليارات فقط إستوردت ادق تكنولوجيات العالم
وبهذه المليارات كانت قطر اشترت واستوردت عشرات العلماء والعباقرة في كل تخصصات العلوم والمعرفة والتكلونوجيا الموجودة في الدنيا كلها

وكانت قطر صرفت هذه المئات المليارات على البحث العلمى بدل صرفها على الاسمنت وعلى الحجارة !!

ولكن عرب وش ترتجي منهم

عرب لا امل ولافائدة ولارجاء منهم ولن يلحقوا بركب التطور والحضارة ولو بعد مليار سنه ضوئية وهم بهذه العقلية، عقلية الجهل والتخلف وعقلية الغرور والمباهاة وعقلية السذاجة وعقلية بناء اكبر ناطحة سحاب في العالم وبناء اكبر معلب غولف في العالم وإقامة مباريات جمال الابل والماعز والخراف ومزايين البعير !!

---

منقول

اقتباس:

---

المشاركة الأصلية كتبت بواسطة rapid

البلد دى لازم تتأمم وفلوسها تتوزع على الدول العربية :)

---

دول عربية اية ياباشا دي نسميها دولة الانشاءات يوزعوا فلوس دي يعملوا مشاريع بيها في دول دة صومال مش لقين حبة القمح وهما بيصرفوا مليارات يعني ممكن دي مزانية صومال علي مر تاريخ بتاعها

مش عارف كدة الرقم شكله فيه حاجة مش مضبوطة ممكن يكون 20 مليار ممكن تبقى مقبولة او 2 مليار انما 200 مليار دي صعبة جدا بصراحة

أعتقد انهم بيبالغوا في الرقم علشان يخضوا الناس ويحسسوهم ان قطر دي هي القوة العظمى القادمة... اساسا لو عندهم شبكة مواصلا واتصالات وبنية اساسية عموما متهالكة زي عندنا مش هيحتاجوا يصرفوا اكتر من 20 او 30 مليار بالكتير... بس زي ما بقولك كده... هم عايزين يصدروا للعالم انهم الوحش القادم وانهم يقدروا يشتروا القمر ذات نفسه...

كل ده طبعا تخمين انما هم ولاد الذين معاهم فلوس تسد عين الشمس... واكيد موضوع انهم يعملوا الاستادات مكيفة وبأسقف متحركة هيكلف جامد جدا جدا... بس برضه مش المبلغ المتخلف ده...

وفي الاخر افكركم ان دي من علامات الساعة... النبي عليه افضل الصلاة والسلام قال من ضمن ما قال في الحديث ده: "... وأن ترى الحفاة العراة رعاة الشاة يتطاولون في البنيان..."

حب للظهور مش اكتر زي ما على مستوى الشعب هتلاقي اللي يدهن عربيته لون فسفوري (أخضر لموني أو أصفر فاقع او بنفسجي فاقع) عشان الناس تبصله هتلاقي الحكومه برضه (لأنها جزء من الشعب) مهووسه بحب الظهور والفشخره.

اقتباس:

---

المشاركة الأصلية كتبت بواسطة mohamed hussei

دول عربية اية ياباشا دي نسميها دولة الانشاءات يوزعوا فلوس دي يعملوا مشاريع بيها في دول دة صومال مش لقين حبة القمح وهما بيصرفوا مليارات يعني ممكن دي مزانية صومال علي مر تاريخ بتاعها

---

يلا هما هيروحوا من ربنا فين :)

اقتباس:

---

المشاركة الأصلية كتبت بواسطة Mzeid

مش عارف كدة الرقم شكله فيه حاجة مش مضبوطة ممكن يكون 20 مليار ممكن تبقى مقبولة او 2 مليار انما 200 مليار دي صعبة جدا بصراحة

---

قطر رصدت 200 مليار دولار لاستضافة كأس العالم لكرة القدم عام 2022 - قطر - فرانس 24 - مونت كارلو الدولية

قطر ترصد 200 مليار دولار لكأس العالم - كاس العالم 2022 - كرة القدم - يوروسبورت عربية

جريدة الأنباء الكويتية | لماذا تنفق قطر 200 مليار دولار على كأس العالم؟

:Copy of new:

اقتباس:

---

المشاركة الأصلية كتبت بواسطة ahmed travco

أعتقد انهم بيبالغوا في الرقم علشان يخضوا الناس ويحسسوهم ان قطر دي هي القوة العظمى القادمة... اساسا لو عندهم شبكة مواصلا واتصالات وبنية اساسية عموما متهالكة زي عندنا مش هيحتاجوا يصرفوا اكتر من 20 او 30 مليار بالكتير... بس زي ما بقولك كده... هم عايزين يصدروا للعالم انهم الوحش القادم وانهم يقدروا يشتروا القمر ذات نفسه...

كل ده طبعا تخمين انما هم ولاد الذين معاهم فلوس تسد عين الشمس... واكيد موضوع انهم يعملوا الاستادات مكيفة وبأسقف متحركة هيكلف جامد جدا جدا... بس برضه مش المبلغ المتخلف ده...

وفي الاخر افكركم ان دي من علامات الساعة... النبي عليه افضل الصلاة والسلام قال من ضمن ما قال في الحديث ده: "... وأن ترى الحفاة العراة رعاة الشاة يتطاولون في البنيان..."

---

اللهم صل وسلم وبارك على سيدنا محمد

اقتباس:

---

المشاركة الأصلية كتبت بواسطة ahmed_adham

حب للظهور مش اكتر زي ما على مستوى الشعب هتلاقي اللي يدهن عربيته لون فسفوري (أخضر لموني أو أصفر فاقع او بنفسجي فاقع) عشان الناس تبصله هتلاقي الحكومه برضه (لأنها جزء من الشعب) مهووسه بحب الظهور والفشخره.

---

اللى بيحصل ده قمة الهوس والجنون دول بيقولوا احنا مستعدين ننظم البطولة سواء فى الصيف او الشتاء وتحت اى شروط وحاطين البلد كلها تحت تصرف الفيفا فى مشهد غريب وكان البطولة دى هتكبر قطر مرتين مثلا او هتخلى عدد سكانهم 50 مليون .. ليست لدى مشكلة مع قطر او غيرها لكن هذا العته النادر ليس له ادنى علاقة بالحكم الرشيد او مبادئ ادارة الدولة !

مش مبالغه
لدرجه انهم ناويين يكيفوا الشوارع
يعني الشارع يبقي مكيف الهواء
الكلام ده حقيقي مش تهريج
من ضمن خطه الانشاءت تكييف الشوار ع من الفنادق للملاعب
حد شاف الجبروت ده قبل كده

حكومة قطر عندها مشكلة فظيعة و تقريبا الخليج كله
بس قطر عندها فلوس كتيرة قوي و عدد سكان صغير جدا و مساحة صغيرة جدا

مشكلة حكومة قطر هي حب الظهور ...... يعني من الأخر ..... دولة ملهاش أي تاريخ فبتحاول تعمل تاريخ لنفسها و أسم على الخريطة .
و إن كنت أفضل ان يقوموا بعمل شئ نافع لهم و للعالم العربي كله و العالم الأسلامي و ا لعالم كله

يعني تدريب و أستثمارات للعرب و في البلاد العربية.
مساعدة مثلا السودان و الصومال و الدولة التي تنهار اقتصاديا و مش لاقيين ياكلوا .

بس هانقول ايه
حكامنا جايين مننا فيننا ....... فالعيب فينا بالتأكيد.

الله يرحم الشيخ فيصل و الشيخ زايد .............. و عبد الناصر طبعا .... دول ناس كانت بتساعد بما تستطيع .

إنما الشيخ حمد ......... ربنا يهديه و يهدينا جميعا .

اقتباس:

---

المشاركة الأصلية كتبت بواسطة hugan

مش مبالغه
لدرجه انهم ناويين يكيفوا الشوارع
يعني الشارع يبقي مكيف الهواء
الكلام ده حقيقي مش تهريج
من ضمن خطه الانشاءت تكييف الشوار ع من الفنادق للملاعب
حد شاف الجبروت ده قبل كده

---

شوارع مكيفة وملاعب مكيفة وسحب صناعية !
.BBC Arabic‬ - .رياضة‬ - .سحب صناعية لتبريد الجو في قطر أثناء استضافة كأس العالم‬

اقتباس:

---

المشاركة الأصلية كتبت بواسطة tutankhamoun

حكومة قطر عندها مشكلة فظيعة و تقريبا الخليج كله
بس قطر عندها فلوس كتيرة قوي و عدد سكان صغير جدا و مساحة صغيرة جدا

مشكلة حكومة قطر هي حب الظهور ...... يعني من الأخر ..... دولة ملهاش أي تاريخ فبتحاول تعمل تاريخ لنفسها و أسم على الخريطة .
و إن كنت أفضل ان يقوموا بعمل شئ نافع لهم و للعالم العربي كله و العالم الأسلامي و ا لعالم كله

يعني تدريب و أستثمارات للعرب و في البلاد العربية.
مساعدة مثلا السودان و الصومال و الدولة التي تنهار اقتصاديا و مش لاقيين ياكلوا .

بس هانقول ايه
حكامنا جايين مننا فيننا ....... فالعيب فينا بالتأكيد.

الله يرحم الشيخ فيصل و الشيخ زايد .............. و عبد الناصر طبعا .... دول ناس كانت بتساعد بما تستطيع .

إنما الشيخ حمد ......... ربنا يهديه و يهدينا جميعا .

---

دلوقت الشيخ تميم وتقريبا ماشى على نفس النهج

ده بيزنس والمكسب على المدى البعيد اكبر بكثير من الرقم ده. خللى بالك ما هو ملاعب جديدة عالمية + فنادق 5 نجوم ديلوكس هترفع من شأن قطر على المستوى السياحى جدا + بروز نجم قطر على المستوى الدولى كقبلة للأحداث العالمية. من الآخر كدة شفت دبى؟ هم عايزين ياكلوا الجو منها :)

اقتباس:

---

المشاركة الأصلية كتبت بواسطة Mohamed_Hamid

ده بيزنس والمكسب على المدى البعيد اكبر بكثير من الرقم ده. خللى بالك ما هو ملاعب جديدة عالمية + فنادق 5 نجوم ديلوكس هترفع من شأن قطر على المستوى السياحى جدا + بروز نجم قطر على المستوى الدولى كقبلة للأحداث العالمية. من الآخر كدة شفت دبى؟ هم عايزين ياكلوا الجو منها :)

---

ده كدة هياكلوا دبى نفسها ههههههههه
مش حسد ده قر :3mla:

اقتباس:

---

المشاركة الأصلية كتبت بواسطة rapid

اللى بيحصل ده قمة الهوس والجنون دول بيقولوا احنا مستعدين ننظم البطولة سواء فى الصيف او الشتاء وتحت اى شروط وحاطين البلد كلها تحت تصرف الفيفا فى مشهد غريب وكان البطولة دى هتكبر قطر مرتين مثلا او هتخلى عدد سكانهم 50 مليون .. ليست لدى مشكلة مع قطر او غيرها لكن هذا العته النادر ليس له ادنى علاقة بالحكم الرشيد او مبادئ ادارة الدولة !

---

الفكره مش مكسب مادي خالص هما مفيش عندهم صناعه ولا تجاره يشغلوها ومفيش اي ايرادات من تذاكر واقامه ومشتريات هتغطي اللي هيتصرف. الفكره كلها ان العالم يعرف ان فيه دوله في مكان ما على الخريطه اسمها "قطر" وان مانشيتات الصحف العالميه تفضل تذكر اسم قطر لفتره وأرجع أقولك فلوس جت من الهوا وهتروح في الهوا زي اللي بيسرق فلوس ويخسرها في القمار.

يا فندم قطر دولة صغيرة أينعم لكن متخليش الإختلاف في السياسة أو ما شابه يصرف نظرنا عن إن قطر من أكبر منتجي ومصدري إلغاز في العالم...كمان الخطوط الجوية القطرية بتلعب في المركزين الاول والثاني على مستوى العالم كله.

كمان قطر فيها أكبر شركات الانشاءات والمقولات العالمية وليهم فروع نشيطة جداً.

كأس العالم دة إستثمار بعيد الأمد هيزود السياحة وسياحة المؤتمرات...كمان الزوار هيسعدو في تكاليف المطار الجديد هناك.

الناس دي مش لابسين جلابية وعقال وبس...لأ بيستعينه بخبرات أجنبية من كل مكان في كل المجالات....عشان كدة هم وصلوا لم هم فيه دلوقتي واحنا آخرنا ننتقد ونسخر منهم.


تحياتي

قطر تقريبا بتبنى بلدها من اول وجديد مشاريع الاستادات دى اقل مشاريع عندها بتعمل مشروع شبكه مترو 4 خطوط المرحله الاوله 150 كم بتعمل طرق جديده بتبنى ميناء جديده ومطار جديد غير اللى لسه مفتوح عندهم حاجه اسمه Qatar 2030 حلمهم ان قطر تبقى هونج كونج الشرق الاوسط حقيقى ياريتنا نعمل نص اللى هما بيعملوه بفلوسهم اللى احنا بنقول انهم بيرموها في الهواء

اقتباس:

---

المشاركة الأصلية كتبت بواسطة korkor

قطر تقريبا بتبنى بلدها من اول وجديد مشاريع الاستادات دى اقل مشاريع عندها بتعمل مشروع شبكه مترو 4 خطوط المرحله الاوله 150 كم بتعمل طرق جديده بتبنى ميناء جديده ومطار جديد غير اللى لسه مفتوح عندهم حاجه اسمه qatar 2030 حلمهم ان قطر تبقى هونج كونج الشرق الاوسط حقيقى ياريتنا نعمل نص اللى هما بيعملوه بفلوسهم اللى احنا بنقول انهم بيرموها في الهواء

---

فيه ناس عندها تقدم ومشاريع أكبر من دي بكتير وكمان بتنفذها بنفسها بدون استيراد خبرات من بره بس منظموش ولا هينظمو بطوله رياضيه ب 200 مليار دولار. خلينا نفكر مثلا ان تكلفه كاس العالم 2010 بتاع جنوب افريقيا كلف 2.7 مليار دولار وكان ممتاز والتكلفه المتوقعه لكاس العالم البرازيل 14 مليار دولار انما 200 كتير جدا جدا رقم مبالغ فيه!

اقتباس:

---

المشاركة الأصلية كتبت بواسطة Ahmed_Adham

الفكره مش مكسب مادي خالص هما مفيش عندهم صناعه ولا تجاره يشغلوها ومفيش اي ايرادات من تذاكر واقامه ومشتريات هتغطي اللي هيتصرف. الفكره كلها ان العالم يعرف ان فيه دوله في مكان ما على الخريطه اسمها "قطر" وان مانشيتات الصحف العالميه تفضل تذكر اسم قطر لفتره وأرجع أقولك فلوس جت من الهوا وهتروح في الهوا زي اللي بيسرق فلوس ويخسرها في القمار.

---

على رأيك

اقتباس:

---

المشاركة الأصلية كتبت بواسطة gsoleiman

يا فندم قطر دولة صغيرة أينعم لكن متخليش الإختلاف في السياسة أو ما شابه يصرف نظرنا عن إن قطر من أكبر منتجي ومصدري إلغاز في العالم...كمان الخطوط الجوية القطرية بتلعب في المركزين الاول والثاني على مستوى العالم كله.

كمان قطر فيها أكبر شركات الانشاءات والمقولات العالمية وليهم فروع نشيطة جداً.

كأس العالم دة إستثمار بعيد الأمد هيزود السياحة وسياحة المؤتمرات...كمان الزوار هيسعدو في تكاليف المطار الجديد هناك.

الناس دي مش لابسين جلابية وعقال وبس...لأ بيستعينه بخبرات أجنبية من كل مكان في كل المجالات....عشان كدة هم وصلوا لم هم فيه دلوقتي واحنا آخرنا ننتقد ونسخر منهم.


تحياتي

---

حضرتك انا لا انكر النهضة الحضارية الرهيبة فى قطر ولا الطفرة الاقتصادية اوالانشاءات والشركات العملاقة هناك او انهم يستعينوا بخبرات وعقول اجنبية فى كل المجالات .. كل الحكاية انى (مش متخيل) هذا الرقم الخزعبلى لمجرد تنظيم بطولة رياضية فى النهاية ممكن تنجح او تخسر

لا بنقد ولا بسخر بس بحاول استوعب مش اكتر !

يعني العالم بتوع البرازيل بيتظاهروا ضد الحكومه هناك علشان هتصرف حوالي 14 مليار دولار علي كاس العالم..
تقوم قطر تخصص 200 مليار دولار ..
وهو ده الفرق بين العرب وبينهم
علفكره حاجه زي كده عمرها ماهتخليك تكتسب احترام العالم ..

جنوب افريقيا في 2010 صرفت 2.6 مليار دولار

يطلعوا فلوس وبكره يبقوا حاجة بسيطة
زي الجنيه زمان ودلوقتي

أذا عرف السبب بطل العجب......

الفكرة فى التكلفة الخزعبلية دي أن أحد أشتراطات إستضافة كأس العالم هي أنه يقام على ملاعب 8 مدن مختلفة
قطر أخدت إستثناء من النقطة دي......بدل 8 مدن مختلفة خلوهم 4 مدن مختلفة

طيب حلو........قطر فيها كام مدينة ؟

الإجابة......واحدة..........الدوح ة.

يعني المطلوب منهم بناء 3 مدن جديدة ( فعلياً فيه أكثر من مكان بيطلق عليه مدينة عندهم بس هو لا يرقى لمساحة قرية فى مصر)
بس هيبقى مطلوب منهم يبنوا بنية تحتية و فنادق و سكن للناس و مولات و محلات فى كل مدينة........غير أن يعملوا شبكة مترو بين الأربع مدن....غير ال 8 إستادات اللى منهم 4 فك و تركيب هيتم التبرع بيهم للفيفا بعد المونديال علشان يتركبوا فى مناطق نامية.

قطر هتبقى أول بلد فى التاريخ هتصرف على تنظيم كأس العالم أكثر مما هتربح منه.

و للزميل اللى بيقول أن هتفتح مجال و سياحة مؤتمرات و الخ.........أحب أقوله كان فيه فى 2006 بطولة الألعاب الأسيوية مقامة فى قطر و عملوا عليها شغل جاااااااامد جداً و أسأل اللى عايش هناك هيقولك الدنيا نامت أو بمعنى اصح رجعت لطبيعيتها بعد ما البطولة خلصت على طول......و لا سياحة ولا غيره.

هما اللي بيعملوه ده ما هو إلا دعاية لبلدهم............علشان الناس اللى متعرفش قطر تعرف أن فيه بلد أسمها قطر...........و نوع من أنواع التلميع لبدلهم لا أكثر.