المشاركة الأصلية كتبت بواسطة Shiref_mohamed
السلام عليكم ورحمة الله
يوم السبت الى فات عملت صيانةكبيرة لعربيتي الميجان عند طارق الي في الهرم وبصراحه هو راجل محترم جدا وامين في معاملته ومن راي الوحوش احمد عبد المقصود وايمن مومو فيه قررت انى ارحله واعمل اول صيانه بره التوكيل لعربيتي ...
في البدايه انا كنت خايف جدا على العريية بس لما شفت شغلهم بجد فاهمين العربية وحافظينها بالمسمار وديه تفاصيل الصيانة
طقم كاتينة كامل 650
سير دينامو 100
فلتر هواء 70
فلتر بنزين 50
قاعدة موتور الى جمب القربة لقيناها مقطوعه 275 ونسيت احاسبه عليها
ومغيرتش البوجيهات عشان مغيرهم من 8000 كم
وغيرت زيت 5w40 وده هعمل بيه موضوع لوحده
وغيرت زيت فرامل
وراجعت على التيول والطنابير وكله تمام
والحمد لله العربية رجعت زيرو والحقيقة طارق عمل معايا واجب في المصنعيه عشان اول مره اروحله وان شاء الله ناوي اتعامل معاه علطول..
اه نسيت اقول اني شفت عنده عربية الوحش ايمن مومو وقعدت الف حواليها واتامل فيها وبصراحه ربنا يباركله فيها ويكفيه شرها