صدقنى مش كل المشاكل هتلاقيها عندك ... فايه هيا بالظبط المشاكل العامة فى الايمجراند؟؟
نظرا لتنوع الشكاوى من العربية. واعتقاد اى شخص مقدم على الشراء ان عربيته هيكون فيها كل المشاكل اللى بيسمع عنها.
ونظرا ان العربية بدأت تاخد سمعة وحشة جدا بسبب تعدد انواع المشاكل.
فكرت فى ان كل مالك يدخل ويكتب ايه هيا المشاكل اللى اتعرض ليها
وكذلك لو فيه مالك ومش عنده اى مشاكل يدخل ويقول ويثبت دا
ولو فيه مشكلة ومالك قدر يحلها. ياريت يقولنا حلها ازاى.
ودا هيفيد اى شخص هيشترى جديد انه يتأكد ان مش كل المشاكل هتقابله فى عربيه لوحدة وان السبب فى كل اللى بيحصل دا هوا قله جودة التجميع المصرى ودا اللى بيؤدى الى تنوع المشاكل (كل عامل مصرى و مزاجة بقة)
وكمان هيفيد الملاك وغير الملاك انهم يعرفوا ايه هيا فعلا المشاكل العامة اللى ممكن يتعرض ليها.
وفى الاخر كل شخص يكون ليه حريه الاختيار هيشترى ولا لأ؟
