عرض للطباعة
كل شوية الواحد يلاقي موضوع اسمه " تقريري مع زيت ........"
مع كامل احترامي للناس حضرتك ايه خبراتك الي تؤهلك لابداء راي معين يترتب عليه ان حد ممكن يغير نفس الزيت ومكنته ترزع عشان معلومة غير صحيحة من حضرتك
اتمني ان الي يعمل كدة يكون فعلا خبير في الموضوع :ask::ask:
حضرتك عندك حق وكلامك مظبوط
بس برده حتى لو كان صاحب التقرير خبير ده مش كفاية
لأن ببساطة الزبوت كلها كويسة (ماعدا المضروب منها) لأنها بتكون خاضعة للرقابة والجودة
بس اللى بيفرق زيت عن التانى هو حالة الموتور اللى بيتحط فيه الزيت
يعنى مثلا انا فى عربيتى بستعمل شيل الأزرق نصف تخليقى 10w40 وزى الفل معايا لكن فى عربية تانية بينقص فيها حتى لو كانت نفس عربيتى ونفس الموتور ونفس الموديل لكن الاختلاف بيكون فى حالة الموتور وظروف التشغيل
ملخص الموضوع: اختار الزيت المناسب حسب حالة موتورك ودى هتعرفها لما تلافى عربيتك بترتاح عليه
يعنى لازم تجرب بنفسك
في ناس يا كريم بعد ما تغير الزيت لنوع مش معروف يفضل يقولكدالموتور بقي ناعم والسحب بقي رائع والعربية معرفتهاش وال rpm نزل (نفسي افهم ايه العلاقة) وناقص يقولك وطعمه حلو وخفيف عالصدر
اي كلام قال يعني هو الي اكتشف الزيت وغيره يلبس
اقتباس:
المشاركة الأصلية كتبت بواسطة elmkaneeki
صديقي المواطن
بالراحة على أخوتنا الزملاء المواطنين في المنتدى متجيبلهومش إحباط خليهم يجربوا ويتكلموا والناس لو سمعت كلامك كده المنتدى حيقفل عشان محدش حيقول تجارب
ثم قولا واحدا الزيوت بتفرق في العربيات وطبعا فيه زيوت بتنعم صوت المكنة وتخليها تعمل بسلاسة وفعلا فيه إضافات حديثة توصل لدرجة عربيتك لو خبطت كرتيرتها من تحت وفضيت من الزيت وإنت مش دريان فالمكنة مش حتكلبش فإنت يا صديقي المواطن كلامك صح بس زمان شوية ثم محدش بيجيب ويدخل زيت جديد لمصر إلا لو كان معتقد إنه فيه حاجة جديدة أحسن من شيل وموبيل والتعاون والزيوت بتتطور سنويا والزيت اللي كان والدك بيحطه سنة 80 غير الزيت اللي إنت بتحطه النهارده غير الزيت اللي حيحطه إبنك بعد 15 سنة
ودمتم للنضال
بص كلامك صح ان في تسرع فالتقدير والحكم
لكن في تقارير مفيدة بحيث توافق الزيت ده بالرقم ده بحالة الماتور مع موديل محدد لماركة ما
فالنهاية التجربة بتكون مفيدة بس بتحتاج خبرة شوية وتقدير الزيت قبل التغير بشوية
مش بعد التغير علطول
والله اعلم