ارجوكوا ... مخى هينفجر خلااااص ... شيفروليه افيو 2014 ولا نيسان صنى 2014

ارجوكوا ... مخى هينفجر خلااااص من كتر التفكير ... شيفروليه افيو 2014 ( الشكل الجديد ) ولا نيسان صنى 2014 ( الشكل الجديد)

دى ليها مميزات ودى ليها مميزات ... دى ليها عيوب ودى ليها عيوب

اجوكوا ساعدونى ... انا قدامى الاختيارين دول بس .... ارجوا السرعه

رأى الشخصى صنى افضل كتير

لا دي ولا دي العربيتين تعبانين بص كدة علي البيجو 301

سيبك من العربيتين اساسا

لو صنى سوبر صالون تبقى كويسه لو ex فكك من العربيتين

صديقي المواطن
مع شديد حبي وتقديري لك ولكني أربأ بك أن تهين السيارة نيسان الشكل الجديد حتى لو كانت كنبة بالعربية التعبانة أفيو فدي مقارنة ظالمة خصوصا إن أفيو فئة أقل من صني والأفيو تقارنها بلانوس بفيرنا بسبارك ببعض عربيات الصف الثاني من الصيني مش الصف اﻷول كمان يعني بريليانس والتيجو وال 620 كل دي عربيات أحسن من أفيو
وقولا واحدا في مقارنتك تجيب صني وتعمل رسالة إعتذار للشعب المصري بإنك قارنت اﻷفيو سوبر ضياع بالنيسان صني دلوأتي ملاك صني جالهم إحباط لما بيقروا موضوعك وإنت حبيبنا وبالتوفيق
ودمتم للنضال

كده انت بتظلم الافيو .. عربيه تعبانه ليه .. الصنى دى عربيه مكسحه .. هو عشان شاف منظرها الشكل الجديد المقرف .. قارنها بالافيو مش اكتر

اقتباس:

---

المشاركة الأصلية كتبت بواسطة saddam

صديقي المواطن
مع شديد حبي وتقديري لك ولكني أربأ بك أن تهين السيارة نيسان الشكل الجديد حتى لو كانت كنبة بالعربية التعبانة أفيو فدي مقارنة ظالمة خصوصا إن أفيو فئة أقل من صني والأفيو تقارنها بلانوس بفيرنا بسبارك ببعض عربيات الصف الثاني من الصيني مش الصف اﻷول كمان يعني بريليانس والتيجو وال 620 كل دي عربيات أحسن من أفيو
وقولا واحدا في مقارنتك تجيب صني وتعمل رسالة إعتذار للشعب المصري بإنك قارنت اﻷفيو سوبر ضياع بالنيسان صني دلوأتي ملاك صني جالهم إحباط لما بيقروا موضوعك وإنت حبيبنا وبالتوفيق
ودمتم للنضال

---

مش قوي كدة يعني يا باشا الصني برضو مليانة مشاكل وقرف وعيب علي الياباني والله واصلا الياباني الي فيها المحرك و الفتيس وباقي العربية هندي باين علي ما اتذكر

الــــــ 2 مش حلوين فكك منهم و هات اوبترا او بيجو 301 او رينو لوجان اوتو

صنى سوبر صالون

بلاش العربيتين يا أخى الكريم فى حاجات احسن :)

اقتباس:

---

المشاركة الأصلية كتبت بواسطة m i d o

لا دي ولا دي العربيتين تعبانين بص كدة علي البيجو 301

---

تمام يا ميدو باشا :)

اقتباس:

---

المشاركة الأصلية كتبت بواسطة m i d o

مش قوي كدة يعني يا باشا الصني برضو مليانة مشاكل وقرف وعيب علي الياباني والله واصلا الياباني الي فيها المحرك و الفتيس وباقي العربية هندي باين علي ما اتذكر

---

صديقي المواطن
كل عيوب الصني قد تكون فردية أو ممكن تقول قابلة للتعديل واﻹصلاح بس تقدر تقوللي إيه الحلول للأفيو شكلا عربية قديمة من زمان نفس الشكل محرك مش قادر يشيل نفسه تكييف يعينك ربنا رفيعة وغير متزنة في السرعات ضعيفة والله شيفرولية بتهين نفسها لما أنتجت غربية زي دي بقه بعد الكورفيت والكامارو والجمسي والسوبربان والفان والكابريس والغربيات الفخيمة دي في اﻵخر يرسو عفى آفيو ومعلومة بسيطة الغربيات دي محدش بيشتريها غير في مصر وراحت للخليج مركبهاش غير الباكستانيين والهنود والله الشعب المصري مظلوم وإتعود يرضى بقليله وبأي حاجة تشيله من اﻷرض وخلاص
ودمتم.للنضال

شوف البيجو 301 العربيه دي بدأت تنتشر وسعرها كويس وتقفيلها كويس

اقتباس:

---

المشاركة الأصلية كتبت بواسطة saddam

صديقي المواطن
كل عيوب الصني قد تكون فردية أو ممكن تقول قابلة للتعديل واﻹصلاح بس تقدر تقوللي إيه الحلول للأفيو شكلا عربية قديمة من زمان نفس الشكل محرك مش قادر يشيل نفسه تكييف يعينك ربنا رفيعة وغير متزنة في السرعات ضعيفة والله شيفرولية بتهين نفسها لما أنتجت غربية زي دي بقه بعد الكورفيت والكامارو والجمسي والسوبربان والفان والكابريس والغربيات الفخيمة دي في اﻵخر يرسو عفى آفيو ومعلومة بسيطة الغربيات دي محدش بيشتريها غير في مصر وراحت للخليج مركبهاش غير الباكستانيين والهنود والله الشعب المصري مظلوم وإتعود يرضى بقليله وبأي حاجة تشيله من اﻷرض وخلاص
ودمتم.للنضال

---

انا عارف يا باشا كل الكلام الي بتقولة دة عن الافيو بس حضرتك ليك تشبيهات غريبة اوي يعني حتي في موضوع تاني برضو شبهت الفيرنا بحجات غريبة و برضو انا مازلت عند رايي الصني الجديدة عار علي الياباني معا احترامي الكامل لملاكها

الافيو مش سيئه للدرجه دي ...قعدت معايا 3 سنين ونصف فعلا تكييفها ضعيف و ثباتها قليل بعد 120 بس مالهش مشاكل ومريحه في القياده بس لو مكانك امامي حلين لو لازم اختار بين العربيتين اجيب صني سوبر صالون مش اي اكس
لو فيه مرونه شويه بيجو 301 اوبترا لازم يدخلوا الاختيار

انا رأيى خليك فى الاوبترا او 301

بصراحه ... انتو افيدتونى وبالذات الاستاذ MiDo لانو خلانى اشوف البيجو 301 بالصدفه وعجبتنى جدا ...
بس انا سألت وشوفت انها قليله جدا فى السوق ... ووقت الاستلام بيطول ... طيب هوا ايه اللى بيميز العربيه دى يا استاذ ميدو ..؟ وهل فى بديل فى حدود نفس السعر ... ؟

شكــــــــــــــرا

لا دي ولا دي

لو 301 طبعا افضل

الاتنين وحشين وخساره الفلوس فيهم اي اختيار تالت هيبقي افضل

الصنى اصلا فئه اعلى كتير!
واغلى كمان
ولو موتور وفيتيس وتكييف بس اللى يابانى فكفاية!
الشكل الجديد كل اللى اعرفهم جابوه بيشكروا فيه "معرفش هنا ف المنتدى بيشتكوا منه كتير ليه كده"

بص يا باشا انا هجيبلك من اﻻخر اﻻفيو اونطة الشفرولية لو عاوز تركبة تبدا من اﻻوبترا و انت طالع مش اقل من كدة و اﻻفيو عامله 100000 و دة كتير جدا علي امكانيات العربية الصني الشكل الجديد اقرب للعربية الصيني من الياباني و سعرها كتير عليها جدا
و مع احترامي للبيجو فيها مشكله ان التوكيل مبيركزش علي طراز معين لو فاكرين 2012 بيجو نزلت عربية تفيل صيني و محدش بيسمع عنها حاجة دلوقتي البيجو لو هتجييب 307 او 308 و لو بتفكر في اي موديل تاني يبقي ﻻزم تستني ياخد وقتة و سعر 301 133000 و دة كتير جدا .
من اﻻخر يا باشا لو عاوز تجيب جديد و معاك فلوس ﻻنسر
ولو عاوز تركب عربية نحترمة و ماشية بقالها فترة و زي الفل جين 2 ماتور و ثبات و هتعجبك و موتور campro 1600 ماتور محترم جدا و تكنولجيا عالية انا معايا بروتون ساجا اوتو و ممتازة
احسن قيمة مقابل سعر
ميتسوبيشي ﻻنسر
هيونداي اكسنت rb
بروتون جين 2 اتفرج عليها هتعجبك
بروتون ساجا اوتو
و ربنا يوفقك يا ولو فية اي استفسار انا معاك انا كنت محتار نفس حيرتك دي

تظل الصني الاكثر انتشار والافضل من الافيو
بالرغم من عيوبها البسيطه
اليجو 301 اختيار جيد لكن الصني اوتو البيجو مانويل

اكسنت ار بى وتوكل على الله شكل وشياكة وموفره وبياعة

والله انا كنت حاجز صنى سوبر صالون بس من مشاكل الصنى الى حتى ملاكها بيقولوها فى الشارع قمت بإلغاء الحجز وحجزت امبارح 301 مانيوال من التوكيل رائعة بكل المقاييس وكمان على الرغم من انها بيزلاين الا ان انا حسيت بفرق كبير فى فخامة العربية اكثر من السوبر صالون

انا معايا افيو بقالها 5 سنين
عربيه تقضى الغرض وقطع غيرها رخيصه وعاليه
لو بتتكلم فى الافضل وفرق بسيط وقطع غيار رخيصه
انصحك بالاوبترا فرق 15000
عن الافيو بس افضل فى العفشه
والتكيف والثبات

يا باشا ماتحيرش نفسك كتيير
لو انت مصمم على العربيتون بالزات ومقييد بيهم وماتقدرش تروح هنا او هنا وحاسس انك تايه مثلا
الحل بمنتهى البساطة .... صلي صلاة استخارة .. بس كده :)

لو عايز رأيي المتواضع ............. بيجو 301 اغلى من الصنى بس اكيد احسن... افيو وصنى اكيد صنى حتى كمستوى تقييم.... لو مكانك هروح للصنى

بيجو 301 تقفيل و جوده و امان و ثبات و تسارع و فرامل و موتور و value for money افضل منهم بكثير

اقتباس:

---

المشاركة الأصلية كتبت بواسطة saddam

صديقي المواطن
مع شديد حبي وتقديري لك ولكني أربأ بك أن تهين السيارة نيسان الشكل الجديد حتى لو كانت كنبة بالعربية التعبانة أفيو فدي مقارنة ظالمة خصوصا إن أفيو فئة أقل من صني والأفيو تقارنها بلانوس بفيرنا بسبارك ببعض عربيات الصف الثاني من الصيني مش الصف اﻷول كمان يعني بريليانس والتيجو وال 620 كل دي عربيات أحسن من أفيو
وقولا واحدا في مقارنتك تجيب صني وتعمل رسالة إعتذار للشعب المصري بإنك قارنت اﻷفيو سوبر ضياع بالنيسان صني دلوأتي ملاك صني جالهم إحباط لما بيقروا موضوعك وإنت حبيبنا وبالتوفيق
ودمتم للنضال

---

لو مفيش قدامك غير الاختيارين دول يبقى بدون تفكير صني لان الافيو عن تجربه من 2008 الى 2012 زباله بمعنى الكلمه
لو كان في اختيارات اخرى فكر في لوجان او 301

انا كنت فى نغس المشكله بقارن بين صنى والافيو ولوجان و301 والاليزيه وجين 2 وكمان امجراد 7 وتوكلت على الله واشتريت صنى اتوماتيك العربيه كويسه وبعض المشاكل الى كانت فيها اول مانزلت تم اصلاحها فى الموديلات الجديده والتوكيل محترم ونا قارنت بين كل العربيات دى وصليت استخاره وتوكلت على الله وبعد التجربه العربيه كويسه بالنسبه لسعرها مقارنه بباقى العربيات ابعد عن الافيو مش حلوه خالص و بيجو حلوه برضه بس السعر اعلى بلنسبه لاتوماتيك
وتوكيل النسان احسن مت البيجو

صني

بص ياباشا هقولك على حاجة سيبك من العربيتين لية مافكرتش في تويوتا يارس العربية بصراحة حلوة وتكييفها تلاجة ويكفيك انها تويوتا ياباني رغم انها مش ياباني اووى في مصر انا معاي من 2007 مانيوال وماشاء الله تبارك الله لحد يومك دة ماغيرتش فيها غير القطع الاستهلاكية هي مشكلتها قلة الثبات فوق 120 ولو هتجيب يبقي مش لازم 2014 عشان غالية شويتين تلاتة شوف 2013 او 2012 وربنا يوفقك واي استفسار انا جاهز للرد على فكرة العربية لازالت معاى للنهاردة

مع احترامي لمالكي الافيو بس عن تجربة قيادة، دي مش عربية اساسا

[QUOTE=m_medo;3875293823]لو عايز رأيي المتواضع ............. بيجو 301 اغلى من الصنى بس اكيد احسن... افيو وصنى اكيد صنى حتى كمستوى تقييم.... لو مكانك
احسن كلام اتقال النى احسن من الافيو طبعا و بدون نفكير و البيجو احسن من الصنى بس الصنى اعلى فئة بكام و البيجو اعلى فئة بكام الصنى ABS EBD BA 2 air bag جنوط سبور بلوتوث طارة مالتى و ركبت سينسور فى التوكيل كل ده ب اقل من 120الف مع انى كنت جايبها ب 114 قبل متغلى شوف بقى البيجو 301 فيها ده بكام و لو مستعد تدفع اكتر يبقى البيجو طبعا

ياباشا الافضل الصنى 2014 الشكل القديم عربية اكثر من رائعة

طبعا الصنىhttp://www.egyptcars.com/upload/Cars...nissansuny.jpg