التابلوة عمال يزن مع الطريق قالولى ف التوكيل هنفك التابلوة كلة والموضوع دة قالقنى وخايف ميرجعش زى الاول لانى مقتنع ان الحاجة لما بتتفك مش بترجع لاصلها مع العلم ان العربية لانوس ويدوووب 10000
عرض للطباعة
التابلوة عمال يزن مع الطريق قالولى ف التوكيل هنفك التابلوة كلة والموضوع دة قالقنى وخايف ميرجعش زى الاول لانى مقتنع ان الحاجة لما بتتفك مش بترجع لاصلها مع العلم ان العربية لانوس ويدوووب 10000
الاول ركز اوى مع الصوت لحد ما تعرف هوة جاى منين بالظبط
وانا هقولك تعمل اية وبالتفصيل الممل
لانى فورت صدر العربية كلها بايدى
ركز انت بس فى مكان الصوت وانا متابع معاك
لازم نعرف انهى مكان اللى بيطلع منة الصوت
والكتابة باللون الاحمر مخالفة لقوانين المنتدى
+++++++++++1
أنا عربيتى الآن 140 ألف , و برضه لما كنت 10 آلاف أو أكتر شوية مش فاكر ظهرت نفس الزنة , و لما قلتلهم في الصيانة قالوا حاجة ورا التابلوه و فك التابلوه شغلانة, فتركته إلى الآن بس لآحظت إنه يختفى تماما لما أضع يدى و أضغط في الفتحة الفاضية إللى تحت الكاسيت , و الآن و خصوصا بعد تظبيط العفشة لا أسمعه , لو كان عندك نفس الشئ و متضايق, يمكنك حشو الفتحة بقطعة فوم (إللى ييجى في كراتين الأجهزة) بحيث تكون محشورة جامد , دة ممكن يخفى الصوت تماما, جرب و قل لنا النتائج.
الصوت اعتقد انة جاى من مكانين
1- لوحة مفاتيح التكييف
2- ريش فتحات التكييف
3- حاملة الكوبايات
4- لوحة العدادات
اسف على اللون الأحمر .
غالبا هيكون حامل الاكواب
بحس انة جاى اكتر من لوحة العدادات من وراها وعلى الافتراض انة حامل الاكواب دة حلة اية
حاول تركز اكتر معلش
عشان انت بتقول العربية جديدة
فانا مش عايزك تفك حاجات كتير
وعشان تتأكد لما تمشى فى طريق غير مستوى وتسمع الاصوات
حاول تضغط او تسند بايدك لحد ما الصوت يمنع
دة هيسهل لك اكتر معرفة المكان