ازاى اخلى الاسانسير

**amr011111** · 04-10-2013 03:47 PM

السلام عليكم ورحمة الله وبركاته

العماره عندنا علي عداد الكهرباء وعداد المياه مبلغ كبير

وبنلم كل شهر مبلغ شهرى حوالى 80 جنيه لصيانة الاسانسير ودفع الفواتير المتأخره ولكمن الاسف فيه ناس مش بتدفع

وبرضه بتستعمل الاسانسير ولما بيعطل الاسانسير مش بتدفع فيه

المهم عاوز حل ان الاسانسير لو ينفع يتعمله مفتاح مع الناس اللى بتدفع بس للاسف الكالون بيبقى للدور الارضى فقط يعنى ممكن ينزلوا فيه او ان حد يسحبه وهما تحت

ياريت لو فيه حلول عمليه
وشكرا

**mohamed hussei** · 04-10-2013 04:07 PM

في كذا حاجة مفتاح بيبئا من جوة محدش يعرف يطلع بية من غير مفتاح او بيبئا ب كارت

**alking_2006** · 04-10-2013 04:33 PM

المشاركة الأصلية كتبت بواسطة mohamed hussei

في كذا حاجة مفتاح بيبئا من جوة محدش يعرف يطلع بية من غير مفتاح او بيبئا ب كارت

+111111111
و عن تجربة أفضل حل

**أبو آسر** · 04-10-2013 07:02 PM

وفي دلوقتي حاجة أسهل من المفتاح عبارة عن كارت انفرا أو ميدالية كده بمجرد ما تلمسها في مكان اللوك بيفتح الأسانسير وأظن الحاجات دي أصبحت منتشرة دلوقتي ومش غالية
لكن برده هتلاقي واحد ناصح يسحب الأسانسير من فوق للي واقف تحت وده مش هينفع معاه المفتاح والكارت ! ده ياخد على دماغه علطول

**HeMa_LanCeR** · 05-10-2013 11:26 AM

الكونتاكت بيبقي من جوه الكابينة نفسها
وعندك 3 انواع
نوع بمفتاح عادي وده تمنة 170 جنية وتمن المفتاح حوالي 4 جنية
ونوع تاني ممغنط وده ب 200 جنيه وتمن مفتاحة حوالي 12 جنية والشركة هي اللي بتجبهولك
ونوع تالت شاشه ممغنطة ودي تمنها 400 او 600 حسب النوع بتشتغل بكارت او بميداليه والاتنين سعرهم 12 تقريبا

**salodas** · 06-10-2013 01:07 PM

المشاركة الأصلية كتبت بواسطة أبو بودي وعمر

وفي دلوقتي حاجة أسهل من المفتاح عبارة عن كارت انفرا أو ميدالية كده بمجرد ما تلمسها في مكان اللوك بيفتح الأسانسير وأظن الحاجات دي أصبحت منتشرة دلوقتي ومش غالية
لكن برده هتلاقي واحد ناصح يسحب الأسانسير من فوق للي واقف تحت وده مش هينفع معاه المفتاح والكارت ! ده ياخد على دماغه علطول

الخلاصة

**amr011111** · 06-10-2013 06:32 PM

المشاركة الأصلية كتبت بواسطة ganash

قول للناس الى مبتدفعش انكم هتعملوه بمفتاح الاول يمكن حد يحس على دمه ويدفع

ده للاسف البواب عنده كذا عيل وقاعد فى اوضه وكفايه انه يعتبر حراسه ورغم ذلك مش بيدوه الشهريه بتاعته وحوالى 6 سكان مش بيدفعوا لا صيانه ولا بواب

**mohamed_selim** · 06-10-2013 06:50 PM

هل كانو دافعين فى مبلغ الاسانسير الاصلى؟
لو اه يبقى لازم حل ودى لانك متقدرش تمنعهم من الاسانسير و هم دافعين فى اصله .... فى حالة لا قدر الله الاسانسير عطل و هتحتاجو مبلغ معين للصيانه .... هيحصل كالاتى هتوزعو المبلغ على الشقق و تاخدو نصيب الناس اللى بتدفع الصيانه من المبلغ اللى بيتلم و اللى مبيدفعوش هتقولولهم عليكم مبلغ كذا لو دفعو خير لو مدفعوش يبقى من حقك انك متخليهوش يركب فى الحاله دى لان الحاجه اللى دفع فيها زمان باظت و هو مصلحهاش يبقى مش من حقه يستخدمها لحد ما يدفع نصيبه

**amr011111** · 06-10-2013 10:08 PM

المشاركة الأصلية كتبت بواسطة mohamed_selim

هل كانو دافعين فى مبلغ الاسانسير الاصلى؟
لو اه يبقى لازم حل ودى لانك متقدرش تمنعهم من الاسانسير و هم دافعين فى اصله .... فى حالة لا قدر الله الاسانسير عطل و هتحتاجو مبلغ معين للصيانه .... هيحصل كالاتى هتوزعو المبلغ على الشقق و تاخدو نصيب الناس اللى بتدفع الصيانه من المبلغ اللى بيتلم و اللى مبيدفعوش هتقولولهم عليكم مبلغ كذا لو دفعو خير لو مدفعوش يبقى من حقك انك متخليهوش يركب فى الحاله دى لان الحاجه اللى دفع فيها زمان باظت و هو مصلحهاش يبقى مش من حقه يستخدمها لحد ما يدفع نصيبه

منش عارف دافعين فى المبلغ الاصلى ام لا بس اللى اعرفه ان الاسانسير اتصلح مره ب 1000 لكل شقه عباره عن تغيير تقريبا كنترول وويرات وبعد كده برضه غيرنا ويرات ب 600 جنيه ومدفعوش