الموضوع: تقرير شامل عن سيارات بروتون الماليزية واجا Proton Waja(منقول)

mhDeeb
تاريخ الانضمام: 15Mar2008
محل السكن: Sheikh Zayed City
Car: hyundai Excel




نشكرك استاذ باسم موضوع جميييييييييييييل وسيارة اجمل
هل يوجد فرق بين الواجا والجين 2 وايهما افضل اتوماتيك

الفرق بين الواجا و الجين2
الواجا عربيه كلاسيك سيدان
جين2 عربيه شبابيه هاتشباك
بالنسبه للكماليات فى المانيوال سيارتين واحد الا ان عربيه waja فيها 6 سماعات و راديو cd mp3
و ناتى للأتوماتيك جين2 فيها مثبت سرعه واجا لأ

أنا عندي إستفسار
ما مدي إحتياحي لمركز الصيانة للوكيل و بخاصة إذا كانت سيارة جديدة زي الواجا ؟
بمعني تاني هل ممكن أعمل لها صيانة في أي مركز تاني مش تابع للتوكيل و يكون تابع للمتسوبيشي مثلا؟
الإجابة علي السؤال ده بصراحة هي اللي هتحدد أشتري واجا أو جين 2 و لا أخليني في المضمون زي كل الناس وأجيب لانسر بإمكانيات أقل لنفس السعر
جزاكم الله خير علي المجهود ده معانا
(ما خاب من إستشار - و ما ضل من إستخار)

موضوع ما شاء الله بجد تحفه هايل جدا
والله الواحد كان ناوى على الجين 2 بس دلوقتى الواحد محتار هى ولا الواجا

أنا كنت عايز أستفسر عن حاجة قبل ما أقرر أشتري
ما مدي إحتياجي لمراكز الخدمة التابعة للوكيل و بخاصة إذا كانت العربية جديدة زي الواجا؟ بمعني هل ممكن أصين العربية في أي مركز معتمد عليه مش تابع للوكيل
و لا أخليني في المضمون و أشتري عربية مراز الصيانة منتشرة و قريبة من مسكني
الإجابة علي السؤال ده هتحدد نوع العربية اللي ها شتريها إن شاء الله
(و إن كان أنا نفسي أشتري الواجا و مراتي عايزه الجين 2 بس مش هنختلف كتير)

(ما خاب من إستشار و لا ضل من إستخار)

magedomran
تاريخ الانضمام: 28Nov2007




موضوع ما شاء الله بجد تحفه هايل جدا
والله الواحد كان ناوى على الجين 2 بس دلوقتى الواحد محتار هى ولا الواجا

لأ مفيش حيرة و لاحاجه مدام حضرتك قررت تشترى بروتون خلاص اتحلت تقدر تروح المعرض و تشوف سيارتيتن و تقعد فيهم و اللى ترتحلها خذها لأن كأمكانيات و عفشه و موتور واحد الفرق ان دى هاتشباك وواجا سيدان و الأستخارة ضرورى

mohmousa
تاريخ الانضمام: 08Apr2008




أنا كنت عايز أستفسر عن حاجة قبل ما أقرر أشتري
ما مدي إحتياجي لمراكز الخدمة التابعة للوكيل و بخاصة إذا كانت العربية جديدة زي الواجا؟ بمعني هل ممكن أصين العربية في أي مركز معتمد عليه مش تابع للوكيل
و لا أخليني في المضمون و أشتري عربية مراز الصيانة منتشرة و قريبة من مسكني
الإجابة علي السؤال ده هتحدد نوع العربية اللي ها شتريها إن شاء الله
(و إن كان أنا نفسي أشتري الواجا و مراتي عايزه الجين 2 بس مش هنختلف كتير)

(ما خاب من إستشار و لا ضل من إستخار)

انا قرأت كلام حضرتك اكتر من مرة علشان اقدر افيدك بالرد هى الواجا عربيه سيدان فيها فخامه وقار وجنوط 16 و فرامل abs و 2 ايرباج و سنسور باركنج و راديو cd mp3 و مرايات كهرباء و 4 زجاج كهرباء و دركسيون متعدد الأستخدامات و تكييف وباور و تتميز بصاج محمل و موتور قوى يعنى تقدر تقول توأم بتاع جين2 بس راسيه شويه
و سعر المانيوال 84 الف و الأوتوماتيك 90 الف

صيانه زى جين2 نفس الفترة و توكيل عند عز العري و لى مراكز موجودة فى مصر و قطع الغيار موجوده فى شارع دمشق و فى توكيل
الأنسر اكثر انتشار من فترة لكن البروتون ابتدت تنتشر وألأفضل لو استقرت على بروتون يبقى صيانتها مع توكيل لأنهم فهمينها و يقدروا يصلوحها فى وقت قصير بجانب ضمان

و اتمنى انى اكون افادتك و ممكن تقولى على رنج حضرتك لأنى نهاردة روحت معرض فى حى سابع اشوف الواجا وافرج اصحابى عليها شوفت عربيه حلوة هاتشباك و طلعت متسويبشى كولت تقفيلها وخاماتها و امكانياتها تحفه ودى انصحك بها لأنها فى مميزات حلوة و لها عيب و هو سعر قطع الغيار بسبب عدم انتشارها و اتفضل ملخص عنها بدل لا نسر بومه
الكولت الجديدة :

- ميتسوبيشي كولت موديل 2007 (موديلات 2008 لم تنزل السوق لسه) 5 أبواب هاتشباك
- صناعة أوروبية وبالتحديد هولندا
- محرك 1500 سي سي مايفك وهو نفس محرك اللانسر EX الشكل الجديد - 4 سلندر 16 صمام حقن اليكتروني تعطي خرج 109 حصان صافي وعزم 145 نيوتن.متر
- فتيس أوتوماتيك مانوال اللي هو easy tronic لسه نازل جديد في الأوبل
- الكماليات تكييف وباور وسنتر لوك وزجاج كهرباء
- فرامل ABS , EBD و ايرباج سائق
- ريموت كنترول وايمبيليزر
- قطع الغيار والصيانة متوفرة

سعرها ميزة لأن عليها خصم عالي دلوقتي فسعرها 90 ألف جنيه لأنها موديل 2007

عيبها : سعر اعادة البيع مش عالي لعدم انتشارها

ودي صفحة الكولت في موقع الوكيل شركة مصرية
http://www.mitsubishi-motors.com.eg/products/colt/colt_lineup.html

جزاك الله خير يا باسم علي نصائحك الغالية و أنا نويت إن شاء الله أنزل القاهرة الأسبوع الجاي علشان نقرر نختار مين فيهم (هما الإتنين عجبني)
و إن شاء الله أخبركم بالإختيار