متسوبيشي لانسر موديل 2013
1600 سي سي سعرها بالعافيه ب 129 الف
و ال 1300 سي سي ب 123
ايه رايكم فى الاسعار وهل السي سي ده بيفرق ولا اجيب ال 1300 احسن
ورايكم في العربيه عموما ايه
شكرااااا
متسوبيشي لانسر موديل 2013
1600 سي سي سعرها بالعافيه ب 129 الف
و ال 1300 سي سي ب 123
ايه رايكم فى الاسعار وهل السي سي ده بيفرق ولا اجيب ال 1300 احسن
ورايكم في العربيه عموما ايه
شكرااااا
أختنا المواطنة
أجاوبك فنيا فقط ولكن ال 1300 أسوأ إنتاجات ميتسوبيشي ونن خبراتي الوطنية أنا شايف لو كان الفرق 25 ألف وليس مبلغ تافه ك 9'آلاف بين 1300 و1600 فقولا واحدا ومن غير تفكير تجيبي 1600 وأتمنى لو كنتي بتتكلمي عن لانسر البوما الشكل القديم مش شارك يا ريت تصرفي نظر عنها عشان خلاص راحت عليها وبقت دقه قديمة وأكل عليها الدهر وشرب
ودمتي للنضال
رايى ممكن حضرتك تشوفى بيجو 301 افضل من رايى انها افضل من الانسر و قطع غيارها ارخص كده و لو مش عاجبه حضرتك هاتى الانسر 1.6 افضل فى السحب
http://www.nilemotors.net/Nile/360846-301.html
http://www.nilemotors.net/Nile/381727-301.html
عربية زي الفل اعتمادية لاقصى الحدود وبتحطي فلوسك في المضمون يوم ما تبيعي هتجيبلك اللي انتي عايزاه
توكلي على الله بس في ال 1600
ال 1600 عربية محترمة واثبتت وجودها فى السوق على مدى 10 سنين بس التصميم قدم اوى
لو هتدفعي كاش ممكن تاخدي شارك كسر زيرو 2012 احسن كتير
ومهم اوى التامين الشامل فى الفترة دى عشان ترتاحي نفسيا من اسعار قطع الغيار لو لاقدر الله حد خبطلك العربية
وبالتوفيق
1600 طبعا
اه فعلا البيجو 301 حلوة قوي برضو ممكن تبصي عليها قبل ما تقرري تشوفي الانسر ميزاها ان البيجو شكل جديد انما البومة بقالها كذا سنة
1600 احسن طبعا ما فيش كلام
المتسوبيشي اللى شجعنى عليها انها يابانى تقفيل يابانى وده مهم عندى مش عاوزة اشترى عربيه اى كلام وكتير قالولى انها احسن عربيه بتحتفظ بقيمتها لو لا قدر الله حبيت ابيعها
انا مش فارقه معايا اطلاقا الشكل عاوزة حاجه محترمه وقطع غيارها متوفرة
وهيه الشكل القديم البومه مش جديد
والبيجو حذرونى منها كتير عشان قطع غيارها غاليه ومش تقفيل فرنساوى كمان
ها بقى قولولي ماشي :)
بالتجربة والخبرة والرجوع الى المعايير الفاشلة للسوق المصرى
اولا ال 1300 خارج التقييم لانها مش هتطلع كوبرى والتكييف شغال (طبعا هتطلع بس المبالغة دى لبيان ضعفها)
بالنسبة للمبلغ ده لو زاد عليه الفين اوتلاته هيجيب شارك خليجى ضمان الرواس وهوا ضمان محترم المشكله انها بقت فاضية عن البومة يعنى مفيهاش مخدع امامى ولا خلفى ولا كاسيت اصلى (الكاسيت اللى فيها كاسيت فقران<
البومة عربية قطع غيارها عند البقالين وببلاش اما الشارك فاسعار قطع غيارها زى الالمانى ولعة نار بس بصراحة ركوبة لا يعلى عليها
البومة اخرها 2014 وعلى نص السنة هتختفى من السوق خالص يعنى اخر دفعه هتدخل اول السنة وخلاص
سعر اعادة البيع للبومة نار -الشارك بينزل نتيجة ثقافى السوق المصرى
الشارك هينزل منها 2014 وعلى 2015 (مش عارف نصها ولا اخرها) الشكل هيتغير
البومة اللى بالمبلغ ده اول فئة اتوماتيك وانا بصراحة بستحرم ادفع المبلغ ده واركب عربية من غير اى بى اس او اير باج والمبلغ ده يجيب نيسان كاملة فيميه جنوط وكمان فلوس تأمينها لانها ب 125 عند سمير ريان بدل 127 فى السوق ولو هتحجزى هتبقى ب 120
طبعا انا مش بحب النيسان ليا بس فى زمايلى جبوها وعجبتهم جدا
وانا شايف انها مناسبة للنساء من حيث الحجم وقلة استهلاك النزين وجودة التوكيل (مفهوش مشاكل زى توكيلات تانية) وسعرها كويس واصلاحها سهل لان النساء قيادتهم صعبه -هههههه
استخيرى واركبيهم كلهم وقررى
كلهم عند سمير ريان ولو عايزة تليفون حد هناك انا ليا ناس بتنزلى السعر هناك ممكن ابعتلك التليفون لو حابه
أنا اشتريت يومه 2014
ب 130،500
والعربية 1600
وهي اكيد أحسن كتير جدا من 1300
فتوكلي علي الله وهاني 1600
علي رأي واحد صاحبي البومه طالما سليمة تبقي شيك مقبول اادفع في جيبك وقت ما تحتاج فلوس لا قدر الله تصرفه.دي قاعدة السوق في مصر.التصيحة هنا كالأتي حضرتك روحي المعرض و شوفي العربيات التلاته البومه و الشارك و البيجوا و إقعدي جوا كل عربيه ومع حضرتك حد فاهم كوبس جدا و يناقش مندوب المعرض في تفاصيل التفاصيل لكل عربيه و اللي تستريحيلوا إشتريه .و مهم جدا التأمين الشامل علي العربيه
البومه عربيه فقيره فى المقصوره بقالها 9 سنين فى السوق يعنى بعد 3 سنوات وهتعتبر موديل جديد 2014 الا أن كل الى هيشوفها وصاحبها شخصيا هيقو العربيه قديمه اوى
والعربيه مش اقتصاديه فى البنزين اوى واسعار قطع غيارها فى التوكيل غااااااااليه جدا جدا وخصوصا انها مش فئه عاليه من السيارات ابسط صيانه ليها كتغير سيور وتيل اماى وبويجهات وفلاتر هدخلك فى 3000 جنيه
الناس بتهتم بسعر اعاده البيع اكتر من سعر الصبانه معرفش ليه
ياعم متفكرنيش انا مغير سير كاتينه وبلي وبوجيهات دافع الف جنية والله بجد بجد حرام لية الكع والغلو دا في قطع الغيار يعني عشان اركب لانسر ادفع كل دا افرض شهر مزنوق واحتاجت العربية مساعد اروح ادفع في المساعد الواحد من التوكيل 1500 جنية والله العظيم دا حررررررررررررررررررررام حرام حرام اة العربية حلوة بس انا كرهتها بسبب غلو قطع غيارها حقيقي يعني الي ممعوش يجيب حاجة مش اصلي كوري ولا ماليزي ويلبسها بقا ومفيش كام شهر وتبوظ
ازاى يا جماعه قطع غيارها اعلى من البيجو
مع ان كل اللى يكلمنى يقولى الفرنساوى اعلى قطع غيار وابعدى عنها !!
طب منا لو كده اروح اجيب السانديروا ب 97 مهى فرنساوى تقفيل مغربي واوفر الفرق بقى
!!@! انا قلت اخلينى في اليابابنى اضمن حاجه
وكمان بيقولولى هنا في المنتدى ان المتسوبيشي مبقتش يابانى وبيضحكوا على الناس
حيرتونى بجد :(( !!!!!!!!!!!!
وانا مش عاوزة ابيع ولا اتاجر فيها
عاوزة اشترى عربيه كويسه ومتتعبنيش في قطع غيارها
(اذا عزمت فتوكل) توكلى على الله واشترى 1600 ،
حضرتك اتوكلي علي الله في لانسر 1600 مش 1300. ما فيش حد بيصلح في التوكيل. كل الناس بتشوف مركز خدمة محترم و تجيب قطع الغيار من بره مش من التوكيل و قطع غيار العربية ديه ببلاش في أي مكان و فعلا ما فيهاش مشاكل و لا أعطال و بيعها سهل. أنا شايفها عملية جدا في بلدنا طالما حضرتك مش يتدوري علي الحداثة و الشكل الجديد.
حضرتك هى هتشترى زيرو يعنى افضلها تصلح فى التوكيل عالاقل لغايه 20000 عشان متخسرش الضمان
وعشان لو فيها عيوب تصنيع لاقدر الله تقدر تتكلم
وعلى فكره قطع غيارها مش ببلاش بره التوكيل منا لسه كنت بلف الاسبوع ده وسألت انا اعرف ناس معاهم
هونداى وتيوتا بيقولوى قطعك غيار عربيتك فى حاجات اوفر . الكلام تانى خالص لو هتجيب قطع غيار مش أصليه ساعتها متلمش غير نفسك
بوما 1600
حضرتك هي في أول 20 أو 30 ألف مش هتغير حاجة أصلا غير زيت و فلاتر اللي هي تمنها بره زي جوه تقريبا و بالتالي هتروح التوكيل عشان الضمان و عشان الفلوس مش فارقة.
غير كده أنا كان معايا سوبر أكشن 2007 و كل حاجتها من تيل فرامل لطنابير لاكصدامات و فوانيس و سيور و مقصات كنت بجيبها من محلات قطع غيارفيصل و الهرم و ببلاش.
انا كنت مكانك في نفس الحيره دي بالظبط بس اللانسر
عموما اللانسر مفيش شك انها بامتياز العربيه رقم واحد يقالها سنين ولكن ادام حضرتك مش بتتكلمي عن الشارك فهنا الكلام يتغير 180 درجه
اولا لو محتاره في الاختيار فهو 1600 وانتي مغمضه
ثانيا انا تراجعت عن اللانسر وانا واقف في المعرض وانا بدفع الفلوس لسبب هو ان مكنتش اعرف ان اخر موديل للبوما هو 2013 وان اللي بتتباع دلوقتي ك 2014 هي 2013 لكن اتعدل ورقها وبيانتها عشان تتباع 2014 وتنتهي الدفعه دي نهائيا خلاص ومعتش تنزل خالص فمستحيل احط من 125 ل 150 الف في عربيه انتهت
ثالثا ودا مهم جدا التجهيزات الاساسيه اللي في العربيه ماتستحقش السعر دا بصراحه يعني ولا ايرباج ولا اي بي اس ولا فرش جلد..الخ التجهيزات فقيره جدا
رابعا مين قال لحضرتك ان قطع غيار ال 301 غاليه انا جبت ورقه اسعار قطع الغيار تقريبا ارخص من اللانسر (التوكيل )طبعا كمان حضرتك ال301 فرنساوي 100% المفروض في منها صيني بس اللي بتنزل الخليج مش هنا
كمان تجهيزات الفئة هاي لاين منها ب 135000 كويسه جدا وتستاهل السعر دا
عموما حضرتك انا مش عاوز الخبطك بس فكري في عربيه تستحق سعرها لان لو استحقت سعرها اعتماديتها هتبقي عاليه ابعدي عن عربيه انتهت من السوق وحاول تشوفي ال 301 هتعجب حضرتك انا حجزتها من كام يوم
ال 301 بصراحه عملت هستيريا للناس بسبب سعرها وتجهيزاتها ومتوقع ليها انها تاكل الجو من عربيات كتير جدا واولهم البوما بسبب ان البوما انتهت خلاص يعني حضرتك هتشتريها وكمان شهرين يبدا سعرها يثبت بشكل نهائي ان مكنش هينزل ..
كمان ادام حضرتك مش هتجيبي شارك يبقي اصرفي نظر عن اللانسر نهائي والفت نظر حضرتك ان اول فئه شارك فقيره التجيزات بردو وسعرها 137000 (متستاهلش)
انا هنصح حضرتك نصيحه :حطي في دماغك عربيتين او 3 بالكتير واعملي حسابك انك مش هتشتري غير وحده منهم واتوكلي ع الله وانزلي اتفرجي عليهم التلاته في يوم واحد وقارني بينهم والانسب لاختياراتك عشان وانتي في المعارض بتتفرجي هتفرق معاكي كتير
حضرتك قلتي ان مش هتفكري تبيعيها يعني مفيش تجاره يبقي فكري في عربيه تستاهل الفلوس وهكرر عليكي ابعدي عن عربيه انتهت
بالنسبه ل 301 روحي اتفرجي عليها وان شاء الله هتعجبك وشوفي موضوعي دي يساعدك
www.nilemotors.net/Nile/381260-301-2013-a.html
الكلام ده من حوالي سنتين و كنت بجيب حاجات مش زي بتاعة التوكيل طبعا لأني أشك أنك هتلاقي قطع غيار التوكيل بره التوكيل. طبعا بيقولو عليها أصلي لكن أشك. شكلها محترم و بتعيش و كل حاجة لكن مش زي التوكيل.
الي جانب حضرتك بتقول فلتر بنزين و تنضيف بوابة الكلام ده هتعمله امتي؟ بعد كام ألف كيلو؟ مش أقل من عشرين ألف عشان تقول فلتر بنزين ده لو بتاخد بنزين من الأرض.
التردد وحش و مفيش افضل من النزول لمعرض عنده الشارك والبومة والبيجو والالنترا والسيراتو وركوبهم كلهم والمفاضلة بينهم فى ورقة فيها المميزات والعيوب ثم الاستخارة والاخذ بالاعلى تقييم على وجه الاجمال
كل اللي بتقوليه ميلقشي غير علي بوما 1600خصوصا سعر اعادة البيع