معروض عليا جيلي باندا اوتوماتيك 2011
عاملة 57الف كيلو
بسعر 42 الف جنيه
.
هل ده سعر كويس؟
هل في نصيحة عن انها كويسة او وحشة؟
رجاء الرد للمساعدة.. و الامانة فالنصيحة
شكرا
عرض للطباعة
معروض عليا جيلي باندا اوتوماتيك 2011
عاملة 57الف كيلو
بسعر 42 الف جنيه
.
هل ده سعر كويس؟
هل في نصيحة عن انها كويسة او وحشة؟
رجاء الرد للمساعدة.. و الامانة فالنصيحة
شكرا
هوة الجيلي بصراحة منجحش في مصر غير لما غبور اخدة في 2013
صديقي المواطن
قولا واحدا آخرك معاه 36 وبطلوع الروح لو حالتها نظيفة تديله 37 ويديك عليها معطر وميدالية كمان
ودمتم للنضال
يا سيدي انا ماعترضتش عالكلام.. انا باتأكد من مرجعيتة
بس انت فكرتني بموقفين تحفة
سنة 92 و اخويا بيفكر يجيب هونادي اكسيل..ابويا قال له " هات ياباني مستعمل اضمن "
و ابويا سنة 77 لما كان ناوي يجيب كوروللا..عمي قال له.."هات لك بيجو اضمن .. ياباني ايه و قرف ايه"
ههههه زمن
ياميدو الاستاذ حجازي من نفس الفكر بتاعي
لما بيقارن بين عربيتين
بيقارن عربيه امام عربيه
مش بيقارن يابني وكوري واروبي وصيني
طب قول المصري قادم بقي
العربيه دي الناس اشتكوا انها بتسخن بسرعه
السعر كده غالي
انا معايا الباندا 2011 اوتو وفعلا كانت بتسخن مني اول ماشتريتها لدرجة مؤشر الحرارة وصل الماكس بعد مغيرت مياه التبريد وبعض تغيير الفلاتر وخصوصا الزيت واستخدمت زيت زادو التخليقي العربية حالها اتحول 180 درجة والحمد لله وانتهت عندي فوبيا مؤشر الحرارة:fun_36_3_4[1]:
طب و الصيانة و قطع الغيار .. بتعمل ايه و فين بعد التوكيل ما تغير ؟
غبور قاللي :"ماعرفكش"!!!!!!!!!!
قطع الغيار موجودة في التوفيقية والتوكيل بتاعها في ابو رواش هو توكيل جاك+جيلي بس بصراحة توكيل فاشل جدا
وبسبب مهندس هناك الله يسامحه بقى الفتيس بتاعي فوت وكلفني فوق ال 3000 جنيه وعملتوا في مركز صيانه للفتيس الاوتوماتيك في جسر السويس. ب يعني ايه غبور قالك معرفكش مش فاهم؟
غبور قاللي ماليش اي التزام بسيارات الوكيل السابق فالضمان و الصيانة
عربية خسارة فيها الفلوس
ابعد عنها خالص
عربية فاشلة ومعامل الامان فيها لا بزيد عن 2 نجمة واقل
اختى خلصت منها قبل ما تخلص عليها
وجابت زى مراتى هوندا مستعمل اوتوماتيك
استرها يا رب عالكل اللهم أمين واكفينا شر السرعة
https://www.youtube.com/watch?v=KqNO_ojd750
دي اتضربت بصاروخ والا ايه
عادي جدا اجدع منها في الخليج
وبيحصل فيها اكتر من كده
هية العربية خبطتها دبابة ولا اية ؟؟؟ وبعدين يا باشا اي عربية معرضة انها تعمل حادثة وتيجي شنطة في كبوت المهم عندك العربية يكون فيها وسائل امان عشان الي جوة ان شاء الله يخرج سليم او باقل الاضرار و الجيلي واخدة 4 نجوم في اختبار السلامة الاوروبية
ايوة يا باشا في النموذج المصري عارف لية ؟؟ عشان في مصر لسة موصلناش لمرحلة تجميع شاسيهات و شاسية العربية هوة هوة الي في باقي العالم والي واخدة بية 4 نجوم و التجميع المصري بيدخل في الحجات الفرعية زي الكراسي فبرة التنك واير الفتيس طقم الدواسات الحجات دي انما اساسيات العربية من محرك فتيس عفشة شاسية كلة من الصين والي واخدة بية 4 نجوم
معالى الباشا
الكلام دا نظرى فقط
لكن عمليا ابدا
ولو فرضنا ان الشاسية هو الشاسيه واشك طبعا
تصفيح الباب هو تصفيح الباب اللى خدت بيه 4 نجوم
لما مكنة الزجاج علقت فى العربية الهوندا وفكيت فرش الباب ما شاء الله عالتصفيح يمشى عليه مترو الميرغنى
هات اى جيلى انت عايزها وشوف هم بيخافوا عالمصريين ولا ....... لا
ممكن يمشى عليه قطر كوكى بارك
بص يا غالي شركة جيلي بتدي لمصر القطع الرئيسية في العربية بدون اي تهاون الفارق بين مصر وبرة باقي الخامات في العربية الي بتختلف جودتها من دولة لدولة لاكن اساسيات العربية واحدة لان مستحيل شركة تصنع كذا شاسية عربية عشان يروحو دول مختلفة وبالنسبة لتصفيح الباب دي مقارنة غير عادلة لان الهوندا شوف بكام و الجيلي بكام طبيعي يكون في فارق كبييييييييييييير بين العربيتين ورغم كدة برضو في قضبان حماية في ابواب الجيلي بس طبعا مش هتبقي زي الهوندا الي يمشي عليها قطار الميرغني ولا هتكون ضعيفة لدرجة قطار كوكي بارك هتكون حاجة في المتوسط علي قد سعر العربية :36_2_55[1]:
رايك محترم جدا
لكن تصفيح الابواب على كلامك ميجبش 2 نجمة بالعافية لانه مش مطابق لمواصفات الامان
معلش انت شفت تصفيح الباب بعينك ولا كلامك غميضى وبالبركة
يا كل الافاضل حد شاف تصفيح الباب بتاع الجيلى عموما والايمى جراند النسخة المصرى خاصة
يا معالى الباشا خبطات الجنب للجيلى بتيجى بالدمار
زى الفيديو تماما وعلى عينك يا تاجر
اما من الامام فحدث ولا حرج يعنى عشان السعر اققول بلاها امان
استرها يا رب
باااااااااااس
احنا نروح القسم !!!!!
هدوا اللعب يا جماعة..ماكانش استفسار
يا باشا عوامل الامان واحدة في اي نسخة يعني مصرية زي سعودية زي امريكية الفارق بس في خامات العربية من بلاستيكات واشياء اخري انما عوامل الامان واحدة و الجيلي واخدة في اختبار السلامة الاوروبي في الارتطام من الجمب تقريبا 4 نجوم او 5 مش متذكر بالظبط وحضرتك جبت فيديو لجيلي مخبوطة من الجمب وحصل فيها كدة وبتقول العربية متجبش 2 نجوم في الامان طيب تقول اية بقي علي الصور دي ؟؟ وتديها كام نجمة ؟؟ معا العلم ان الي في الصورة مرسيدس
مش لاقي حساس شكمان للباندا ورحت التوكيل مش موجود وبيقلي ثمنه 675 جنيه وعند ابو عوف مش لاقيه برضه والعربية بتاكل بنزين بشرااااهة مش عارف اعمل ايه