عرض للطباعة
انا عايش في السعودية و ناوي اجيب سيات التيا معايا و انا نازل أخبار العربية في مصر ايه (قطع الغيار؟ / سعر المستعمل منها؟) اللي عرفتو ان سعرها في مصر عامل 155,000.
هي مانيوال (Fully Loaded), فتحة سقف, جنزط, سي دي و حجات ياما.:punk:
و ده لينك العربية على موقع سيات الرسمي
http://www.seat.com/com/generator/su...site/main.html
اللي سعرها 155 في مصر اللي هي Altea xl الكبير انما الالتيا العادية اخر سعر ليها كان 133 الف تقريبا او 136 الف عموما العربية سعرها المستعمل في حدود 110 الف و قطع الغيار متوفرة بالكامل في التوكيل و قطع غيارها هي هي قطع الجولف و موجودة برا كمان و العربية عموما ممتازة
اللي في اللينك دي الالتيا العادية مش ال xl و دي اخر سعر ليها كان زي ما قلتلك كده
متشكر اوي يا باشا
ريحتني في موضوع القطع
و أعتقد سعر المستعمل مش بطال في حال الواحد حب يغيرها
انا هتوكل على الله و اجيبها خصوصا ان سعرها هنا مش بطال مع عروض رمضان و كل سنة و انتو طيبين
الف شكر
اقتباس:
المشاركة الأصلية كتبت بواسطة kemoto
لا شكر علي واجب و لو جبتها هتعجبك مش هتبيعها بأذن الله
هو ايه الفرق بين الالتيا والليون
اقتباس:
المشاركة الأصلية كتبت بواسطة MomoMedo
ككماليات مفيش فرق
انما الشكل من ورا في فرق جامد و الحجم كمان
الألتيا ليها طابع عائلي أكثر و الله أعلم
الألتيا بيعها تقيل قوى فى مصر لإنها لم تحقق مبيعات فى مصر و بالتالى سعر إعادة بيعها قليل
لكن دا ما يمنعش إنها سيارة عائلة كويسة
و بالنسبة لسعرها فهى 155 الف فول أوبشن مانيوال موديل 2008
يعنى لو فارق معاك سعر إعادة البيع يبقى بلاش لكن لو حتقعد معاك فترة يبقى إختيار كويس
عموما انا بحسبها بطريقة تانية, يعني هيه هتكلفني قد ايه علشان اجيبها لمصر (اقل طبعا من 155الف) فأكيد سعر البيع مش هيخسر معايا قوي (زي لو كنت جايبها من مصر).
وصراحة انا لسه عامل عليها Test Drive و العربية تحفة, ودفعت عربونها الحمد لله.
متشكر قوي على النصيحة, وكل سنة و انتوا طيبين.
ربنا يبارك لك فيها