طلمبة بنزين ياولاد الحلال

**vito amen** · 04-10-2013 09:30 PM

انا قررت اجيب طلمبة بنزين جديدة بعد معاناة مع الطلمبة بتاعتي غيرت القلب بتاعها 3 مرات فى 5 شهور وبصراحة مش مرتاح لموضوع القلب الاستيراد لانى بحس انه اشتغالة لان كل مرة الطلمبة تبقى حلاوة وشهر ولا اتنين والعربية تقطع منى وفى الاخر تعمل فيا فصل بايخ وتبطل منى فى اماكن غبية واروح يقولو ليا غير طلمبة البنزين !!!!!!!!!!!!!!!!!
ودلوقتى انا مش عارف اجيب الطلمبة جديدة منين ... هل من التوكيل ولا مركز معتمد ولا من حد بيبع قطع غيار ؟؟؟؟؟؟؟؟

افيدونى ضروروى وياريت اعرف التكلفة كمان

**أنصار السنة** · 05-10-2013 03:18 AM

السلام عليكم ، ياسيدي استيراد ايه بس اللى انت كنت بتجيبه لقلب الطلمبة
موتور الطرمبة الاصلي بتاع العربية اسمه بوش ب 250جينه بحد اقصي كمان يعني ممكن تجيبه ب 230 او 220
وعموما الطرمبة موجودة في الحرفيين تقريبا فرنساوي ب 950 جنيه وموجودة طبعا في التوكيل بحوالي 1900 جنيه
خراب بيوت انا عارف بس ربنا يعينك عليها

**vito amen** · 05-10-2013 03:35 AM

المشاركة الأصلية كتبت بواسطة أنصار السنة

السلام عليكم ، ياسيدي استيراد ايه بس اللى انت كنت بتجيبه لقلب الطلمبة
موتور الطرمبة الاصلي بتاع العربية اسمه بوش ب 250جينه بحد اقصي كمان يعني ممكن تجيبه ب 230 او 220
وعموما الطرمبة موجودة في الحرفيين تقريبا فرنساوي ب 950 جنيه وموجودة طبعا في التوكيل بحوالي 1900 جنيه
خراب بيوت انا عارف بس ربنا يعينك عليها

بص هي العربية دلوقتى معايا اللي بيحصل كالتالي اول مابدور العربية يادوب بمشي علي السلانسيه واول مابتدى اتقل على دواسة البنزين العربية ماتجمعش وتبقى مكتومة وفجاة تسحب وتجرى فهل ياترى اغير الطلمبة كاملة ولا اعمل زى مانت قلت واجيب قلب البوش دة واجرب ؟
ولا انت شايف اجيب طلمبة كاملة جديدة وخلاص ولو جبتها من الحرفيين زى مانت بتقول ياترى بتكون كويسة واصلية ولا لأ ؟ عشان فرق السعر بين اللى فى الحرفيين واللى فى التوكيل كبير اوى

**MohammedAladel** · 07-10-2013 02:43 AM

لو كنت ركبت طرمبة بوش أصلية مكنتش هتقطع منك وملهاش صوت نهائى .... غير كدا باقى الطرمبات اللى فى السوق نصب وربنا ينتقم من التجار والميكانيكية اللى بيشتغلوا فيها

**proff** · 07-10-2013 02:52 AM

المشاركة الأصلية كتبت بواسطة vito amen

بص هي العربية دلوقتى معايا اللي بيحصل كالتالي اول مابدور العربية يادوب بمشي علي السلانسيه واول مابتدى اتقل على دواسة البنزين العربية ماتجمعش وتبقى مكتومة وفجاة تسحب وتجرى فهل ياترى اغير الطلمبة كاملة ولا اعمل زى مانت قلت واجيب قلب البوش دة واجرب ؟
ولا انت شايف اجيب طلمبة كاملة جديدة وخلاص ولو جبتها من الحرفيين زى مانت بتقول ياترى بتكون كويسة واصلية ولا لأ ؟ عشان فرق السعر بين اللى فى الحرفيين واللى فى التوكيل كبير اوى

كده العيب مش طلمبه خالص لازم تحطها علي الجهاز

**MohammedAladel** · 08-10-2013 01:17 PM

لازم تغير القلب لبوش ألمانى

**medohai510** · 08-10-2013 09:48 PM

نصيحة تأكد أولاً أن العيب من موتور الطلمبة وليس حساس أو كويل أو فلتر هواء أو بنزين أو غيرة
لما العربية تعمل الحركة دي ثانية أركنها وفك خرطوم البنزين من عند الطلمبة لأن ممكن يكون الموتور سخن وخلي حد يفتح الكونتكت فقط ولو الموتور ضخ البنزين يبقي سليم ودور علي العيب في مكان تاني ولو البنزين خرج بضغط ضعيف أو لم يخرج أساساً لازم تشتري موتور بوش أصلي أو موتور كوري ماركة كويسة وتركبة ولا داعي نهائياً لشراء طلمبة كاملة طالما المؤشر والبلاستيك بتاعك سيلم وسعر الموتور من 200 الي 300 حسب جودته ولازم الميكانيكي الي يفك الطلمبة بتاع رينو وليس غيره (أهم حاجة)

**medo99_pc** · 09-10-2013 11:09 AM

انزل يا باشا على ناصر الكهربائي فى صقر قريش المعادى, هاتلك واحده استيراد تعمل حوالى 800 جنيه

**ahmed elhddad** · 14-10-2013 12:46 AM

انا مركب موتور الإلنترا عندى وشغال تمام زى الفل
بس برده اتأكد من كل دورة البنزين وشوف .. ربنا معاك
على فكرة ابقى جرب منظف دورة البنزين فرق كبير بيبان بعد تلت اربع تيام من استخدامه واتأكد من فلاترك هوا وبنزين وزيت كويس

**ahmadg78** · 15-10-2013 05:27 AM

متهيالى انت طالما غيرت كذا قلب طرمبه و فضل نفس العيب يبقى العيب مش طرمبه
معلومه صغيره بس علشان لو احتجت تغيرها لا قدر الله
ان الطرمبات دى مش بتكون تصنيع رينو لكن رينو و غيرها بيتعاقدوا مع شركات متخصصه يعنى هتلاقى نفس الطرمبه بتركب على انواع عربيات تانيه ( متهيالى الهيونداى النترا فيها نفس الطرمبه بس طبعا مع فرق سعر خرافى )

الموضوع: طلمبة بنزين ياولاد الحلال

LinkBack

أدوات الموضوع

عرض

-

-

-

-

-

المواضيع المتشابهه

عايز تيدا ياولاد الحلال

عايز قطة ياولاد الحلال

كرسيين e21 ياولاد الحلال

ميكاميكى لانسر ياولاد الحلال

مشروع تايه ياولاد الحلال

الكلمات الدلالية لهذا الموضوع

المفضلات

المفضلات

ضوابط المشاركة