استفسار عن ماتور مياه لحوض اسماك ضرورى جداا للخبراء

**fish man** · 04-10-2013 10:15 PM

السلام عليكم
انا عندى احواض سمك متوسطة الحجم 90 طول فى 35 سم عرض فى 45 ارتفاع يعنى تقريبا فيه 120 لتر مياه
عايز حد يدلنى على الطريق الصحيح
1- لماتور رفع مياه من داخل الحوض (غاطس ) الى الفلتر ثم الى الحوض مره اخرى
2 - موتور ضخ مياه عادى بتوصله وصله من الحوض ثم منه الى الفلتر ثم الى الحوض مره اخرى
حيث انى انوى تركيب فلتر خارجى لان الفلاتر الداخليه ضعيفه جدااااااااااا
بشروط
1 - يقدر ينقل 120 لتر مياه فى الساعه
2 - ياريت لو فيه حاجه ميكونش فيها معدن يطول المياه خالص حيث ان المواسير ستكون بى فى سى

وممكن الاقى المواتير دى فين او اى منهم وسعره كام

وياريت لو حد يقدر يوضحلى الموتور النص حصان بينقل مياه قد ايه فى الساعه
وهل يوجد اقل من النصف حصان واين يوجد

اسف على التطويل لاكن الموضوع مهم جدا ليا ولناس كثير بتربى اسماك زينه فى المنزل

**rotanamasoud** · 04-10-2013 10:54 PM

باشا انا بستخدم بور هيد عادى وحوضى 108 لتر والبور هيد 1000 ليتر ساعه يبقى ازاى ضعيف وهو بيفلتر الحوض 9 مرات فى الساعه تقريبا
وعلى فكره قوته عامله تيار مزعج للاسماك
يبقى النوع اللى عندك ضعيف على ما اعتقد
اما الخارجى فانا حاولت اعمله والخلاصه حتصرف وحيكون غير عملى وممكن تصرف اكتر من تشتريه جاهز

**hugan** · 04-10-2013 11:08 PM

مشكور للاجابه
لكن فين البقيه
منين والاسعار

**fish man** · 04-10-2013 11:52 PM

وكمان يا مستر روتانا
لو تقول لنا ات عملت ايه بالظبط ومنفعش علشان منعملهوش احنا تانى
ولك خالص الشكر والتقدير

**rotanamasoud** · 05-10-2013 12:11 AM

كان عندى مضخه بتاعت نافوره وجبت خراطيم وزجاجه كبيره ووضعت داخل الزجاجه فايبر للفلتره واشتغل تمام كفلتره وقوه كان بيبدد الحراره(كنا شتا وكان ماثر على عمل السخان)
وكان تحت الحوض ووجع دماغ فشلته وجبت البور هيد اريح بكتير او تجيب فلتر خارجى مصنع ولا تعمله على ايدك
استاز هوجان عايز تسئل على ايه بالنسبه للاسعار والاماكن مع ملاحظه ان الاسعار والاماكن مختلفه فى اسكندريه

**hugan** · 05-10-2013 12:15 AM

المشاركة الأصلية كتبت بواسطة rotanamasoud

كان عندى مضخه بتاعت نافوره وجبت خراطيم وزجاجه كبيره ووضعت داخل الزجاجه فايبر للفلتره واشتغل تمام كفلتره وقوه كان بيبدد الحراره(كنا شتا وكان ماثر على عمل السخان)
وكان تحت الحوض ووجع دماغ فشلته وجبت البور هيد اريح بكتير او تجيب فلتر خارجى مصنع ولا تعمله على ايدك
استاز هوجان عايز تسئل على ايه بالنسبه للاسعار والاماكن مع ملاحظه ان الاسعار والاماكن مختلفه فى اسكندريه

اسكندريه
شكرا ياباشا

**rotanamasoud** · 05-10-2013 06:46 PM

الفكره جيده لاكنك لم تراعى مستوى الضغط على الموتور لان الموتور مصمم لرفع المياه وانت حتوصله على فلتر بيمرر الميه ببطئ فبيضغط على الموتور ويسخنه وممكن عمره يكون قصير ويتحرق

**AhmedMousa10** · 14-06-2017 02:05 PM

انا اسف اذا كنت هرد على موضوع قديم ولكن انا سجلت مخصوص في المنتدى علشان الموضوع ده , وانا عاوز اعرف اجيب منين ماتور غاطس يرفع ماية ارتفاع 180 سم او 2 متر ؟
يا ريت حد يدلني اجيبه منين وسعره في حدود كام ؟