الموضوع: الحمد لله.........اشتريت لانوس 2007

المشاركة الأصلية كتبت بواسطة mohamedxsayed

بارك الله فيك ولك لما سوقتها العفشة كانت محترمه ما شاء الله بس برو احتياطي هروح أربطها وأزبط وأرصص والبطارية جافه الحمد لله الكاوتش راكبلها 14 وناوي أجبلها طقم جنوط فلو تعرف المقاس المناسب ليها والأفضل 14 ولا 15 وراكب فيها 14 دلوقتيتبقى حضرتك أفدتني جدا وشكرا على اهتمامك

خليك فى ال14 عشان شوارعنا الجميله وهتبقى مرتاح اكتر فى العربيه
وال15 عادى بس الراجه هتقل جوه العربيه شويه وهتروح تربط عفشه كل شهر لو مشاويرك كتير بيها
وانت ومزاجك مش فرق كتير بس الاحسن تخليك على المقاس بتاع الشركه كدا انت بتحافظ عليها

أنا مستريح جدا ف ال14 فهجيبه 14 ان شاء الله أنا قصدي على باقي المقاسات عشان بيبقى في 3 أرقام 14 وبعدها رقمين فأنا مش عارف ايه الرقمين التانيين عشان لما أروح أجيبهم أبقى عارف بس وشكرا جزيلا ليك على اهتمامك ربنا يكرمك يا رب

المشاركة الأصلية كتبت بواسطة lidosasa

أنا مش معترض على نوعية الزيت وأصلاً الشيل أنضف من الموبيل 100 مرة أنا بتكلم عن لزوجة الزيت وإنك الأفضل تحط زيت تخليقى كامل ( أياً كان نوعه ) لزوجته 5w40 أو على الأقل نصف تخليقى اللى هو شيل الأزرق هيليكس x7

فهمت قصد حضرتك تمام كده المرة اللي جاية هحط اللي حضرتك بتقول عليه ان شاء الله وشكرا جزيلا على المساعدة ربنا يكرمك يا رب

المشاركة الأصلية كتبت بواسطة mohamedxsayed

نص تخليقى يجربه الاول احسن

ان شاء الله وشكرا على الاهتمام يا غالي وجزاك الله خيرا

المشاركة الأصلية كتبت بواسطة bluenova

الف مبروك ربنا يباركلك فيها ان شاء الله .. انت غيرت كاتينه والبلي وكدا ؟

غيرت سير الكاتينه ايه البلي ده بقى؟وشكرا جزيلا على المساعده والاهتمام

المشاركة الأصلية كتبت بواسطة mahmoud_eng85

ياريت حد يقولنا فعلا مقاس سماعات الابواب بتاعت اللانوس كام .... طبعا هي بتفرق ان كان الازاز مانيوال ولا كهرباء ... بيتهيئالي واحدة مقاسها 13 والتانية 10 ... مش عارف صح ولا غلط

يا ريت فعلا لأني محتار والازاز عندي كهربا فياريت حد يقولنا المقاسات

واستفسار تاني أنا عاوز أعمل ريموت غير اللي جاي معاها أعمله فين وإزاي وعايزه لوحده من غير مفتاح فيه

المشاركة الأصلية كتبت بواسطة a_mohamedsamir

ألف مبروك
ربنا يديك خيرها ويكفيك شرها
لو احتجت تعرف مكان حاجة فى اسكندرية أنا ممكن اساعدك

الله يبارك فيك يا باشا أنا دلوقتي لسه ف قرف نقل الملكية والتسجيل وهعمل رخصة 3 سنين ان شاء الله وبعدها عاوز أشتري كاسيت "لو أدريان يبقى زي الفل" وأصلح السماعات اللي عندي دي أو أغيرها لو مش نافعة وأركب انذار وأعمل ريموت للسنتر والانذار فيا ريت تقولي أشتري وأعمل الحاجات فين عشان أنا مش عارف حاجه خالص ف اسكندرية وشكل الصنايعية هيختموني لغاية لما يشبعوا

وكمان عاوز مكان أعمل فيه بولش كويس للعربية عشان العربية متبهدلة من بره شوية ومش عاوز ارش خالص مش هشتريها فابريكه وأرشها وشكرا على الاهتمام والمساعده يا باشا

انا كمان البوية عندى معقولة والصاج سليم بس فى كام حتة كداا محتاجين ظبط مش عارف البولش دة ينفع ولا اية

المشاركة الأصلية كتبت بواسطة mhi00002000

انا كمان البوية عندى معقولة والصاج سليم بس فى كام حتة كداا محتاجين ظبط مش عارف البولش دة ينفع ولا اية

لو مش واصلين للصاج يبقى هيجيب نتيجه ان شاء الله ده اللي بسمعه دايما من صحابي

المشاركة الأصلية كتبت بواسطة a_mohamedsamir

بالنسبة للكاسيت والسماعات فى شمس ستايل فى كوبرى الجامعة
شارع بور سعيد بس شمس مش بايونير
علشان الأثنين جنب بعض
بس أنا جربت شمس اكتر من مره,

وغالبا عنده كهربائى ممكن يركب لك الانذار
لو معندوش فى محمد اليابانى فى كامب شيزار
شارع تانيس

بالنسبة للبولش انا بدور على حد كويس لأن واحد ابن حلال زوقلى العربية بمسمار

ياريت لو حد يعرف حد كويس يقول عليه

شكرا يا باشا على المعلومات القيمة دي والأماكن القريبه أوي دي أنا شغال ف مستشفى الشاطبي ربنا يكرمك

زوقهالك بمسمار ؟؟؟؟؟؟؟؟؟؟ ربنا يجحمه العالم دي معندهاش ضمير ولا دم أقل ما يقال ناس زبالة

موضوع البولش ده هيظبطها ان شاء الله