الحمد لله.........اشتريت لانوس 2007

**Dr_M_Shaltout** · 04-10-2013 10:22 PM

الحمد لله اشتريت لانوس 2007 حالتها كويسة فابريكه جوه وراشة اكصدامات بس

دي أول عربية ليا ومحتاج أعرف شوية حاجات فيا ريت تساعدوني واعتبروني أخوكم الصغير

أنا ظبطت الفرامل وغيرت تيل الأمامي والخلفي الصنايعي قال بحالة كويسة ومش محتاج وغيرت سير الكاتينة وغيرت الفلاتر وغيرت الميه بعد ما نضفت دورة المياه وحطيت ميه خضرا وغيرت الزيت وحطيت شل أصفر وناوي أنزله عند 2500 وفضيت التكييف وشحنته تاني عشان اشوف لو فيه حاجه طلع مظبوط وتمام وغيرت البوجيهات وزيت الفرامل يا ترى في ايه تاني محتاج أعمله ضروري عشان مش عايزها تعملها معايا وتريحني ان شاء الله؟

العربية لونها سيلفر وعايز أظبط شكلها يا ترى البوليش هيظبط الشكل شويه ولا ايه؟
الكاسيت بتاع الفبريكه ده مش عاجبني والسماعات من ورا فيها زنه شويه عايز أظبطهم أجيب ايه وأروح بيهم فين والمصنعية وأسعارهم كام علما اني من اسكندرية "عايز كاسيت فيه سي دي وام بي ثري يطلع صوت كويس يتسمع وفيه فلاشة ومش عايز بلوتوث وعايز أغير السماعات اللي ورا بحاجه كويسه ويكون السعر حنين"

عايز أروش العربية من بره شوية برضو بس مش وقتها هعمل الشكل ده بعد ما أنقل الملكية وأفحص ان شاء الله

اخوكم لسه جديد ف الموضوع وعاوز حد يفيدني ويدلني على الحاجات دي عشان ميضحكش عليا

**drmsadek1979** · 04-10-2013 10:45 PM

مبروكة عليك
تمام الي انت عملتة قوي

**elnakshabandy** · 04-10-2013 10:46 PM

الف مبروك
يعطيك خيرها ويكفيك شرها

**M I D O** · 04-10-2013 10:54 PM

الف مبروك وربنا يحفظهالك وبالنسبة للسماعات دول تبيعهم وتروح تشتري 4 سماعات بايونير حط 2 ورا و 2 في الابواب و بيع الكاسيت الاصلي وهات كاسيت بايونير عشان يديلك اعلي كفائة للسماعات و ادعيلي هتخلي العربية ماشة تتهز من الصوت

**lidosasa** · 04-10-2013 11:38 PM

ألف مبروك وربنا يديك خيرها ويكفيك شرها
بس أنا ليا تعليق على موضوع الزيت ليه تحط شيل الأصفر العربية بسم الله ما شاء الله تعتبر جديدة
فلو العربية عاملة كيلوات أقل من 100 ألف كيلو يبقى الأحسن إنك تستخدم زيت تخليقى بالكامل اللى هو شيل إلترا

**lidosasa** · 05-10-2013 01:34 AM

المشاركة الأصلية كتبت بواسطة Dr_M_Shaltout

ربنا يكرمك يا رب بس كنت بسأل لو في حاجه تاني عشان أخلص من أي صيانات لفترة محترمه

بارك الله فيك وحفظكم وحفظنا

ربنا يكرمك يا رب هو فعلا دي الخطوة القادمه ان شاء الله بس يا ريت لو تقولي على مقاسات السماعات والوات بتاعه يبقى كام ان شاء الله أنا عاوز صوت نضيف ومش عالي المهم يبقى الكل سامعه جوه العربية ولو السعر وأركبهم فين تبقى عملت معايا أحلى واجب عشان أنا فعلا مضايق من كاسيت الفبريكه والزنة بتاعة السماعات دي وشكرا جزيلا لاهتمام حضرتك

بارك الله فيك ولك لما سوقتها العفشة كانت محترمه ما شاء الله بس برو احتياطي هروح أربطها وأزبط وأرصص والبطارية جافه الحمد لله الكاوتش راكبلها 14 وناوي أجبلها طقم جنوط فلو تعرف المقاس المناسب ليها والأفضل 14 ولا 15 وراكب فيها 14 دلوقتيتبقى حضرتك أفدتني جدا وشكرا على اهتمامك

هي العربية عاملة 150 ألف كيلو فحطيت شيل الاصفر وعموما أنا كنت عاوز أحط موبيل بس الراجل قالي شل الأصفر أحسن وأنا ناوي انزله أساسا على 2500 وربنا يبارك ف حضرتك وشكرا على اهتمامك

أنا عاوز أعمل ريموت لوحده من غير مفتاح فيه يا ترى أعمله فين خصوصا اني عاوز أغير بطارية الريموت الأصلي كمان

أنا مش معترض على نوعية الزيت وأصلاً الشيل أنضف من الموبيل 100 مرة أنا بتكلم عن لزوجة الزيت وإنك الأفضل تحط زيت تخليقى كامل ( أياً كان نوعه ) لزوجته 5W40 أو على الأقل نصف تخليقى اللى هو شيل الأزرق هيليكس x7

**mohamedxsayed** · 05-10-2013 01:40 AM

المشاركة الأصلية كتبت بواسطة lidosasa

أنا مش معترض على نوعية الزيت وأصلاً الشيل أنضف من الموبيل 100 مرة أنا بتكلم عن لزوجة الزيت وإنك الأفضل تحط زيت تخليقى كامل ( أياً كان نوعه ) لزوجته 5W40 أو على الأقل نصف تخليقى اللى هو شيل الأزرق هيليكس x7

نص تخليقى يجربه الاول احسن

الموضوع: الحمد لله.........اشتريت لانوس 2007

LinkBack

أدوات الموضوع

عرض

-

-

-

المواضيع المتشابهه

تابع: الحمد لله اشتريت لانوس

الحمد لله اشتريت لانوس

الحمد لله اشتريت لانوس 99 وعايز خبره حضراتكم

الحمد لله اشتريت لانوس 2 (باركولي)

انا الحمد لله اشتريت لانوس............

الكلمات الدلالية لهذا الموضوع

المفضلات

المفضلات

ضوابط المشاركة