مطلوب مساعدة من عشاق ومالكى دايو ماتيز

**عماد** · 04-10-2013 10:38 PM

مساعدة مالكى دايو ماتيز

كان معايا فيات سيينا واخذها منى واحد صاحبى لإعجابه بها واخذت منه سيارة زوجته دايو ماتيز موديل 2000 سعة 800 cc لقيتها عربية جميلة وبها تكيف وواسعة من الداخل واقتصادية وانا عملى يبعد عن بيتى 30 كم يعنى 60 كم كل يوم وحالة السيارة جيدة
وعاوز مساعدتكم من حيث

1- ميكانيكى شاطر اتعاملتم معاه عن تجربة ( علما بأنى من شبرا - القاهرة )
2- اين اجد قطع الغيار اصلى او اخرى ( كل قطع الغيار )
3- مش عاوز اروح لاى ميكانيكى ( اللى بيفتوا كتير )
وياريت يبقى فى موضوع كبير ( رابطة مالكى دايو ماتيز ) نساعد بعض ونفيد ونستفيد
- انا فى انتظار ردكم

**osaa92003** · 05-10-2013 12:06 AM

معهلش بقى ...صاحبك ضحك عليك ..ياراجل تبدل سينا بماتيز .... مشكله العربيه ان متورها ضعيف وصعب اصلاحه

**عماد** · 05-10-2013 12:33 AM

المشاركة الأصلية كتبت بواسطة osaa92003

معهلش بقى ...صاحبك ضحك عليك ..ياراجل تبدل سينا بماتيز .... مشكله العربيه ان متورها ضعيف وصعب اصلاحه

لا هو ماضحكش عليا هو عارف انى بغير كتير وبحب العربيات وكان عاوز سيينا حالة جيدة فأخذ عربيتى على 39000جم بعد الحاح كتير فشرط عليه اخذ عربية زوجته لانى معرفش امشى من غير عربيه لحد ان شاء الله ما اجمع فلوس علشان دايو لانوس 2 وبالأمانة انا بمشى بيها سرعة 120 كم ومعايا 2 زملائى فى العمل والحمد لله مرتاحة فى الجرى على الطريق والميكانيكى اللى كان بيصينها فى الهرم كان شاطر وفاهم فى كيفية الوصول للمكان المراد تصليحه لكنه ربنا كرمه وسافر بلده وفتح محل اكسسوارات وعلى فكرة النهاردة عملت شغل فى العفشة وكان اقتصادى وسهل والكهربائى عملى صيانة للدينامو والمارش والحمد لله مافيش مشكلة مع حد فاهم
وهى فى الاخر وجهات نطر

**MITSUKERO** · 07-10-2013 10:55 AM

روح لمحمد عبده انا بعت له زميلتي في الشغل و ظبط العربية جدا ليها

محمد عبده في شارع العشري في فيصل

**lanos2004** · 07-10-2013 11:54 AM

المشاركة الأصلية كتبت بواسطة mitsukero

روح لمحمد عبده انا بعت له زميلتي في الشغل و ظبط العربية جدا ليها

محمد عبده في شارع العشري في فيصل

بس خلى بالك محمد عبدة ممكن يطبطب عليها 200 جنيه قبل اما بشتغل

**عماد** · 08-10-2013 10:19 PM

المشاركة الأصلية كتبت بواسطة lanos2004

بس خلى بالك محمد عبدة ممكن يطبطب عليها 200 جنيه قبل اما بشتغل

كفايا انا المرور طبطب عليا 600 حم والشهر العقارى 500 علشان ترخيص سنة
انا اصلى ساكن فى الخلفاوى وفيصل فى الوقت اللى احنا فيه دلوقتى يبقى صعب
انا شوفت الويل 3 ايام فى مرور فيصل علشان انقل ملكية العربية الى شبرا صعب صعب لدرجة انى كرهت فيصل
فلو عماد اللى فى ش شبرا كويس يبقى الحمد لله انا كل اللى عاوزه انى انظف الرشاشات واغير طقم الكهرباء
وطبعاًًًًًًًًً شكرا للمساعدة