افيدوني في الكاوتش

**Elkordy2000** · 04-10-2013 11:16 PM

عندي مشكله رخمه في الكاوتش ., الكاوتش عامل لحد دلوقتي 43 الف ك ., العربيه فيها حدفه يمين روحت اظبط زوايا , حط العربيه علي الجهاز قال لي العربيه مظبوطه مقاسات فبريكه .., طب الحدفه بسبب ايه قال ممكن كوتش فرده اثقل من فرده بدلت الفردتين الاماميين اليمن شمال والعكس .,الحدفه بقت شمال .., فكدة الكاوتش فيه مشكله .., بتاع الكاوتش قال لي الكاوتش ده كويس وممكن يمشي معاك 10 أو 15 الف كمان ... طب ايه الحل اشتري كاوتش جديد ولا فيه حل وخصوصا ان الكاوتش فعلا تشوفه تقول جديد ... فحد عنه حل غير الجديد , انا مستحرم اشتري كاوتش جديد وفعلا انا شايف ان الكاوتش ممكن يشتغل لسه حبه حلوين ... افيدوني يا شباب

**mohamedxsayed** · 04-10-2013 11:37 PM

روح اظبط فى fit&fix
بيربط عفشه وبيظبطلك زوايا وبيفهمو فى المقصات . هيكشفلك الامر

**Maghraby1987** · 04-10-2013 11:38 PM

جرب تبدل اللي ورا قدام و العكس

**د.عماد صلاح** · 04-10-2013 11:47 PM

ظبط الزوايا عند حد تاني وشوف..بس الكاوتش اخره 50 الف كيلو او 5 سنين مهما كان شكله حلو

**saddam** · 05-10-2013 12:12 AM

صديقي.المواطن
قولا واحدا ومن غير تفكير ولا سؤال لو النقشة عندك في الكاوتش نفس النوع.يبقه تغير بتاع ظبط الزوايا وتقول له عالتجربة أنا أحيانا برجع 3 أو 4 مرات بس بالكلمة الطيبة لغاية مظبط حتى الطارة عالشعرة
ودمتم للنضال

**Elkordy2000** · 05-10-2013 12:40 AM

المشاركة الأصلية كتبت بواسطة maghraby1987

جرب تبدل اللي ورا قدام و العكس

جربت والنتيجه برضه حدفه يمين أو شمال ولما ببدل مكان الكاوتش اليمين شمال والعكس الحدفه بتتعكس للناحيه التانيه !!!!!!!

**Elkordy2000** · 05-10-2013 12:43 AM

المشكله يا شباب مش في الزوايا لأن لما بغير اماكن الكاوتش تباديل وتوافيق الحدفه بتتغير يمين أو شمال ., لو كانت زوايا والكاوتش سليم كانت الحدفه فضلت زي ما هي يمين عالطول أو شمال علي طول ولا ايه؟؟؟؟؟

**mohamedxsayed** · 05-10-2013 01:27 AM

المشاركة الأصلية كتبت بواسطة Elkordy2000

طب ياريت تقولي علي مكانه من فضلك ؟؟؟

عباس العقاد جوه بنزينه كالتكس الى فى وش جاد
البنزينه نفسها فيها زبط زوايا بس ماتظبطش فيها خش جوه fit&fix نفسه قوله عاوز ازبط ورا و قدام
بياخد منك 70 جنيه وبيديك برنت من العمليه

**Eng_hatemfathy** · 06-10-2013 01:22 AM

خلينى اقولك معلومة علمية وعمليه وجربتها فى لشارك
كل جنط بيبقى ليه مركز ثقل وبيبقى عليه علامة محفورة واثقل جزء طبعا بيبقى اللى فيه البلف
واى فرده بيبقى فيها دايرة صفرا ودايره حمرا
اهم حاجه انك تجيب الدايرة الصفرا عند العلامة اللى فى الجنط والمفروض ان الدايرة الحمرا هتقرب او تييجى جنب البلف
ده هيظبط الفرده وتبكل تجدف وهجاول اجيب الملف كامل وانشره باذن الله
جرب وهتدعيلى