انا اشتريت النهاردة c180 2003
و ال رخصة مكتوب فيها مرسيدس 180
و الcc بتاعها مكتوب 1971
ديه كدة c200 wala c180
و مش هى المفروض بال cc
?
عرض للطباعة
انا اشتريت النهاردة c180 2003
و ال رخصة مكتوب فيها مرسيدس 180
و الcc بتاعها مكتوب 1971
ديه كدة c200 wala c180
و مش هى المفروض بال cc
?
ال c180 بتنزل بمواتيير كتيير اكثرها شيوعا فى مصر 2.0 عاده من كمبريسور 128 حصان 2 كامه
1.8 كمبريسور 140 حصان
ال c200 فى منها بالموتور ال 2.0 العاده زى ال c 180
و 2.0 بالكمبريسور 163 حصان
مبروك عليك العربيه يا باشا عملت كام و ماشيه قد ايه؟؟
الله يبارك فيك وشكرا على الرد
هى العربية ماشية 148000 km
واخدتها ب 141000
مش عارف كتير ولا ايه بس هى الحمدلله فابريكة
لا السعر تمام يا باشا و سرفسها بقى عشان متفاجش بمشاكل و ربنا يكفيك شرها و يمتعك بخيرها و لو احتجت اى حاجه تحت امرك ابعتلى على الخاص
ربنا يخليك
و الف شكر :)
طيب بعد اذنكم انا لسه جديد في الc180 2002 وكنت عايز اعرف اي اسعار لقطع الغيار الاستهلاكية زي التيل والمساعدين والسيور واي حاجة تانيه تتتفضلوا بذكر اسعارها وممكن اشتريها منين وجزاكم الله خيرا .... د. أحمد خليفة
ان شاء الله قريب حعمل موضوع بالصور لللى عملته فى العربيه عندى
قطع الغيار لو حضرتك من الشرقيه اكييد اقرب حد ليك فى القاهره و حتلاقى ناس كتيير زى مهران و الشهابى
اسعار بعض الحجات اللى جبتها
طنابير اماميه 650
طنابير خلفيه 500
زييت فتيس الكيلو 75
فلتر زييت فتيس 120
فلتر بنزيين 200
شداد سير المجموعه 250
مساعدين قدام 850 الواحد
مساعد خلفى 650
جوان كارتيير فتيس يستحسن تغيره مع الزيت 60
بوجيهات ngk 340
زيت فرامل dot 4 ate 50العلبه
فوانيس قدام ديبو 1600
لو فى حجات تانيه حابب تسال عليها تحت امرك
فوانيس قدام ديبو 1600
طيب انا لسه جايب فانوسين قدام ب 1280 ديبو جداد
و كنت سألت فى واحد قالى ب 1800 ايه اللى يفرق ولا هما كلهم واحد ؟
انا سعيد انى لقيت مواضيع عن العربية ديه, دلوقتى بفكر اغير, و فى البداية كنت مركز مع فورد فوكس او بى ام E46, البى ام قلقان منها فى كذا نقطة, اولا عربيات كتير مشرخة بطاحات, بتجيب مقصات كتير, العربية يتواجه مشاكل سخونية كتير و بطير الماتور, قطع غيارها اعتقد اغلى من ال c 180.
عاوز اعرف هل فيه عيوب معروفة فى ال الفئة ديه (موديلات 2001 الى 2003 مثلا), اخبار العزل و الثبات و العفشة ايه, اخبار الماتور, و التكييف, و هل فيه مشاكل فى اداء التكييف. اسعار قطع الغيار المعروضة ارخص من البى ام تقريبا, يعنى الاعتمادية بشكل عام اخبارها ايه.
انا بصراحة الميزانية ممكن تبقى فى حدود 120 الى 125 الف جنيه, ده ممكن يركبنى عربية كويسة مش متهانة (2001 الى 2003).
انا كمان كنت زيك كده بفكر فى e46 و بحترمها جداااااااا و موضوع البطاحات ده راجع لان اللى راكب بخيل و المساعدين ضربت و هو مش هاين عليه يغيرها و المقصات دى من شوارع بلدنا اللى تجيب اجل احسن عفشه و قطع الغيار يعنى تقدر تقول فى نفس المستوى اة البى ام اعلى شويه
بالنسبه لل c180
العزل اكتر من ممتاز و الثبات طبعا مفيش فيه كلام دى مرسيدس و فيها esp و عوامل الامان اكتر من ممتازه
التكييف ادائه جميل بس متقارنش بتكييف اليبانى و اعتقد الامان مش بيحبه يعملوا تكييف تلاجه زى ما بيقولوا لاسباب صحيه و الله اعلم
الموتور هيا بتنزل بمواتيير كتير
الموتور الى 2.0l بدون كمبيرسور 128 حصان 2 كامه و ده نزل من 2001 ل 2003
موتور ادائه كويس جدا هو نفس موتور العيون اللى لحد 2000 بس ادوات التغديه مختلفه
موتور 1.8 l بكمبريسور و ده 143 حصان 2 كامه و ده نزل من 2003 لحد 2007
موتور ادائه اعلى من السابق و تكنولوجيا اعلى بس معقد اكتر و قطع غياره اغلى شويه
موتور 2.0l كمبريسور 163 حصان 2 كامه و ده نزل من 2002 لحد 2007 بس العربيه بتبقى c200 مش c180
موتور ادائه جبار اكتر من سابقيه و نفس تكنولوجيا ال 1.8
الاعتماديه طبعا اعلى من البى ام و دى معروفه
بالنسبه للسعر من 120 ل 125 انا شايفه قليل شويه على موديل 2002 بالموتور الاول
اسعارها بتبتدى من 130 على حسب نضافه العربيه
حاجه كمان بحب اقولها لكل الناس اللى بتسال العربيات كلها من بعد موديل 2000 كلها كهربا و مشبكه مع بعضها و اهم حاجه فيها السيرفس و عيب الالمانى انه بيتظلم معانا فى مصر عشان اللى بيشتريه زيرو بيتعايق بيه و ميصرفش لحد ما تبدى تتعب يروح بايعها و اللى بيشترى يلاقى نفسه محتاج يغير حجات كتيير جدا مش لعيب فى العربيه و انما لعدم الصيانه فى المواعيد فا لو ناوى تجييب المانى مستعمل لازم تحط مبلغ بره تمن العربيه للصيانه عشان تضبطها صح و تتمتع بيها من غير مشاكل و مهما قالولك دى بتسرفس فى التوكيل و مش عايزه مصاريف لازم حتلاقى فيها شغل و مصروف
ال c كمان فيها حجات كتيير مش موجوده فى e46
شاشه اعطال كامله فى الطابلوه بتجبلك كل حاجه حتى لو لمبه محروقه و بتقولك مكانها فين
درج تبريد فى الكونسول
رفع و انزال الزجاج بالريموت من حساس فى مقبض باب السائق
الزجاج لو حاجه اعترضته و هو بيطلع بيقف و يروح نازل كنوع من الامان لو حد دراعه بره
المخادع الخلفيه قابله للطى كهربيا
حساس لباب الشنطه و الكابوت
تشغيل الفوجات و النور الصغير اول ما تفتح السنتر او تقفله مع التحكم فى المده من الكمبيوتر متعدد الوظائف
الحجات دى زياده عن اللى موجود فى e46
اتمنى انى اكون قدرت افيدك
على ايه يعنى يا باشا دى حاجه بسيطه و لو احتجت اى حاجه تحت امرك
شكرا يا باشا, ربنا يخليك, الا صحيح فى حدشغال فى العربية و ممكن نكشف عنده فى حدود مدينة نصر و مصر الجديدة و جسر السويس. انا فىي واحد فى صقر القريش المعادى بعدى اوقات من قدامه و انا بهرب من زاحمةالمعادى بلاقى قدامه كمية عربيات مرسيدسات غير طبيعية, بس معرفش اسمه
ده بتاع تكييف فقط علي ما اعتقد
بس فعلا صقر فيها ناس كتير
لو سمحتم يا رجاله كنت عايز استفسر من حضراتكم عن
الفرق بين مرسيدس عيون e200 موديل من 98 الى 2000 و ال c 180 و ال c200 موديلات من 2001 الى 2004
من حيث الامكانيات والابشن
من حيث قطع الغيار الارخص والمتوفره سواء جديد او استيراد مع انى افضل الجديد
هل فرق السن يفرق ولا لا
من حيث الفخامه والراحه
من حيث اتستهلاك البنزين والنوع يعنى انا ماعنديش غير ال 90 و 92 بس
الاسعار كام لو حاله كويسه "انا حدود مبلغى من 15 الى 160 الف دول يجيبوا ايه حاله محترمه جدااا ماتقرفنيش وتكرهنى فى العربيه "
طيب هل الانواع دى اللى ذكرتها للمرسيدس افضل من العربيات الحديثه ولا الحديث يتفوق زى الفانتازيا 2010 او الجيتا 2009
اهم حاجه مش كل شويه تظهرلى اعطال
انا بحب التزم بمواعيد الصيانه
طيب هما احسن والا العربيات الزيرو زى كورولا او اوبل كوزمو