محتار بين الانفى والايمجراند

**mdaly1975** · 05-10-2013 12:58 PM

بعد التحيه ،

ياجماعه أن محتار جدا بين الامجراند والاسبرانزا انفى . وبصراحه برغم أنى شايف الامجراند بتبيع كتير وماشيه فى الشارع الا اننى سامع وقريت عنها بلاوى كتير مثل مشاكل فى البويه بكر ضبط الكراسى تتكسر ، سلك الفتيس ، طنابير ، لمبة الانجين ... وبصراحه دى حاجه متطمنش لأن المشاكل دى مشفنهاش فى الاسبرانزا 516 وبما أن الانفى هى السيارة المعدله للـ 516 وعربيه مستورده بالكامل من الخارج وتخضع لرقابة الجوده الخاصه بالمصنع الأم ، أنا أعتقد انها أفضل وأكثر جوده وأنا متأكد .
ده غير أن الصالون الداخلى للاسبرانزا الانفى جودته عاليه جدا وأنضف من بلاستيكات الامجراند .
لكن يمكن الامجراند شكلها أحلى من بره وحاصله على 4 نجوم فى اختبارات التصادم الأوروبيه بعكس الانفى .
ومع ذلك اللى يخوف من الانفى انها مش بايعه كتير زى الامجراند بالرغم من وجودها منذ فتره ومش موجوده فى الشارع كتير ومش لاقى أخبار عنها من أى حد .
وبعدين عندى احساس كده مش عارف ان كان صح ولا لأ أن أبو الفتوح مش مهتم بيها وجايبها مستورده كده مجرد مرحله لسد فترة زمنيه مدتها بضعة شهور لحين طرح عربيته الجديده Arrizo 7 واللى طرحتها شركة شيرى من شهرين لتكون منافس قوى للامجراند فى السوق الأوروبيه خاصه انها حصلت على 4 نجوم فى اختبارات التصادم الأوروبيه وهى بذالك تماثل الامجراند بل على العكس قد تتفوق عليها فى جودة الصالون الداخلى وقوة الموتور 1600 122 حصان .

تفتكروا الواحد لو نزل يجيب الانفى دلوقتى ممكن خلال بضعة شهور أبو الفتوح ينزلها ويجمعها وياكل بيها السوق ويبقى كده الواحد لبس فى الحيط وجاب عربيه مستمرتش فى السوق كتير ونزلت مؤقتا وبعدين اختفت خصوصا أن أبو الفتوح عملها كتير فى A213 وM11 M12 اللى منسمعش عنهم حاجة دلوقتى فى المبيعات ومستمروش الا سنه ولا اتنين .

بصراحة العربية Arrizo 7 عربيه جامده جدا ومكسب كبير للسوق المصرى لونزلت بس أضمن منين انه ناوى ينزلها ، وبصراحه أنا ممكن أستناها لما أبو الفتوح ينزلها .

اليكم رابط اعلان السياره وعايز رأيكم فيها :

Chery Auto - ARRIZO 7 3MIN TVC HD - WE Marketing Group - YouTube

ورابط لفحص السياره عن قرب وعليها شعار شيرى الجديد :

China car---CHERY ARRIZO 7 No.3 - YouTube

ايه رأيكم يا جماعه ؟ أعتقد الواحد يستنى شويه !!!!!!

**M I D O** · 05-10-2013 02:11 PM

انا برضو في نفس الحيرة و الانفي اول دفعة بس المستوردة و الدفعات التالية تقفيل محلي و العربيتين جامدين جدا كشكل الامجراند من برة تتفوق و الانفي من جوة تتفوق بس ما يميز الامجراند هوة الايموبلايزر الغير متواجد في الانفي والي مش عارف لية ابوالفتوح شالة من العربية وبالنسبة للعربية الي حضرتك جايبلها فيديوهات دي انا برضو متابعها بس عمرها ما هتنزل السوق حاليا ولا حتي كمان سنتين تلاتة ومفيش اي معلومات عنها خالص يعني عندك النيو تيجو موجودة برة من 2010 تقريبا ونزلتلنا 2013 عشان كدة خلينا في المتوافر حاليا بس وانا متااااابع بأهتمام رأي الاعضاء عشان نازل اشتري قريب ان شاء الله انا كمان

**hugan** · 05-10-2013 03:35 PM

المقارنه تحير فعلا
لاميجراند موجوده وعامله مبيعات
لكن نازله بكميه من العيوب اللي تعيب اداء العربيه
مش مشاكل تقفيل
الانفي قليله شويه في الشارع
لكن ابتديت اشوفها في الفتره الاخيره
الكلام ده بحكم شغلي اللي بيخليني تقريبا باخد القاهره من الشرق للغرب يوميا
بالتالي باقدر اشوف العربيه ايا كان نوعها ان كانت منتشره من عدمه
اللي اقدر انصحك بيه ان عربيات اسبرانزا شغاله في الشارع من سبع سننوات
ومشاكلها كلها بسيطه تتعلق بعيوب تقفيل
لكن مشاكل في اداء العربيه او ميكانيكتها او كهرباء
نادرل لما باشوفها

**M I D O** · 06-10-2013 01:29 AM

المشاركة الأصلية كتبت بواسطة mdaly1975

ياجماعه أنا اعتقد فعلا أن الاسبرانزا مشاكلها أقل من الامجراند .
وأحب أضيف حاجه الانفى فيها طاره multifunction ودى ميزه حلوه مش موجوده فى الامجراند .
لكن أعتقد أن موديلات الانفى المتوفره فى السوق لحد اللحظه دى مستورده ولسه مجمعوهاش فى مصر وده على حسب كلام مندوب شركة المصريه ودى نقطة قوه أخرى تحسب لصالح الانفى

يا باشا انا اختار ايموبلايزر الي في الامجراند ويولع المالتي فانكشن الي في الانفي

**hugan** · 06-10-2013 02:23 AM

ياميدو الايمبلويزر مش مهم قوي في العربيات الصيني
لسبب بسيط جدا
انها ما بتتسرقش
ومن وقت ثوره يناير الي الان ماسمعناش ان عربيه صيني ايا كان نوعها
اتسرقت او صاحب عربيه اتعرض لمحاوله سر قه عربيه
وهنا يظهر واضحا الميزه الكبري
والاوبشن الغير متوفر الا في الصيني

انها عربيات ضد السرقه
الحمد لله
ثقافه الحراميه في مصر
ثقافه نضيفه
عارفين ان الصيني مضروب
ليه يغامرو

انا في عز وقت سرقه العربيات كنت باسيب العربيه مفتوحه واوقات بسيب المفتاح فيها انزل اجيب سجاير

اسيب الزجاج مفتوح في الصيف واركنها وامشي
وارجع الاقيها بفضل الله زي ماهي

**dr.hazem** · 06-10-2013 02:45 PM

المشاركة الأصلية كتبت بواسطة mdaly1975

أنا كنت قرأت موضوع الأربع نجوم ده في أحد المنتديات الأجنبيه المهتمه بالسيارات الصينيه وبصراحه أنا مش عارف أوصله تانى لكن أنا متذكر جدا أن سبب تسمية شيرى لرقم 7 بعد كلمة أريزو في اشاره منها انها المنافسه الكبرى لامجراند 7 أن فيها كل المواصفات بل وتتفوق عليها ...... والله أعلم .
احتمال عدم العربيه في مواقع الـ NCAP لأنها لسه نازله من حوالى شهر أو اتنين يمكن ينزلوها قريب جدا والله أعلم .

بالمناسبه وأنا بحاول أوصل تانى للمنتدى الأجنبى علشان أنزل اللينك بتاعه هنا ، صادفت حاجه غريبه أوى أن العربيه شيرى A3 اللى هى بتاعتنا عندنا تحت اسم M11 حاصله على خمس نجوم في اختبارات التصادم
Five years ago, the Chery A3 achieved a five-star crash test rating in C-NCAP, the first indigenous car to do so. Today, history repeated itself. The Qoros 3 achieved five stars, becoming the first Chinese-made vehicle to do so in Euro NCAP. Adult occupant safety was rated at 95%, child safety at 87%, pedestrian safety at 77% and safety assist at 81%. The weighted average of 88% also makes it the highest rated car tested in 2013 to date and one of the highest rated ever.

واليكم اللينك الخاص بذلك

Chery Automobile | Qoros 3 is the first Chinese car to achieve five stars in Euro NCAP | China Car Times - China Auto News

C-ncap= Chinese ncap
ده اختبار مضروب بيبقى على سرعة 60 وبوش العربية كلها مش بزاوية وحده واتريقو عليه في توب جير...
تحياتي

Sent from my Xperia Arc S using Forum Runner

-

الموضوع: محتار بين الانفى والايمجراند

LinkBack

أدوات الموضوع

عرض

-

-

-

-

-

المواضيع المتشابهه

هل الانفى فيها ايموبيليزر ؟؟!!

بي واي دي والايمجراند

تفتكر لية تم تخفيض سعر الامجراند وال بى واى دى بعد نزول الانفى؟

الى الاخ ميدو صاحب المواضيع الخاطئه عن الانفى

استشارة عن جراحة الحاجز الانفى والجيوب الانفية

الكلمات الدلالية لهذا الموضوع

المفضلات

المفضلات

ضوابط المشاركة