جميع سيارات كيا الموجودة في السوق المصرية ( صور و مواصفات )

بما اني بقيت من الكياوية:smile:
فحبيت اعمل موضوع جديد احط فيه كل موديلات كيا اللي نزلت مصر:auto:
وان شاء الله الموضوع يكون مفيد للناس اللي بتفكر تشتري
-------------------------------------------
نبدأ باصغر موديلات كيا حاليا هي
Kia picanto

عربية معمولة للمدينة يعني تنفع للشباب اللي مش بيسافرو كتير
صور العربية
http://up.as7abi.com/images/xg7hmgm3...npfg_thumb.jpg
http://up.as7abi.com/images/xyaka6c4...a4d6_thumb.jpg
http://up.as7abi.com/images/u3neor7z...i6oz_thumb.jpg

مواصفات العربية
العربية فيها موتو سعته 1100 سي سي
بيولد 65 حصان عند 6000 لفة
ميزته طبعا انه موفر جدا في البنزين

في 3 موديلات من العربية
اول واحد هاف اوبشنز ودة بيكون فيه تكييف وباور والاكصدام لونه بيبأى اسود دائما
التاني الفل اوبشنز بيزيد عن الهاف بانه فيه ازاز كهربا اودام بس وسنتر لوك والاكصدام والمرايات لون العربية
ونفس الموديل دة في منه اوتماتيك ودة طبعا الموديل التالت

تانك العربية سعته 37 لتر
كدة خلصنا الكلام عن المشمشة كيا بيكانتو
رجاء بس محدش يرد الا لما الموضوع يخلص

Kia Rio
عربية اعتقد انها هتنافس بقوة خصوصا بعد حل مشكلة التوكيل
صور العربية
http://up.as7abi.com/images/nu2vpyvw...pvt5_thumb.jpg
http://up.as7abi.com/images/ovawm5rp...ippe_thumb.jpg
http://up.as7abi.com/images/sqwctlfq...nh6j_thumb.jpg

مواصفات العربية
العربية اللي بتنزل مصر دلوأتي 1400 سي سي
الموتور بيولد 96 حصان ودة عند 6000 لفة في الدقيقة
فيه منها موديلين
اول موديل مزود بجير اوتوماتيك باربع سرعات
والتاني بجير مانوال من خمس سرعات

يتبع..

Kia cerato

صور العربية
http://up.as7abi.com/images/a2wcvsdk...qaax_thumb.jpg
http://up.as7abi.com/images/u8eyz1mv...8u35_thumb.jpg
http://up.as7abi.com/images/34ntjk6z...7en3_thumb.jpg

مواصفات العربية
العربية مزودة بمحرك 1600 سي سي بقوة 121 حصان عند 6000 لفة في الدقيقة
طبعا فيه منها
مانيوال واوتوماتيك

وبينزل منها اربع موديلات 1 مانويل و3 اوتوماتيك طبعا بيختلفو في التجهيزات

تانك البنزين بتاعها سعته 55 لتر
العربية دي انا شايف ان عربية في مستواها لازم يكون فيها وسائل امان متطورة زي الABS and EBD
وكمان الاير باجز
غير كدة انا شايف العربية تعتبر منافس جيد في السوق

kia Carnival

عربية عائلية من الدرجة الاولى

صور العربية
http://up.as7abi.com/images/xchx029l...qjit_thumb.jpg
http://up.as7abi.com/images/tn3ej13u...avem_thumb.jpg
http://up.as7abi.com/images/d9qoeuvu...qlbw_thumb.jpg

مواصفات العربية
العربية مزودة بمحرك بسعة 3.8 لتر ( 3800 سي سي )
قدرة المحرك دة 266 حصان عند 6000 لفة في الدقيقة

العربية دي مزودة بفرامل مانعة للانزلاق ABS
وكمان فيها وسائد هوائية
العربية فيها كمان كمبيوتر للرحلات
وتانك البنزين بتاعها سعته 80 لتر

Kia Sorento

صور العربية
http://up.as7abi.com/images/p5lspczs...sghv_thumb.jpg
http://up.as7abi.com/images/p19okomb...074f_thumb.jpg
http://up.as7abi.com/images/gs9zzjwq...x9ko_thumb.jpg


مواصفات العربية
العربية مزودة بمحرك بسعة 3.3 لتر وقدرة المحرك دة
243 حصان عند 6000 لفة في الدقيقة

العربية بتنزل بناقل حركة اوتماتيك بخمس سرعات
كمان فيها ABS على الاربع عجلات
وفيها ايرباجز للسائق والراكب الامامي

----------------------------------------
كدة الموضوع انتهى

طبعا انا حاولت اركز على المواصفات الاساسية للعربيات
ويارب الموضوع يعجبكم

انا متابع الموضوع من اول الريو
و مش عاوز اعلق من ساعتها علشان احترم رغبتك
رغم ان الموضوع شدني جدا
بصراحه موضوع مميز
الف شكر يا باشا:)

مشكور على الموضوع وعلى المجهود وعلى التنسيق فى الكتابة

بس مع احترامى ليك بالرغم من ان الموضوع مفيد ، كان محتاج تدعمه بمعلومات اكتر وصور اكتر عن كل سيارة

لزيادة الاستفادة من الموضوع

ومبروك انضمامك لعائلة الكياوية :)

اقتباس:

---

انا متابع الموضوع من اول الريو
و مش عاوز اعلق من ساعتها علشان احترم رغبتك
رغم ان الموضوع شدني جدا
بصراحه موضوع مميز
الف شكر يا باشا:)

---

حازم باشا شكرا على مرورك نورت الموضوع

اقتباس:

---

مشكور على الموضوع وعلى المجهود وعلى التنسيق فى الكتابة

بس مع احترامى ليك بالرغم من ان الموضوع مفيد ، كان محتاج تدعمه بمعلومات اكتر وصور اكتر عن كل سيارة

لزيادة الاستفادة من الموضوع

ومبروك انضمامك لعائلة الكياوية :)

---

العفو..
وليك حق طبعا ان المعلومات في الموضوع قليلة
بس انا حاولت اجيب المواصفات المهمة مش الكماليات

وشكرا على مرورك

موضوع هايل و معلومات محترمة خصوصاً ان العربية لسه في الطريق الانتشار و دا يرجع للتوكيل المحترم

شكرا على مرورك يا بشمهندس مؤمن

الف شكر على الموضوع بس فين البرايد والشوما عاوزين معلومات عنهم وكل عام وانتم بخير

شكرا يا باشا على الموضوع الجميل

العفو يا استاذ فهد

الف شكر
بس فى سيارة كيا مش موجودة
وهى احدث طراز كيا موهاف 4*4

هي الموهاف نزلت مصر؟؟؟

شكرا على الموضوع - بس عاوز شوية تفاصيل علشان يبقى شامل

والموهاف نزلت مصر

أنت 100/100 مفيش هيونداوي يشد حوار زي ده ولا ايه.

ألف شكر ع الموضوع وفي إنتظار المزيد .

شكراااا على الموضوع .
بس يا ريت نعرف ايه اخبار قطع غيار البيكانتو 2008 عشان سمعت انها غالية على الفئة بتاعتها.

شكرا على الردود الجامدة دي يا جماعة
نورتوا الموضوع وهحاول اجيب سعر قطع الغيار يا باشا اصلي جايبها جديد ولسة متصدمتش D:

ايوة الموهاف موجودة وكانت معروضة فى مارينا
وفى منها خليجى عند معرض جابر عبد الشهيد

هحاول اجيب معلومات عنها ان شاء الله

نسيت الكارينز وهي موجودة وبتتباع في مصر

Kia Carens
صور العربية
http://up.as7abi.com/images/hh9tpsf9...9tku_thumb.jpg
http://up.as7abi.com/images/sjnq9yqa...tgde_thumb.jpg
http://up.as7abi.com/images/fu8eao57...e91q_thumb.jpg

مواصفات العربية
كيا كارينز مزودة بمحرك بسعة 2لتر
و المحرد دة قدرته 143 حصان عند 6000 لفة
(كل عربيات كيا بتوصل لاقصى قدرة ليها عند نفس العدد من اللفات)
العربية كمان فيها ABS على الاربع عجلات
و اير باجز للركاب الاماميين ( السائق واللي جنبه )
العربية بتنزل بناقل حركة ستبترونك
دة غير الكماليات التانية طبعا مرايات كهربا وسنتر وتكييف وباور

وتانك العربية 55 لتر
-----------------------------------------

وشكرا على ردك يا د. احمد

اقتباس:

---

المشاركة الأصلية كتبت بواسطة MomoMedo

وشكرا على ردك يا د. احمد

---

يا باشا شكراً لمجهودك انت

العفو يا دوك

الف شكر يا ميمو على مجهودك الجميل لعائلة البيكانتو
اخوك يوسف

العفو يا يوسف باشا

لو أضفت كمان معلومات عن السيفيا والاسبكترا كان بقى الموضوع أكثر نفعا ، بس هو كده برده مفيد جدا لناس كتير ، شكرا يا باشا

العفو يا كريم
وهحاول اجيب معلومات عنهم

موضوع جميل

بس فعلا ياريت لو المعلومات كانت اكتر شوية يا استاذ مومو

بس برضه مجهود رائع من حضرتك طبعا

ميرسي ليك اوي

و تقبل مروري

بوســـــي

نورتي الموضوع يا بوسي
واعذروني بأى عالمعلومات القليلة ان شاء الله تتعوض
نورتي الموضوع