مسافر القاهرة الاسبوع دا علشان اتفرج على الكورولا مساعده ؟؟
السلام عليكم
ان شاء الله مسافر القاهرة علشان اتفرج على الفئه ال 185000
دايما بروح عند القرش اتفرج على اى عربيه بس بصراحة العربيات فى الشمس ومش بعرف اتفرج كويس عليها ياريت لو فى مكان تانى موجود قريب من الحته دى (مصر الجديدة ) وهل لو روحت الوكيل جنب اكاديميه الشرطه هلاقيها معروضة هناك ولا مش هلاقيها
تانى سؤال بس هو سؤال ساذج شوية هى الكورولا لو نزلت الخليج الشكل الامريكى و 1.6 ممكن تنزل مصر عادى زى الريو وكدا ولا مستناش حاجة زى دى تحصل :coming-soon[1]:
تالت حاجة موضوع الارتفاع والتحميل العربيه دى هتكون التانيه معايا يعنى هستخدمها لما يكون فى سفر مع العائله بس وهكون دايما محمل فى اغلب الاوقات الى هسوقها فيها وشنط كتير فى الشنطه وكدا فا هتحك وتخنقنى فى كل مطب وابقى ماشى ازحف بيها على المطبات
وكنت قريت بس قسم سكودا قبل كدا ان الاوكتافيا 2007 كانت نازله واطيه الاول وبعد كدا الدفعات الباقيه اتحلت المشكله وبقت عاليه بتغير الياى تقريبا (السوست)
ممكن دا يحصل فى الكورولا
عارف ان سؤالين فى علم الغيب بس توقعات وتحياتى
ومعلش على الكلام الكتير دا بس بصراحة انا كنت هشترى ال 508 لما كانت ب 210 انما لما غليت مش هقدر اوصل لتمنا 240 فا مش عارف اقتنع باى عربيه تانى بصراحة
واسف على الصداع :01964E~163:
