السلام عليكم
كل سنة وانتو طيبين ويا رب تكونوا بخير
ان شاء الله قررت اجيب عجلة(جبلي) وتكون الومنيوم وعايز اعرف رنج الاسعار كام دلوقتي وهل ابو الجوخ افضل مكان ولا فيه حد تاني وشكرا مقدما
عرض للطباعة
السلام عليكم
كل سنة وانتو طيبين ويا رب تكونوا بخير
ان شاء الله قررت اجيب عجلة(جبلي) وتكون الومنيوم وعايز اعرف رنج الاسعار كام دلوقتي وهل ابو الجوخ افضل مكان ولا فيه حد تاني وشكرا مقدما
ايه يا جماعة محدش عنده عجلة ولا واخد فكرة عن الاسعار والانواع ولا ايه :d
العضو صبحي رحمة الله عليه كان عنده معلومات كويسة
الصراحة أنا كمان طالبة معايا عجلة جامدة و الشتا داخل و الجو هيبقي جميل و تتمشي بيها.
طب حد يفيدنا يا جماعة افادكم الله
بما أن ما فيش حد يفيدنا فأنا هقول اللي أعرفه و ان كان قديم حبتين. من حوالي 3 سنين سألت عند أبو الجوخ اللي في شارع الجمهورية علي عجلة محترمة و كانت ب 600 جنيه و مش فاكر حتي صناعتها لكن كانت جميلة ما شاء الله. يعني أنت الأيام ديه بتتكلم في مثلا 1000 جنيه علي الأقل عشان تجيب حاجة محترمة لكن مش ماركة طبعا.
انا كمان زيك نفسى اشترى عجلة
ورحت ابو الجوخ لقيت عجل يبدأ من 1200 الى 3700 ج والاخيرة ده اسبانى
ورحت بسكلته لقيت اسعار وهمية اقل حاجة 2600 وده بيجو بس تقفيل صينى
ووزنها حوالى 13 كيلو جرام وقرام دسكات وبصراحة عجبتنى جدا
وفيه عجل بـ 10 الاف جنيه واغلى كمان طبعا امحتولتش حتى اتفرج عليه
الخلاصة فى عجلتين عجبونى
واحدة فى ابو الجوخ بحوالى 1750 جبلى سرعات صينى
وواحدة البيجو عند بسكلته الى تكلمت عليها فوق بحوالى 2600
انا سمعت ان فيه حد بيقول كمان ان فيه عجل بيتقفل ويتشال فى شنطه
وده احسن علشان السرقه
بس مش عارف موجود فى مصر ولا
شكرا يا جماعة انا الحمدلله جبت عجلة من عند ابو الجوخ النهرده صيني بس معظم الاجزاء اللى فيها تايواني والمنيوم و وزنها حوالي 13 كيلو ولو عايزين الصور هبقى ارفعها وابو الجوخ اللى في مطصفى النحاس ده كويس والراجل محترم وبيفهمك كل حاجة فيها وكويس بصراحة