شكرا لكم جميعا وكل عام وانتم بخير( نيسان 2009)

السلام عليكم ورحمه والله وبركاته

بدايه احب ان اهنئكم بشهر رمضان الكريم اعاده الله علينا وعليكم باليمن والخير والبركات.
ثانيا احب ان اوجه الشكر لكل اعضاء المنتدى الكرام لمساهماتهم العظيمه ومشاركاتهم البنائه واستقطاع جزء من الوقت لكى يقوم بارسال مشاركه تفيد الاخرين.
ثالثا : بجد انا مع بدايه دخولى المنتدى كنت جاهل جدا بالعربيات الحديثه وكيفيه المقارنه بين السيارات المختلفه الموجوده بالسوق وكيفيه الاستقرار على نوع معين حتى استقريت من خلال المنتدى الفرعى لنيسان على السياره EX Salon manual.
الفكره بس مش مجرد الاقتناع بالامكانيات ولكن الموضوع ان المشاركات بتخلى الشخص الصوره امامه واضحه من خلال الاراء المختلفه لرواد المنتدى ويستفاد من كل كبيره وصغيره من اول اختيار المعرض حتى عمل الصيانه وقطع الغيار.

ومع اول مشاركه ليه فى المنتدى حبيت اجبيلكم مفاجئه حلوه حتهم كتير منكم وهى نيسان 2009.

الحمد لله انا حاجز من حوالى اسبوعين لون نبيتى وبالفعل هو اتاخر لحد امبارح لكن الحمد لله حستلم العربيه بكره والمفاجاه المذهله انها كانت 2009 لان المصنه بدا يخرج فعلا موديلات 2009 بنفس نفس نفس الشكل القديم بناء على الشاسيهات اللى وصلت من اليابان.

الحمد لله ومتشكر ليكوا مره تانيه وادعولى بقى لان عندى مشكله صغيره ان انا بقالى 6 سنين سايق 128 فمش متخيل لما اسوق نيسان مره واحده حيحصل ايه ....خايف قوى من دوسه البنزين ((:

كل عام و انت بخير
اهلا بيك في بيتك الثاني
مبروك مقدما يارب يديك خيرها و يكفيك شرها
انت متاكد انها 2009 لانه في موديل جديد من 2007 متوقع انه ينزل هنا 2009

الف مبرووووووووووووووووووك عليك و ان شاء الله ربنا يديك خيرها و يكفيك شرها بس هل فعلاً هي موديل 2009 حضرتك ؟؟ و مبروك مره تانية و رمضان كريم

الف مبروك عليك يامان وربنا يديك خيرها ويكفيك شرها ويباركلك فيها ولما تستلمها ابقى قولنا ان شاء الله وفعلا ياجماعه موديل 2009 هو نفس شكل 2008 بلا اى اختلاف وانا كنت قلت كده من فتره وارجع للينك دهhttp://www.nilemotors.net/Nile/showthread.php?t=36874

الف مبروك وربنا يباركللك فيها

موديل 2009 هوه نفس الشكل الموجود دالوقتى الشكل الجديد مش هينزل الا 2010 او ممكن 2011 كمان

اقتباس:

---

المشاركة الأصلية كتبت بواسطة mohaismail

موديل 2009 هوه نفس الشكل الموجود دالوقتى الشكل الجديد مش هينزل الا 2010 او ممكن 2011 كمان

---

طب انا نفسي اسأل سؤال هو ليه الشكل الجديد دا مش حينزل مصر ال في 2010 او 2011 هو لازم مصر تفضل ينزل فيها الموديلات القديمة + ان الشكل الي موجود الوقتي موقوف من كذا سنة نفسي اعرف السبب من سياسة التوكيل ؟؟؟؟؟؟

ياباشا مينفعش يغيروا خط الانتاج بسرعه كده
ده بياخد وقت ودى سياسه على فكره وفى اقبال على الشكل ده كمان

اقتباس:

---

المشاركة الأصلية كتبت بواسطة dedodode

ياباشا مينفعش يغيروا خط الانتاج بسرعه كده
ده بياخد وقت ودى سياسه على فكره وفى اقبال على الشكل ده كمان

---

اوك اوك انا مع حضرتك بس لو حضرتك خد بالك من كام سنة كده كان في فترة الموديلين موجدين في السوق و بعدين اتسحب الشكل الجديد و فضل الشكل الحالي صح و لا ؟؟

صح ومعنى كده انه الشكل ده مناسب وشغال يبقى حيعيروا ليه دلوقتى وعلى فركه الصنى بتحقق نسبه مبيعات عاليه دلوقتى فى السوق المحلى وكمان انا كنت متاكد من الكلام ده لانى عارف ان خط الانتاج زى ماهو متعيرشى وكمان انا شغال فى الجمرك فى اسكندريه وعرفت ان المصنع نزل دفعه عربيات 2008 ومعنى كده انه كان عنده دفعه قديمه لازم يخلصها قبل 2009

ياجماع متشر ليكم وربنا يبارك فينا جميعا ان شاء الله.
انا لما قلت 2009 ياجماعه كان بناء على ورق العربيه بتاعتى اللى شوفته وحستلمه بكره ان شاء الله مع تسليم العربيه ..انا مبحبش التخمينات وان شاء الله ده حيكون اسلوبى فى المنتدى على طول ....وهو ان اللى عنده معلومه صح ومتاكد منها ينقلها للاخرين بكل امانه لان فى اخرين بالفعل بيكون مصدر معلوماتهم الوحيد هو المنتدى الرائع ده وممكن قراراتهم تتاثر بالسلب او الايجاب اعتمادا على المعلومات المنشوره هنا فاتمنى من الجميع سلك نفس الطريق وربنا يكرمنا جميعا ان شاء الله.

الف الف مبروك ربنا يباركلك فيها يارب وان شاء الله اختيار موفق باذن الله ليك

الف الف مبروك عليك وعقبالنا كلنا يارب

ومتنساش اول ماتستلمها ترقيها (كل ذي نعمة محسود)

ولازم تقولنا اطباعاتك المبدئية لما تجريها وتسوقها

اقتباس:

---

المشاركة الأصلية كتبت بواسطة momenhamdy

طب انا نفسي اسأل سؤال هو ليه الشكل الجديد دا مش حينزل مصر ال في 2010 او 2011 هو لازم مصر تفضل ينزل فيها الموديلات القديمة + ان الشكل الي موجود الوقتي موقوف من كذا سنة نفسي اعرف السبب من سياسة التوكيل ؟؟؟؟؟؟

---

سؤال حضرتك غريب شويه
علشان في موديلات عربيات موقوفه بالثلث بره و لسه بتتباع زيرو هنا زي
128
لادا
شاهين
لانوس
نوبيرا
فمش غريبه قوي يعني موضوع ان الشكل الحالي اتوقف انتاجه بالخارج ده ممكن يقعد 8 سنين قدام بيتجمع في مصر
مع العلمان الشكل الجديد تجميع كوري

اقتباس:

---

المشاركة الأصلية كتبت بواسطة amir

سؤال حضرتك غريب شويه
علشان في موديلات عربيات موقوفه بالثلث بره و لسه بتتباع زيرو هنا زي
128
لادا
شاهين
لانوس
نوبيرا
فمش غريبه قوي يعني موضوع ان الشكل الحالي اتوقف انتاجه بالخارج ده ممكن يقعد 8 سنين قدام بيتجمع في مصر
مع العلمان الشكل الجديد تجميع كوري

---

على فكرة اللانوس والنوبيرا لا تزال تجمع فى رومانيا وتباع فى اوروبا وخصوصا شرق اوروبا، مش عندنا احنا بس، اما اللادا فمين اللى قال انها اتوقفت،ده حتى اتعمل لها face lift غيرو لها شكل الفوانيس الأمامية والخلفية مع الاحتفاظ بباقى السيارة كما هى، والشاهين توقف انتاجها فى بلدها الأم السنة اللى فاتت بس، مش من قديم الازل ولا حاجة، اما ال 128 فبرضه توقف انتاجها فى بلدها (الصرب) السنة دى فقط بعد ما فيات اشترت شركة يوجو المنتجة لل 128، فكرة العربيات الاقتصادية ذات الشكل القديم الى حد ما فكرة مقبولة فى العالم كله، والعالم مهواش غرب اوروبا فقط، لكن فيه دول تانية كتير زينا، فيه ناس كتير جدا مش عايزين من السيارة شكل جديد فى مقابل انهم يوفروا تكاليف التصميم المرتفعة، وده موجود فى العالم كله مش عندنا احنا بس وهو سبب نجاح سيارات مثل الرينو لوجان عالميا

الف الف مبروك ربنا يديك خيرها ويحميك من شرها يا رب:)

الف مبروك على الحجز، ودوسة البنزين هتبقى مختلفة

تماماً خلي بالك العربية هتجيب معاك من اول لمس لان

مشوار الدواسة مش نصة فاضي زي الـ128.

الشكل القديم لم يتوقف انتاجه وموجود فى دبى موديل 2008 صناعه اليابان ام الشكل الجديد ايضا موجود فى دبى بس صناعه كوريا ومن قال ان الشكل القديم توقف انتاجه غبر صحيح

شكرا ليكم ياجماعه واعتقد انكم جميعا تاكدتم من كلامى من خلال اهرام الجمعه النهارده ان موديلات 2009 نزلت وانها نفس الشكل القديم فاعتقد انى كنت صاحب السبق وربنا يكرمنا جميعا ولو ان عندى مشكله كبيره ياجماعه انى مش لاقى ولا جراش فيه مكان فاضى!!!!!

الله يباركلك فيها
بس كام سعرها بالظبط

اقتباس:

---

المشاركة الأصلية كتبت بواسطة medo8888

شكرا ليكم ياجماعه واعتقد انكم جميعا تاكدتم من كلامى من خلال اهرام الجمعه النهارده ان موديلات 2009 نزلت وانها نفس الشكل القديم فاعتقد انى كنت صاحب السبق وربنا يكرمنا جميعا ولو ان عندى مشكله كبيره ياجماعه انى مش لاقى ولا جراش فيه مكان فاضى!!!!!

---

يا أخ ميدو فى اهرام الجمعه 12/9 نزل خبر أن موديل 2009 فيه شويه تعديلات فى الفوانيس و التقفيل الداخلى .
لكن ده طلع كلام فاضى و التوكيل فى الطراوه لأنه مش عارف أى حاجه و نشروا أكاذيب مش حقائق. فعلا بعد الموقف ده الواحد لازم يحسبها تانى بعد ما كنت مقتنع بالصنى وشكرا

اقتباس:

---

المشاركة الأصلية كتبت بواسطة Emadsamy

يا أخ ميدو فى اهرام الجمعه 12/9 نزل خبر أن موديل 2009 فيه شويه تعديلات فى الفوانيس و التقفيل الداخلى .
لكن ده طلع كلام فاضى و التوكيل فى الطراوه لأنه مش عارف أى حاجه و نشروا أكاذيب مش حقائق. فعلا بعد الموقف ده الواحد لازم يحسبها تانى بعد ما كنت مقتنع بالصنى وشكرا

---

النيسان صني عربيه محترمه و سعرها كويس جدا جدا غير حاجات تانيه في السوق اسعارها سرقه علني و الناس هنا في مصر و في التوكيل ماسكين ابواق دعايه مضلله ليها و ماشيين بمدء اكذب كثيرا حتي يصدقك الاخرين, و اظن كلامي في النقطه دي واضح وضوح الشمس و مش محتاج تفسير بس اللي عايز يناقشني اهلا و سهلا
و هي و الجين 2 يتصدرو فئه الاسعار المعقوله و اللي فعلا مش عايز يتسرق في فلوسه يلحق يشتري النيسان صني او الجين 2 لأن اسعارهم معقوله جدا و الواحد خايف يبدءو يغلو زيهم زي اللانسر اللي ممكن بعد خمس سنين تلاقي الشكل القديم بيتباع بنص مليون و ساعتها برضو يقولك اصل الشركه الام بتاعت اليابان هي اللي معليه الاسعار عن السنه اللي فاتت علشان نفس المكونات و الكماليات و الشكل زي مانتو عارفين بيزدادو سعرا كل يوم:crazy4:
و في الاول و الاخر قرار شراء عربيه اكيد اكيد مش هيتئثر بما نقرأه في الصحافه المصريه خاصه بتاعت اونكل القط و كلبه الفار :diablo1:
و لو الامور مش ماشيه زي مابقولك كانت الجين 2 مباعتش عربيتين من اول ما نزلت
سيبك من الي بيتكتب في الجرايد و لو فعلا مهتم بمعامله التوكيلات و بتدور علي راحتك ادخل شوف الناس بتشكر في مراكز السبع ازاي ده ناقص يفرشولك الارض ورد و ياخدوك بالحضن و انت داخل!!
انا بالمناسبه جربت مودرن موتورز و معجبنيش و لسه عامل صيانه ال 30 الف كيلو في السبع زهراء المعادي و المعامله و الترحاب و العنايه الفائقه بالعربيه خلتني اتمسك بيها و احبها اكتر من الاول
و في الاول و الاخر قرار الشراء يعود عليك انت لأنك انت اللي هتدفع و انت اللي هتسوق فشوف ايه اللي يريحك اكتر و احنا هنا اخواتك اسئلنا لو عايز تعرف حاجه و رمضان كريم

اقتباس:

---

المشاركة الأصلية كتبت بواسطة Emadsamy

يا أخ ميدو فى اهرام الجمعه 12/9 نزل خبر أن موديل 2009 فيه شويه تعديلات فى الفوانيس و التقفيل الداخلى .
لكن ده طلع كلام فاضى و التوكيل فى الطراوه لأنه مش عارف أى حاجه و نشروا أكاذيب مش حقائق. فعلا بعد الموقف ده الواحد لازم يحسبها تانى بعد ما كنت مقتنع بالصنى وشكرا

---

انا لى تعقيب عن التوكيل اللى فى الطراوه

لما توكيل نسيان فى الطراوه امال توكيل هيونادى يبقى ايه

نقطه اخيره لو العربيه بالتوكيل فقط ما كان هناك اى واحد يشترى فولكس فاجن فى مصر