عملت حادثة.. الحمدلله

**p r i n c e** · 05-10-2013 10:30 PM

للأسف عملت حادثه بسيطة انهاردة كنت ماشي ف شارع أول مرة أمشي فيه و كان ضلمة كحل مفيش ولا كشاف منور ف الشارع
و لقيت ف وشي كدا رصيف رفيع خالص سمكه بلوكه واحدة و دخلت فيه بس حك من تحت بس حتى موصلش للإكصدام ولا لمسه بس صدر العربية اللي من تحت دخل ل جوا و الرادياتير إتخرم طبعا و جبت سمكري بص من تحت قالي الخبطه جت ف العقربه الي من تحت و دخلت ل جوا جامد
حسبي الله و نعم الوكيل ف اللي سايب الشارع دا ضلمة من غير نور بالرغم إنه في عواميد نور كتير
يا جماعة الحمدلله قدر الله ما شاء فعل و انا مش زعلان على ال فلوس اللي هدفعها ف التصليح ولا ف إن دا هيعيب العربية ولا لأ
بس عاوز أعرف تغيير العقربه دي او إستعدالها هيأثر على أداء العربية ولا لأ :-)

**Ahmadhamza84** · 05-10-2013 11:55 PM

طبعا ألف سلامة عليك أولا ..
ده يؤكد لي صحة نظريتي إن بلدنا خسارة فيها عربيات غالية وخسارة برضو تركب فيها زيرو
عربيتك بتلبس بأخطاء قمة في الهبل والعبط وليست بسبب القائد ...إما بسبب الحكومة الرشيدة حفظها الله
وإما بخطأ من مواطن صالح حفظه الله برضو

**p r i n c e** · 05-10-2013 11:59 PM

والله عندك حق يعني انا ماشي في أمان الله و العربية متتخدش حتى بس ألبس ف رصيف يبهدلي العربية من تحت
حسبي الله و نعم الوكيل

**mohamed_selim** · 06-10-2013 12:02 AM

ربنا يوفقك و تصلحها بس عندى سؤال ... ازاى موصلش للاكصدام و حصلت الخساير دى كلها ... ولا قصدك موصلش كارتفاع بس وصل مسافه كبيره تحت العربيه؟
هى عربيه ايه؟

**p r i n c e** · 06-10-2013 12:09 AM

موصلش كإرتفاع عشان رصيف واطي أوي
و الخبطه كلها جت ف ال العقربة دي بس انا معرفش اسمها بس السمكري قالي إسمها كدا
و العربية فيرنا 2010 ماشية 21 ألف كيلو بس :-(

**lidosasa** · 06-10-2013 12:12 AM

من يومين بالظبط وقدام مقر قوات فرق أمن البحيرة والطريق اسفلت حرير ويغرى على الجرى وفيه مطب الطرق هى اللى عملاه بس بغباء كالعادة والشارع كله عواميد نور بس معظمها مطفى لتوفير الكهرباء وشوفت عربية هيونداى فيرنا رصاصى شكله أول مرة يمشى فى الشارع وأخد المطب بسرعته وراكن على جنب ومياه الريداتير كلها على الأرض والراجل صعب عليا جداً والله حسبى الله ونعم الوكيل فى اللى كان السبب