ليه عاوزين دفع رباعي

**Ahmad Major** · 06-10-2013 07:04 AM

ليه عاوزين دفع رباعي
........
ناس كتير لما تلاقيك بتفكر فى عربية دفع رباعي يقولك انت غاوي منظرة او عاوز تطلع اوف روود فى الرمل و غيره
الحقيقة ان معظم اللي بيفكر يشتري دفع رباعي لا هيطلع رمله لان اللي بيطلعوا رمله فى مصر عددهم قليل و لا هو غاوي منظره لان فى ماركات مخصوص عشان المنظرة
بس هو عنده مشكله حقيقية يومية و بيدور لها على حل
انا من الناس دي
يعني لو حضرتك معاك سيفيك
و مضطركل يوم تقرببا تمشي وصلة 6-7 كيلو مرمي فيها سن و دبش رايح جاي
و لما تلاقي الطريق مقفول يا بسبب حادثة او سير عكسي و ده بقى روتين يومي و تضطر عشان تمشي حالك انك تنزل فى مدقات عاوزه دبابه
و لما تبقى فى وسط الزحمة و كل الناس عارفه انك خايف على عربيتك و فى ظل حالة العنف اللي مسيطرة على الناس و قلة الذوق المتوفرة الناس كلها تقريبا هترمي عليك و مهما كنت محترف برضو هتنخ فى الاخر
و ضيف لكده المطبات الزبالة و نوعية الرصف و النقر اللي مش مخلياك تستمع بميزة عربيتك خالص
و كمان مضطر تمشي بسرعات عالية في منحنيات افضل وصف ليها انها مصايد موت
و لما تيجي تركن بتدور على اي رصيف تعرف تطلعه
تخيل كل ده بشكل شبه يومي تقريبا
.
.
و فى نفس الوقت انت عاوز سرعات عالية لانك فى الغالب بتسافر مسافات طويلة بصفة يومية
وكمان عاوز ثبات اللي هو مش ميزة الدفع الرباعي
و كمان هيبقى عندك مشكلة فى البنزين لانك بتمشي مسافات طويلة
و مش معقولة كل يوم هتقضيه فى الصيانة او تلف على قطع غيار
كمان انت عاوز عربية مريحة الى حد ما و فيها اوبشنز عشان ما تكرهش حياتك
و تكون عالية عشان نوعية الطرق اللي بتمشي فيها و تخلي الناس تحاسب معاك شوية فى الزحمة
و كل ده فى ميزانية ما بين 150 الى 250 الف
تقريبا ده الرينج اللي بيتكلم فيه كل الناس
.
.
تلاقي المتاح قدامك يا اما عربية غيراعتمادية و هتبيتك عند بتوع الصيانة كل يوم و هتفلسك
او عربية مش ثابتة على الطريق على ألاطلاق و ألسفر بيها مخاطرة حقيقية
او عربية قديمة و تقريبا انت معندكش خبرة فى المستعمل زي حالاتي و فى الغالب هتلبس يعني هتلبس
او صيني لا قوة و لا تحمل و لا امان و ده راي شخصي
او عربية من شركة تاريخها فى الدفع الرباعي ضعيف
او عربية كروس اوفر اللي من راي انها بتجمع بين اسوا ما فى السيدان و اسوا ما فى الاس يو في
.
.
اتمنى اكون عبرت عن راي قطاع كبير
و اتمنى الكل يشارك بحلول
خاصة ذوى الخبرة
و اسف على الاطالة
#
مشاهدتك لوحدها مش كفاية
#
بفكر فى بي ام الاكس ثري على فكرة

**abou-yahia** · 06-10-2013 07:12 AM

النيسان x trail
عربيه بتجمع بين مميزات السيدان ومميزات الدفع الرباعي

**ahmed_eng2001** · 06-10-2013 10:49 PM

السلام عليكم

انا متفهم حيرة حضرتك فى الاختيار و التفكير و اتفق معك فى ما ذكرته.... و لو سمحتلى ..... افضفض معاك شوية ...

مشاكل الطرق ... الى حضرتك ذكرتها مش محتاجة عربية دفع رباعى .....

مشاكل الطرق دى محتاجة عربية عالية عن الارض .... علشان تخلى حضرتك تدخل فى مدقات و ممكن كمان تطلع على الرصيف و ميهمكش اغلب الحفر و المطبات

اما بالنسبة للزحمة و الخوف على العربية ..... عن تجربة .... بعد ما تركب عربية كبيرة و قوية .... تخاف على عربيات الناس الى ماشية جانبك اكتر ... و تسيبهم يعدوا اكتر من لما تكون راكب عربية سيدان

و من الممكن حضرتك تجد العربيات دى زى التيريوس و الفيتارا و التيجو الدفع الخلفى فقط على سبيل المثال

عربيات الدفع الرباعى بتتميز بقدرتها على توزيع عزم الموتور على العجلات الاربع بالتساوى ( فى اغلب الحالات )
و ده بيفيد جدا فى بعض الحالات الى عجلة من الاربع عجلات بتفقد الاحتكاك مع الارض .... فتقوم بقية العجلات بسحب العربية

الميزة دى تظهر بشكل واضح جدا فى المشى على الرمال و الطين و المرتفعات غير الممهدة

الحل هو سيارة عالية .... و لو حضرتك بتحب يكون فيها دفع رباعى ... يكون الحل عربية دفع رباعى

عيوب عربيات الدفع الرباعى .....

1- عدم الثبات فى المشى ..... يعنى ... انا جبت بعربيتى 120 كم/ساعة ... و حرمت اجرى بيها تانى .... العربية كانت بتتنطط على الطريق .... و باخد حزرى جدا و انا فى الملفات ..... لازم اهدى قبلها

2- استهلاك البنزين العالى ... عربيات الدفع الرباعى ثقيلة الوزن نوعا عن العربيات السيدان .... ده غير ان لازم يكون فيها موتور قوى علشان يساعده فى المشى ..... يعنى محرك مش اقل من 6 سلندر ... انت كدة مش حتعرف حاجة اسمها اللاقتصادية فى البنزين

3- قطع الغيار .... اغلى نسبيا من قطع غيار السيدان ..... و المصنعية كمان اغلى .... الناس بتبصلك انك راجل غنى و معاك فلوس علشان راكب عربية دفع رباعى

ده غير ان حضرتك بدل ما تغير 4 بوجيهات مثلا ... حتغير 8 او 6 بوجيهات
بدل ما تزود زيت للكارونة الخلفية فقط ... حتزود كمان للكارونة الامامية و هكذا

4- الرفاهية ... اغلب عربيات الدفع الرباعى ... و خاصة القديمة ... غير مريحة .. و لا تتميز بوجود اوبشنز كتير فيها
العربيات الجديدة مريحة اكتر و الرفاهية كويسة الى حد كبير

5- سعر السيارة .... كل عربيات الدفع الرباعى سعرها غالى حبتين

رينج السعر الى حضرتك حاطه .... من 150 الى 250 الف ..... يجيبلك حاجات كويسة ... جديد و مستعمل

الجديد ....

جراند تيريوس ... و الجراند فيتارا
عربيات الناس بتشكر فيهم .... و يتميزو بالحجم المتوسط و النعومة
التيجو ... الناس برضو بتشكر فيها
رينو داستر ... برضو محدش شكا منها اوى
نيسان اكس تريل .... الناس برضو بتشكر فيها

مستعمل

اسطورة الدفع الرباعى ..تويوتا اللاند كروزر .... على اختلاف موديلاتها .... ال 80 و ال 60 سيرز
الحى ام سى يوكن ....

ميتسوبيشى باجيرو

قيه كمان اللاند روفر .... و البى ام دبليو .... بس دول عربيات سعرها عالى شوية

و تقبل مرورى

**azahranm** · 06-10-2013 11:00 PM

متابع

**Ahmad Major** · 08-10-2013 01:17 AM

شكر لكل الاعضاء اللي تعبوا نفسهم و شاركوا
.
.
.
.
بأنسبة لاكس تريل...اصدقاء جربوها و مش مرتاحين فيها و في كلام ان الموديل ده هيقفل على كده.....هتبقى مشكلة فى قطع الفيار
التريوس مشكلة الثبات فيها ما اتحلتش بشكل ملحوظ و ده عن تجربة شخصية
الداستر مش وحشة على فكرة بس مشكلة المانيوال دي مش حلوة....انا ما سقتش مانويال من زمان اوي
الفيتارا ....هل ربع ارنب يدفعوا فى فيتارا او التيجو مع اني ما جربتهمش
الباجيرو و الاند كروزر و الروفر و الجيمس يوكز .كله جميل بس هيبقى قديم و اخوك مالوش فى المستعمل خالص ......لو تعرف حاجة مضمونة او معرض مضمون اقدر اجيب منه و انا مطمن عربية انساها خمس سنين ....مع الصيانة طبعا...يبقى شاكر ليك.....و هتبقى فى حدود سنة كام لان قبل 2000 هيبقى بعيد اوي
.
ايه الاراء
فى الرانجلر 2012 كسر زيرو....بس هتفضل المشكلة تجيبها عربية سليمة منين
السوبارو فى كلام كويس عليها بس عيبها مش منتشرة ..
بي ام اكس ثري 2008.....بس صديق ليا بيقول ما تفرقش كتير عن السيدان و مش هتقدملك جديد.....مش عارف احبطني بصراحة.....ضيقة على فكرة
الفورتشنر برضو فى كلام عليها

**Ahmad Major** · 08-10-2013 03:30 AM

ياريت ندخل ال kk فى دايرة المناقشة
انا شايف ان مشاكل كتير فى الليبرتي اتحلت فيها
بس الناس دايما قالباها من الاختيارات

**Maghraby1987** · 08-10-2013 11:04 AM

المشاركة الأصلية كتبت بواسطة Ahmad Major

ياريت ندخل ال kk فى دايرة المناقشة
انا شايف ان مشاكل كتير فى الليبرتي اتحلت فيها
بس الناس دايما قالباها من الاختيارات

ال x3 فعلا مش عتقدملك حاجه زياده عن السيدان غير الارتفاع عن الارض و موتور 3000cc
الرانجلر هتبقي هايله لو حضرتك هتدخل بيها الصحره كتير غير كده فقيرة جدا في الاوبشن و التابلوه شكله مش حلو معجبنيش خالص وده اذواق
الليبرتي تمتاز عن الرانجلر في حتة التابلوه و الاوبشن بس هتبقي موديل اقدم مع العلم ان الاتنين ديقين من ورا
ممكن تشوف باجيرو ممكن تجيب موديل كام بالسعر ده

لو ليك في الامريكاني بقي شيفروليه بليزر و GMC و الكلام ده محل امريكان ستار بتاع قطع غيار اوبل في شارع شمبليون عندهم محل تاني بتاع الامريكاني ممكن تساله قطع غيارها و تجيبها منين و تكشف عليها و تصلحها عند مين و كده يعني

و ربنا يوفقك للخير

**Anxs111** · 09-10-2013 02:03 AM

إل x3 بتقدم إرتفاع عن الأرض وموتور ٣٠٠٠ سي سي ..
هما دول حاجتين قليلين ....

ممكن أضيف عليهم أعلي اوبشنز في كل الموجود ...وموتور طيارة ...إتزان أحلي واحده فيهم وما تفرقش عن السيدان ...
حاسس كدة إن التعليق علي X3 عامل زي ملقوش في الورد عيب ....

طب إيه اللي ناقص المفروض البي أم تديه كمان ...