الموضوع: مصنعية كهربائى شقة

هي بتتحسب يا غالي بعدد المبات والمفاتيح الكهربيه الي موجوده
يعني في واحد بيعمل اللمبه ب7 جنيه دا ايام لما كنت بشطب الشقه بتعتي ايام شقة اخويا كان 6 او 5 تقريبا الكلام دا شقتي كانت من 3 او 4 سنين تقريبا شقة اخويا اقدم منها بسنتين تلاته

بتتحسب بالنقطة ياباشا ، يعنى مفتاح اللمبة يسمى نقطة والبريزة تسمى نقطة وهكذا
النقطة بتتعمل بــ 7 - 10 ج على حسب المنطقة
علبة العداد اللى بيجمع فيها الشغل كله بتتحسب لوحدها من 30 إلى 50 ج أوعلى حسب الإتفاق ممكن مايخدش عليها حاجة خالص ، وتتفق كمان على مفتاح السخان والغسالة والتكييف بنقطةواحدة ولا نظامه أيه غالباً بيكون نقطتين
وتخلى بالك أن لو مفتاح لمبة وأتعمل فى ظهره للأوضة التانية مثلاً مفتاح بريزة كده بيتحسب بنص نقطة لأنه ماتعبش فى حاجة غير التوصيلة من ظهر المفتاح
الكلام ده كله والأسعار دى على أساس الشقة على الطوب الأحمر وبيمد المواسير والسلك جواها ويثبتها بالأسمنت وكمان يركب المفاتيح ويقفل الشغل بعد النقاشة
لو المواسير راكبة بيكون على حسب الإتفاق ممكن تخصم التلت يعنى النقطة من 5- 7 ج
الخلاصة :
أتفق أحسن حاجة بنظام النقطة ووضح كل الكلام اللى قولتهولك من البداية وبتخلى 1/3 الفلوس عند التشطيب وتقفيل الشغل بعد النقاشة وماتسمعش كلام الصنايعى أنه عيب وهجيلك أقفله ، بس لااااااااااااااااازم تتفق على الكلام ده من البداية وتوضح كل فسفوسة ، وماترضخش لكلام الصنايعى أبداً لأن أساساً أحن ماعندناش صنايعية وثانياً أغلبهم كدابين وفهلوية وبيبقى عاوز يقلبك وبعده يريح نفسه فى الشغل على الآخر ومش مهم أنت هو ضمن الفلوس ومش مهم الشغل
وربنا يوفقك

المشاركة الأصلية كتبت بواسطة A.Saad

شكرا جزيلا على مشاركاتكم
ايضاح علشان اعرف احسب
مكان فيه فيشة اريال مثلا وتليفون فى نفس علبة الماجيك
يبقى نقطة واحدة ولا اللاريال نقطة والتليفون نقطة

يا ريت شويه توضيح