السلام عليكم
معلش يا رجالة عندي سؤالين
أنا أول مرة هغير زيت موتور لزوم السيرفيس
هل شفط الزيت من أعلى بدل ما يشيل المصفحة و يفك الطبة من تحت ليه أى عيوب أو ممكن يسيب رواسب في القاعدة؟
كمان واحد صاحبي قالي اعمل flush عشان تنضف الدورة
هل دا ليه أي أضرار و ازاي بيتعمل؟ و بعد ولا قبل تغيير الفلتر؟
شكرا يا شباب
متابع
بلاش موضوع الفلاش ده ناس اشتكت منه و الصراحة ولا ليه اى لازمه
منتظرين راي الخبراء
طول عمرنا بنفك الطبه الي تحت ونغير زيت عايز تنضف بالطريقه التقليديه
هفتك الطبه وتنزل الزيت بالكامل وتحط زيت تاني وتنزله واعتقد ان بكدا انت نزلت اكتر من 80 % من الرواسب وتشيل الفلتر وتركب واحد جديد وتحط زيتك الجديد وتتوكل علي الله دا الي اعرفه انما تحط منظرف وشفط زيت
طيب هتشفط الزيت اوك في رواسب في القاع تحت هتتشفط ازاي ؟؟؟
هتحط فلاش وتشفطه معملتش حاجه برده لازم فك الطبه عشان الرواسب
نص الى هيدخل يجاوب هيقولك اشفط الزيت و النص التانى هيقولك افتح الطبه و انا رايى افتح الطبه و سيبه لما يصفى تماما و حط الزيت و غير الفلتر والفلش انا لم اجربه لكن الكثير بيقول انه غلط و استنى راى الخبراء
جنرال موتورز وهوندا لا تنصح باستعمال الفلش مادام الزيت بيتغير فى المواعيد المحددة واعتقد ده بيسرى على باقى المركات اما تغيير الزيت عن طريق الشفط او التنزيل الموضوع مبيفرقش مع ان فى راى بيقول ان الشفط بيسحب كمية زيت اكتر
- بلاش الفلوش اويل . مالوش لازمه .استخدمته زمان لما كنت عاوز انظف الكوستبانات وماعملش اي حاجه ولما غيرتهم بجديد وفكيتهم من جوه عرفت ان من المسنحيل ان الفلوش يدخل جواهم وينظفهم في 5 دقايق !
-اشفط او فك الطبه براحتك .فك الطبه ميزته انه بينزل معظم الزيت اللي في الكارتيره بس عيبه ان كتر الفك والتركيب لمسمار الطبه ممكن يبوظ القلاوظ اللي في الطبه ويلزم الامر خراط ..وعلي فكره مش محتاج تفك المصفحه ..في حين الشفط هنقول بيسيب جزء قليل جدا من الزيت القديم بس اامن وبتحافظ ع الطبه والكارتيره
وطالما بتحافظ علي غيار الزيت في مواعيده ماتقلقش .علي فكره جهاز الشفط فيه مدرج حسابي بتعرف من خلاله تم شفط زيت قد ايه؟؟
حأحكيلك عن تجربتي:
انا حطيط مرة زيت مضروب (مغشوش يعني) وكان شيل الترا ... المهم بعد ما حطيطه لقيت صوت العربية وحش جدا وكل حاجة فيها مش مظبوطة ..
المهم اشتريت زيت ليكوي مولي وعبوة الفلاش دي.. وحطيط الفلاش على الزيت القديم (المغشوش) وسبت العربية شغالة 10 دقايق ( بصراحة كنت باسمع اصوات غريبة كده في الموتور .. زي متقول كده بتقلب حاجة تقيلة اوي بمعلقة في حلة ) وبعد 10 دقايق نزلت الزيت القديم بالفلاش وغيرت الزيت والفلتر والحمد لله راضي جدا على النتيجة
استخدام الفلاش بس في حالة الزيت المغشوش او الزيت المحروق ......................
موضوع الشفط مش عارف
طبعا فك الطبة أفضل ، وخاصة لما تكون العربية سخنة بعد مشوار عشان تنزل كل الرواسب
بس للأسف في الفكترا سي لازم نفك المصفحة أولا لأنه لا توجد فتحة أسفل الطبة مباشرة
وعشان كدة المرة الجاية هحاول أعمل فتحة في المصفحة أسفل الطبة
صديقي المواطن
عايز خبرة في مئات العربيات ولت عايز خبرة سماعي وعاوز الخلاصة في الفلاش ولا حتسمع كلام اﻷخوة اﻷعضاء بتاع الفلاش كويس ولا وحش
عامة أنا حقول اللي يرضي ضميري لكن الفلاش مكلف فهي عملية تنظيف متكاملة للمحرك
أولا الشفط دي عملية لا تنفع في مصر وأجوائها ويترك بواقي داخل المحرك
ثانيا الفلاش من أفضل اﻹختراعات في عالم السيارات ولكن له طريقة معينة ومكلفة
ثالثا الناس اللي بتحذر من الفلاش أنا عارف ليه ومفيش مصيبة أنا موقغتش فيها في عالم السيارات والسبب إن الفلاش حيحرك كل رواسب المتكتلة والمتحجرة داخل المحرك فحتروح على فين حتروح على المصفى المعدني بتاع طرمبة الزيت مما يؤدي ﻹنسدادها من الأوساخ فتوقف الطرمبة فتجيب مكنة لو ملحقتهاش وده.بسبب إن المواطن المصري.عمىه محط فلاش بصورة دورية مثلا كل 20 ألف كيلو متر فييجي عربيته عامله 200 ألف فعاوز ينظفها أول مرة في حياته فده.يسبب صدمة للمحرك ويحرك أوساخ السنين
أما الطريقة السوبر صحيحة اللي بستخدمها في كل عربياتي أول مشتريها ومعرفش عنها حاجة
قتعمل التالي
تجيب فلاش عدد 2
6 لتر.زيت محرك أي كلام نوع فاشل تعاون أو أي حاجة رخيصة
فلتر أي كلام ثم فلتر محترم
حتروح.لبتاع الزيت وتقول له إعمل اللي حقلك عليه ومش أسمع منك أي تعليق ولا تقول.أي نصيحة ولا تقول لي صح ولا غلط.خد حسابك من سكات
حتقول له يعمل التالي
حيفتح الطبة وينزل الزيت القديم ويرمي الفلتر القديم ويركب الفلتر أي كلام وتحط 3 لتر زيت أي كلام مع واحد فلاش وتدور المكنة طبعا فيه فلاش مكتوب عليه 5 دقائق وفلاش مكتوب عليه 10 وفلاش مكتوب 3 دقائق بغض النظر إنت تسيبها دايرة 4 دقائق والدقيقة الخامسة تدوس بنزين وتخلي اﻵر بي إم على 2 أقصاه 2ونص وتبطل وبسرعة شديدة يفك الطبة وتسيبها تصفي الزيت ربع ساعة وخليه يقصلك جركن نظيف ينزل فيه زيت مكنتك عسان تنصدم من القذارة اللي حتنزل منها ثم بعد الربع ساعة يقفل الطبة وترجع تحط فلاش و3 لتر التانيين أي كلام على نفس الفلتر أبو أي كلام وهو ب 15 جنيه بكبيره 20 وكذلك الفلاش ب 10 أو ب 15 من التوفيقية ثم تدور الأربع دقايق والدقيقة الخامسة تدوس بنزين على أر بي إم 2 وبسرعة تبطل ضروري يحل الطبة بسرعة يعني مس يسيلك ويشتغل في عربيات ثانية لازم بكون واقف مستني يفك الطبة عشان كده مش ينفع تروح للبنزينة لازم تروح لمحل تغيير زيوت عشان تقبضو براحتو وبراحتك وحتشوف الزيت النازل أقل إتساخا من الأولاني وبكده مكنتك رجعت كيوم ولدتها أمها من.ناحية نظافة.مجاريها ومواسيرها وبعد متسيب الطبة ربع ساعة حتقفل الطبة ويحطلها خيط جديد ثم تحط الفلتر الممتاز وتحط زيت غالي قول فالفولاين تخليقي أبة 15 ألف مع إضافة سليك أمريكي وإضافة إي زي آي وإضافة مانع تسريب زيوت.جنك أو آبرو وتعبش حياتك وممكن.تزود إضافة رابعو ترميمية جنب السليك وبكده 20 ألف كيلو حتلاقي المكنة مستواها بيرتفع بس الفلتر 10 وتغيره أفضل ودمتم.للنضال
طريقتي صادمة ومتطرفة لكننا عشاق السيارات لو وصلت نشرب عربياتنا حليب وعسل بدل البنزين مش حنقصر
صديقنا المناضل..اقتباس:
المشاركة الأصلية كتبت بواسطة saddam
المشكله ان تاثير الفلوش اويل ضعيف جدا داخل الموتور وكل اللي بتشوفه بعد استخدامه مش كلها رواسب انما هي مجرد لون اسود من الكربون الناتج عن الحرق .طيب انا اتفرجت علي حاجه اعمق من الفوش اويل . تنظيف الموتور من الداخل بالكيماوي بمكنه بتحقن وتشفط وبرده اشتغالات. رايي الشخصي المتواضع مفيش احسن من يد الصنايعي لما يفك ده لو اضطر لذلك.
-الصدمه الكبيره بقي ان الفلوش اويل لو استخدمته مع موتور شقيان او ماشي كتير بمجرد ماتخلص شغلك هتلاقي الموتور بيدخن ابيض , لان جزء من الكربون في غرفه الحريق بيتراكم علي الشنابر ويعمل طبقه بيعادل بيها الجزء المتاكل من جدار البستم نتيجه الاحتكاك , الفلوش اويل نظفه وشاله !! فمفيش داعي للمخاطره .
فعلا ، زي الاستاذ فادي ما قال
الفلاش لا ينفع إلا للسيارات الجديدة
أما السيارات الشقيانة فالضرر أكبر من الفائدة
+111111111111111111111111اقتباس:
المشاركة الأصلية كتبت بواسطة فادى محمد
فك الطبة ومع كل غيار فلتر زيت