مرور المعادي من مصر اسكندرية الزراعي ؟؟

**lovely_mhmd** · 06-10-2013 12:55 PM

سلام عليكم

كل سنة وانتم طيبين أولاً

معلش كنت حابب أروح مرور المعادي من مصر اسكندرية الزراعي .. عشان اطابق رخصة العربية وكدا لان هي مرور المعادي

فيا ريت لو حد يوصف لي طريق مختصر .. ويا ريت اللي يعرف معلومة عن مرور المعادي من جوا يقولها

وهل لو حابب اطلع شهادة مخالفات .. هاخدها من هناك في نفس اليوم ولا ايه الدنيا هناك

**wardet** · 09-10-2013 07:32 PM

امشي لغاية الدائري
اطلع اتجاه المطار
انزل نزلة كارفور المعادي
هتلاقيك نزلت نفق عدية واسال هناك

**Mohamed_Hamid** · 10-10-2013 04:44 PM

بسم الله
زى ما الأخ الكريم قاللك دة لكن تطلع طلعة اتجاه الجيزة و6 اكتوبر اللى يمين مش طلعة المطار. طلعة المطار تنفع بس هتمشى ضعف المسافة لكن طلعة الجيزة هتكمل وتعدى المريوطية وتكمل هتلاقى لافتات بتقولك المتجه للمعادى. وبعد شوية هتلاقى لافتات المتجه للمعادى الزم اليمين. خليك فيها لغاية لما توصل لنزلة المعادى. هتكون قربت من النزلة دى لما تعدى النيل مرتين. اول مرة بعد لما تاخد طلعة الجيزة من عند الدائرى فى الأول من عند الزراعى والمرة التانية هترجع تعدى على النيل تانى. بعدها بحاجة بسيطة هتلاقى خلاص يبقى انت كدة قربت على نزلة المعادى بس مش نزلة المعادى اللى تنزلك على النيل لا كمل لغاية لغاية نزلة المعادى دائرى. مرور المعادى فى آخر النزلة.
موفق ان شاء الله.