حل مشكلة اصفرار الفوانيس في 3 دقايق

الموضوع اول ماعرفته جربته على عربيتي وجاب نتيجه روووووووعه .. في النوبيرا عندي الفوانيس ضبشت خالص وبقت اصفر من البيضه :d .. اتخنقت وفكرت اجيب فوانيس جديده ولكن مع البحث اكتشفت حل مثالي معجون السنان !! وبعد ماشوفت فيديو عاليوتيوب جايب فوانيس مضبشه خالص وعملها في 3 دقايق بقيت حاسس اني بشوف ساحر ! وفي ثواني خدت فوطه وجلانس ومعجون سنان ونزلت للعربيه ..اول حاجه تنضف الفانوس من اي تراب وبعدين تحط معجون سنان بس متأفورش :d وتدعك بالفوطه حركه دائريه وتضغط شويه لمده دقيقتين او تلاته بالكتير وبعدين ترش بجلانس او حتى ميه بس وتنضف بفوطه ناشفه معلهاش معجون هيطلع الفانوس من تحت الفوطه زيرووووووووووووو ولسه مجربها حالااااااااا ومبسوط اوي بالنتيجه دي وقولت افيد الناس وربنا معانا جميعا :)

وربنا انتا برنس علشان كنت فاكر انى لازم افك الفانوس كله علشان اضاءة الزينون و كداا بس هجرب و اقولك :)

ربنا يخليك يامعلم :) .. ان شاء الله يديك نتيجه زي اللي في دماغك واحسن :) .. وياريت اما تجرب تقول عملت ايه !؟

الكلام دا من برا ولا من جوا ؟؟؟ و ينفع للفوانيس اللي وشها ازاز ؟

اقتباس:

---

المشاركة الأصلية كتبت بواسطة eng.salama93

الكلام دا من برا ولا من جوا ؟؟؟ و ينفع للفوانيس اللي وشها ازاز ؟

---

أكيد من برا ... والفوانيس الإزاز مش بتصفر أوى بس جرب مش هتخسر حاجه وقولنا تجربتك :Ta_clap[1]:

اقتباس:

---

المشاركة الأصلية كتبت بواسطة أسامه طياره

الموضوع اول ماعرفته جربته على عربيتي وجاب نتيجه روووووووعه .. في النوبيرا عندي الفوانيس ضبشت خالص وبقت اصفر من البيضه :d .. اتخنقت وفكرت اجيب فوانيس جديده ولكن مع البحث اكتشفت حل مثالي معجون السنان !! وبعد ماشوفت فيديو عاليوتيوب جايب فوانيس مضبشه خالص وعملها في 3 دقايق بقيت حاسس اني بشوف ساحر ! وفي ثواني خدت فوطه وجلانس ومعجون سنان ونزلت للعربيه ..اول حاجه تنضف الفانوس من اي تراب وبعدين تحط معجون سنان بس متأفورش :d وتدعك بالفوطه حركه دائريه وتضغط شويه لمده دقيقتين او تلاته بالكتير وبعدين ترش بجلانس او حتى ميه بس وتنضف بفوطه ناشفه معلهاش معجون هيطلع الفانوس من تحت الفوطه زيرووووووووووووو ولسه مجربها حالااااااااا ومبسوط اوي بالنتيجه دي وقولت افيد الناس وربنا معانا جميعا :)

---

جزاك الله خير على الفكره ... ياريت تدعم تجربتك بالصور :213-1107231241[1]:
والتورته دى هديه عشانك بالهنا والشفى

انا جرت الحوار ده قبل كده و نتايجه كانت كويسه جدا بس لازم يكون حاله الفوانيس كويسه او متوسطه عشان لو تعبانه هتضبط يومين و تبوظ تانى بس انا استخدمت منظف مش فاكر كان اسمه ايه بدل معجون الاسنان

هجرب :)

اقتباس:

---

المشاركة الأصلية كتبت بواسطة halika76

أكيد من برا ... والفوانيس الإزاز مش بتصفر أوى بس جرب مش هتخسر حاجه وقولنا تجربتك :Ta_clap[1]:

---

إن شاء الله هجرب :3mla:

الف شكر على المعلومه القيمه يا باشا

تنتج السيارات الحديثه بكشافات من ماده البولى كاربونيت و هى مطليه بمادة شفافه تقاوم الأشعه فوق البنفسجيه و التى مصدرها الشمس .

بطول الوقت و التعرض للعوامل الجويه يتحول لون هذه الماده من اللون الشفاف الى الأصفر .

عملية الصنفره بالكمبوند أو المواد الكيماويه تزيل هذه الماده تماما و بالتالى يكون كشاف السياره براق , و لكنه بعد مده قصيره حوالى الشهرين سوف يعود له الأصفرار من جديد لعدم وجود المادة الواقيه , كما أن تكرار هذه العمليه على فترات متقاربه يؤدى الى اضعاف وجه الفانوس ,

الحل لابد من عملية التنظيف و إعادة دهان المادة الواقيه و للأسف هذه المادة لا تباع عندنا فى مصر فى المحلات التجاريه .

و لكننى اشتريتها من على النت كمنتج متكامل لتنظيف الكشافات و هو يحافظ على الكشاف بشكل جميل مع وقايته من العوامل الجويه .

اسم المنتج Headlight Restoration Kit وهو من انتاج شركة Sylvania و كما قلت يمكن شراؤه من على النت بتكلفة حوالى 250- 300 جنيه و هناك منتجات بسعر أرخص لكننى لم أجربها

وهذا هو فيلم لطريقة الأستخدام

http://www.youtube.com/watch?feature...&v=QvdiiXfvkD8

[youtube]http://www.youtube.com/watch?feature=player_embedded&v=QvdiiXfvkD8[/youtube]

حبيب قلبي مبروك عليك لمعة الفوانيس ... أنا عملت الموضوع ده كتيييييييير أوي في نوبيرا و لانوس و فرنا و صني و تيوتا كرولا و أتوس و النتيجة كل مره كانت بتقبى رائعه جرب كمان بعد ما تخلص سنة بولش في فوطه ناشفه و تدعك الفانوس بشكل دائري طبعاً بعد معجون السنان و الكلام ده كلو و تسيب البوليش لمده 10 دقايق و بعدين تمسحه بفوطة مبلولة و اتفرج على اللمعات يا معلم و الصفار مش هيرجع تاني غير بعد مده طويلة جداً يعني مش اقل من سنتين ...

ما ينطبق على الكمبوند ينطبق على معجون الأسنان أو الماده المنظفه

أى مركب يزيل الطبقة الحاميه للفانوس ينطبق عليه نفس الموضوع

بدون اعادة هذه الطبقه لن يكون هناك حل جذرى

انا جربتها و ما عملتش حاجة

صديقي المواطن
أنا مكتشف الحل ده من 10 سنين تقريبا وكنت بره وعارف إيه كمان.بينفع في تلميع وتجديد الفوانيس من بره حتستغرب أيوه شفت.الإسبراي الفوم اللي بيفحم لون اﻹطارات أيوه هو ده ترشه عالفانوس وتسيبه ينشف وهكذا مرتين ثلاثة حتشوف الحياة إتغيرت في متظر فانوسك
ودمتم.للنضال

ربنا يخليكو جميعا :) .. وبجد نفسي افيد الناس عالمنتدى اكتر وكل مااعرف جديد هضيفه ان شاء الله لأني استفدت كتييييييييييير من المنتدى :) .... وبالنسبه ل "تامر محمد" حاول تجرب تاني وادعكه لمده طويله شويه وبحركه دائريه ولمعه من اي تراب قبل ماتحط المعجون .. وشكرا ليكوا كلكو مره تانيه .. وربنا يوفق الجميع :)

جارى التجربه

بس حضرتك اعتقد ان الفانوس بيبقى اصفر من جوه انا عندى فانوس فيه المشكله دى بس هجرب برضه يا ريت توضح

افكار قيمه
بس انا حاطط استيكر شفاف فوق الفانوس
تنفع معاها الافكار دي ولا لا
وللجميع الشكر

اقتباس:

---

المشاركة الأصلية كتبت بواسطة أسامه طياره

الموضوع اول ماعرفته جربته على عربيتي وجاب نتيجه روووووووعه .. في النوبيرا عندي الفوانيس ضبشت خالص وبقت اصفر من البيضه :d .. اتخنقت وفكرت اجيب فوانيس جديده ولكن مع البحث اكتشفت حل مثالي معجون السنان !! وبعد ماشوفت فيديو عاليوتيوب جايب فوانيس مضبشه خالص وعملها في 3 دقايق بقيت حاسس اني بشوف ساحر ! وفي ثواني خدت فوطه وجلانس ومعجون سنان ونزلت للعربيه ..اول حاجه تنضف الفانوس من اي تراب وبعدين تحط معجون سنان بس متأفورش :d وتدعك بالفوطه حركه دائريه وتضغط شويه لمده دقيقتين او تلاته بالكتير وبعدين ترش بجلانس او حتى ميه بس وتنضف بفوطه ناشفه معلهاش معجون هيطلع الفانوس من تحت الفوطه زيرووووووووووووو ولسه مجربها حالااااااااا ومبسوط اوي بالنتيجه دي وقولت افيد الناس وربنا معانا جميعا :)

---

شكرااااااااااا ياباشا على المعلومه الجامدة

أعتقد ده للفوانيس اللي وشها بلاستيك بس

بارك الله فيك ... شكرا على المعلومه ...

معلومة جميلة شكرا على المجهود والإفادة

انا جربت الموضوع بتاع معجون السنان مجبش نتيجة جيدة عللا الرغم جربت اكثر من مرة

هو ممكن استخدم الموضوع ده من الازاز :) ؟؟

شكرا وجارى التجربه بالمعجون السنان او بالاسبراى بتاع تلميع الكاوتش وبعدين شويه بولش ... وهنشوف .

تسلم ايدك يافنان

جربتها وللاسف محصلش حاجه

انا جربت الموضوع ده وطلع فعلا ممتاز

الناس اللي جربت جربت بانهي نوع معجون يمكن فعلا اختلاف النتيجه حسب المعاجين

وهل لو جربت ولمعت وبعد ما خلصت لزقت الفانوس باستكرشفاف هل هيحافظ عليه اطول وقت ولا لو حافظت اني اركن بعيد عن الشمس واغطي العربية هيحافظ اكتر

الموضوع مشتغلش معايا
جربت بمعجون من بتاع مدخني السجائر جبته مخصوص علشان تكون نسبه الماده الكاشطه فيه كبيرة
وباغه الفانوس زي ما هيا صفراء

طب المشكله فين
في ناس نفعت معاها التجربه
وناس فشلت