عرض للطباعة
السلام عليكم ورحمة الله وبركاته
عاوز اعمل ارضية لشنطه عربيتي النيو اكسنت لان خامه الفرش بتاع الشنطه خفيفه شوية وكمان في فراغ من ما بعد الاستبن لحد ظهر الشنطه وده لو حطيت حاجه تقيلة شوية فوقه الفرش بينزل لتحت وبيقوس
وكمان للعيب المشهور وانه لو احتجت اطلع الاستبن لازم افضي كل الشنطه بره علشان اطلع الاستبن
ففكرت اعمل ارضيه واكسيها اسفنج وفوقه جلد واعمل فيها فتحه بمفصلات مثلا ع قد الاستبن فوق مكان الاستبن
فايه الخامه اللي استخدمها
خشب ابلاكاش
خشب كونتر
سلوتيكس
المونيوم
صاج
اكليريك
السلام عليكم
الابلاكاش ضعيف قوي و الكاونتر تقيل قوي و الاكريليك مايستحملش الا اذا كان سميك قوي والصاج مكلف علشان تعمل حاجه نضيفه وتقيل وصعب مفيش غير السوليتكس هو الي ينفع بس لازم يكون نوع محترم
اه نسيت الالومنيوم صعب جدا جدا
هو السلوتيكس له انواع كمان؟
السلوتيكس بيتباع فين عند بتوع الاخشاب ولا اسئل سروجي
الفكره اللي ف دماغي هتكون ارضيه بطول متر ونص ف عرض متر تقريبا تستقر ع ارضية العربية و افتح فيها فتحه فوق الاستبن بحيث بدل ما اشيل الارضيه كلها افتح الفتحه
اعتقد ان الحل اللي حضرتك بتفكر فيه ده مش هيبقي عملي لانك مش هتلاقي ماده تستحمل أوزان و في نفس الوقت رفيعه ووزنها خفيف فهتلاقي نفسك لتضحي بحاجه في مقابل حاجه تانيه فلو عايز نصيحتي خليك في حل من الاتنين دول : يا اما تجيب دواسه شنطه و دي عند بتوع الاكسسوارات و تكون سميكه بس طبعا تقيسها علي الشنطه قبل ما تشتريها و السُمك بتاعها هيخللي الحاجه ما تقوسش قوي زي الاول و في نفس الوقت تحمي الفرش بتاع الشنطه و بتتنظف زي الدواسات التانيه ووزنها متوسط بسال فكره انك تلاقي منها علي مقاس الشنطه عندك او حل تاني ارخص و عملي لو عايز حاجه خفيفه تغطي الفرش فوق الاستبن في حاجه خاماتها ما بين الجلد والمشمع عليه نقشه علشان ما يخليش الحاجات اللي. فوقه تتزحلق ممكن تفرشه في بطن الشنطه و الميزه فيه انه شكله كويس و هيحمي فرش الشنطه الاصلي و كمان خفيف الوزن فمش هيصغر لك مساحه الشنطه و سهل التنظيف فممكن يتمسح بفوطه مبلوله او يتغسل و ده بيتباع بالمتر و بيقصوهلك علي قد المساحه بس لازم طبعا تبقي مساحه مستويه انا كنت جايبه من سبيركار و كنت في الاول بافكر في دواسه للشنطه بس لقيت ده عملي اكتر بالذات لسهوله فكها لو عاوز اطلع الاستبن مثلا و كمان تنظيفها و ميزه تانيه ان الراجل هيقصهالك بالضبط علي قد المساحه اللي عايز تغطيها يعني مش لازم تكون المساحه standard زي فكره الدواسه
الصورة دي لنفس موديل عربيتي
http://www.hyundaiaccessorystore.com..._organizer.jpg
الصندوق الفوم ده مش موجود عندي ف العربية وعرفت انه مش بينزل مصر ف العربية وبالتالي المساحه دي فاضيه وبالعرض ده بتخلي الفرش بينزل لتحت لو مثلا حطيت حاجه زي غطا العربيه او شنطه العده او الكوريك
فكنت عاوز اعمل الارضية علشان ده كسبب اول
وكسبب تاني اني علشان اطلع الاستبن لازم افضي كل الشنطه واشيل الدواسة واطلع الاستبن