-
طرمبة البنزين - الفيرنا
السلام عليكم - ده اول بوست ليا فى المنتدى :)
انا جديد فى عالم العربيات - 10 شهور و ده اول مشكلة كبيرة تقابلنى
انا عربينى فيرنا 1500 2007 180000كم
و انا من اسكندرية - سيدى بشر
النهاردة كنت عند الميكانيكى بعد مشكلة سخونية فى العربية , غيرنا جوان وش سلندر و شنابر و و و قفلنا
المهم ظهرت مشكلة تانية - تسريب بنزين من عند الماسورة اللى داخلة عند الموتور - سالت الميكانيكى قاللى هى الخراطيم بتتغير كلها على بعضها - بس قالى مش مستاهلة - ححطلك لحام مادتين و مجربها و شغالة -
فهل حد عنده تجربة فى الموضوع ده
و الف شكر مقدما
-
انا شايف ده مالوش علاقة بطرمبة البنزين
-
مدام التسريب من الماسوره يبقا كارت ديفكون و تلحمها هتبقا زي الفل و مش هتسرب تاني
-
و عليكم السلام و رحمة الله و بركاته
بلاش لحامات في مواسير البنزين و خراطيم الميه علشان العربيه متعملش موقف بايخ
غير الشجره و هاتها من التوكيل هاتبقي أقل من 250 جنيه
-
الف شكر يا جماعة على الردود:
اولا باعتذر عن العنوان الخطأ - مبتدىء فى العربيات :)
هو بس عشان محتاج العربية و واقفة عند الميكانيكى بقالها كام يوم - فحجرب اللحام ده بس مش حامشى عليه كتير - المهم محدش يعرف فين التوكيل ده فى اسكندرية - هو الميكايكى قاللى انك حتيجيب الخرطوم كله بالرايح و الراحع من التوكيل (مش الشجرة و مش فاهم ايه الفرق)
عالعموم السؤالين هم:
1)اللحام ده يمشى اد ايه
2)اركب الخرطوم ده فى التوكيل و لا عند الميكانيكى (اعتقد مصنعية التوكيل حراقة حبتين :)
و الف شكر مرة تانية
-
معلش يا جماعة و سؤال ثالث:
3)محدش يعرف لو بتتباع برة التوكيل فين - انا من اسكندرية
-
لا مش عارف فى الاسكندرية بس انت تغير احسن عشان لو اللحام دخل هوا هيأثر على ضغط الهوا فى الخراطيم و يتعب الطرمبة جامد
-
الشجره هي خراطيم الباكم و البنزين في التوكيل بيبعها مع بعض و حضرتك بتغير البنزين و تحتفظ بالباكم و الأفضل التوكيل كده كده سعرها رخيص و تركبها بره
-
الف شكر يا جماعة عالردود - ان شاء الله حاغيرها و اوافيكم بالتفاصيل :Ta_clap[1]:
-
اسال عند اطلس فى صلاح الدين بعد ما تعدى الأشارة هتلاقى مول على ايدك الشمال يبقى اول زقاق شمال بعديه و ممكن عبد الرازق برضه فى صلاح الدين برضه على ايدك الشمال قبل الصعيدى بتاع اوبل
التوكيل فى سموحه جنب توكيل رينو و انت رايح من عزبه سعد على مطار النزهه بعد الكبرى الصغير اللى قاطع الترعه هتاخد يمين هتلاقيه بعد 20 او 30 متر على شمالك و هتلاقى عليه يافطه صغيره كده
Content Relevant URLs by
vBSEO 3.6.0 PL2