الباقي صالون و شوية مسامير

**macman** · 10-09-2008 09:14 PM

السلام عليكم يا جماعة انا عندي واحد صاحب بابا معاه عربيه شاهين راح يودي ابنه النادي خلص طلع ملقاش العربية(وده حصل من شهر) و بعدين راح عمل محضر قالولو مين اصلا الي ها يسرق عربية زي دي و انا توقعت ان الي هاياخذها اكيد عصابة عايذة عربية قوية تستحمل البهدلة في الصحراء و السفر و كده يعني وفعلا طلع صح توقعي لان لاقها البوليس في بلبيس و كلموه و فعلا راح و خد معاة مكانيكي و راح بلبيس (امبارح) و لقا عربيااات كتيرو تعرف عليها بصعوبة لان لونها الاساسي اخضر و هو لقاها لونها ابيض ده غير انها كانت متبهدلة و لقا عربية مازدا جديدة بس ماتلماسيتش الحمد لله و ايضا كان في عربيات كتيير متقطعا حتت (و ده لان العصابات دايما بتاخدد بعض العربيات و تقطعها و تبيع الحاجات بتاعتها كقطع غيار) المهم لقا بعض العربيات الي باقي منها هو شوية مسامير و الصالون طبعا حمد ربنا:smile:
وطبعا المكانيكي قالة عايذة 5 الالاف جنيه و لو بعتها كدة تسوي 25 الف و حسبي الله و نعم الوكيل

**Casio2000** · 10-09-2008 09:42 PM

المشاركة الأصلية كتبت بواسطة macman

و بعدين راح عمل محضر قالولو مين اصلا الي ها يسرق عربية زي دي

البوليس بتعنا ذكي ماشاء الله - اذكى اخواته من الاخر

معاهم حق

مين حايسرق الشاهين بتعتاك دي كمان يا مواطن ؟

اكيد المواطن ده كان زهقان و ماوراهوش حاجة و حب يعدي على القسم يسلم و بالمرة ينفعهم ببلاغ - اي حاجة يعني - مايدخلش بأبده فاضيه

اكيد ماتسرقتش ولا حاجة

روح انت بس دور عليها كويس هنا ولا هنا

**magdy_momo** · 10-09-2008 10:52 PM

الحمد لله انه لقاها بس رايي انه يصلحها احسن

**noon_eg** · 11-09-2008 01:17 AM

اولا كل سنه وانتم طيبين و رمضان كريم

ربنا ما يوريكم الاحساس ده انك تطلع ما تلاقيش العربيه حتى لو كانت سيات 133 مش شاهين
اللى ممكن نطلع منه من القصه دى حاجتين

اولا لازم كل واحد عنده عربيه سواء كانت غاليه او متواضعه يركب انذار ودايره تفصل الكهرباء عن العربيه علشان يبقى اخذ بالاسباب وعمل اللى عليه

ثانيا لا يتهاون فى التبليغ عن السرقه فى يومها علشان الشرطه تبدا تدور عليها

ثالثا لا يفقد الامل فى العثور عليها ويتابع بجديه الشرطه

وربنا يكفينا ويكفيكم شر الناس اللى ماعندها اخلاق

**noon_eg** · 11-09-2008 01:18 AM

على فكره انا صاحب الراجل اللى اتسرقت منه العربيه

**M.Mokhtar** · 11-09-2008 01:38 PM