انهرده الصبح جيت ادور العربيه دارت وبعد مادارت لاقيت العربيه بتتهز جامد زي مايكون الموتور بتهز وبعد كده طلعتي الرساله دي
engin fault : Repair need
ده معناه ايه؟؟؟
عرض للطباعة
انهرده الصبح جيت ادور العربيه دارت وبعد مادارت لاقيت العربيه بتتهز جامد زي مايكون الموتور بتهز وبعد كده طلعتي الرساله دي
engin fault : Repair need
ده معناه ايه؟؟؟
معناه انك تطلع علي التوكيل وش
وان شاء الله بسيطة
انت غيرت نوع البنزين اخر مره فولت فيها ؟؟
واخر مره روحت صيانة التوكيل كانت امته ؟؟
الرساله معناها ان في حاجه غلط في الماكينه وعايزه صيانه؟
شيل كابل البطارية وركبه تاني هتروح الرسالة دي .. انا من ملاك اختها الاليزيه
اوعي تشيل الكابل العطل اللي اتسجل هيتمسح و التوكيل مش هيعرف يعمل اي حاجة
متابع وان شاء الله خير
الهزة دي معناها أن فيه مشكلة في الأشتعال وخصوصاً البوجيهات لأن حصلت معايا قبل كدا ومظنش أنها بنزين,,
والكابل لو شيلته وحطيته مش هيحل المشكلة,, ولا هيمسح العطل زي ما قال زميل هنا,,
أي عطل بيطلع لك علي شاشة المعلومات بيتسجل علي ال ECU
ومش بيتمسح بخلع كابل البطارية,, ممكن ميظرهلكش علي الشاشة لو كان عطل مؤقت وبيجي ويروح يعني مش عطل دايم بيحصل مع كل دوارة,
بس في الحالتين العطل بيفضل متسجل ومش بيتمسح غير بالكمبيوتر عندهم,,
ولما تروح الصيانة الجاية قولهم علي العيب اللي طلع لك وساعتها هما بيكشو بالكمبيوتر وبيشوفو رقم العطل وبيعرفو كان فيه أيه بالظبط,
وفي الغالب كان عندك misfire في سلندر من السلندرات بسبب بوجيه مرطب أو كابل وعشان كدا العربية كانت متلتة,
وساعتها لو كان دا العيب هيغيرو لك البوجيهات في الضمان..
وأنت هتلاقي أنك لو سيبت العربية دايرة شوية لوحدها أو دوست لها مرتين تلاتة هتظبط لوحدها,,
وهتدور بعد كدا عادي من غير مشاكل لحد ما تروح لهم في صيانتك الجاية.
دي حقيقه فعلا اي عربيه بتشتغل بنظام الكمبيوتر مع فصل كبل البطاريه بتتمسح الاعطال لان كان عندي مشكله في عربيه ولما شلت الكبل العطل الي كان موجود اختفي من الشاشه بس رجع تاني مع الاستخدام
بس اعتقد دا لو شلت الكبل لفتره طويله ولي اول ما بتشيله اصل انا سبتها يومين من غير بطاريه
أعتقد برده أنه Misfiring عند بوجيه من البوجيهات زى ما الفاضل Leito SR تفضل و أشار و ممكن فى إعتقادى يكون من الCoil اللى فوق البوجيه.......
عليك وع التوكيل وش
صديقي المواطن
لا تقلق وبتحصل في عربيات كتير وأهم أسبابها إنك الصبح لما تيجي بتدور مبتسيبش الكونتاكت مفتوح لمدة 3 ثواني أو 4 ثواني حتى طرمبة البنزين تدفع البنزين وتظغطه بإتجاه المحرك وموضوعك بسيط ولا تقلق ولو سبتها دايرة شوية اللمبة حتختفي
ودمتم.للنضال
العربية عاملة كام كيلو ؟
عادى جدا متقلقش غالبا بيكون بنرين مش نضيف او بوجيه كفائته مش قد كده
الرساله دى فى 307 بتكون depollution system fault نتيجة عدم احتراق كامل , و حساس العادم لما بيحس بالاحتراق الغير كامل بيدى الراسلة دى. مصحوبة برجرجة فى الماتور كان العربية فاصلة بوجيه ( الرجرجة نتيجة الاحتراق الغير كامل مش الرسالة او الحساس)
انا عندى مبقيتش احط البوجيه الاصلى بسبب الموضوع ده, بركب bosch yttrium عملت بيهم 25-30K من غير ولا مرة misfiring. على عكس البوش العادى.
http://www.bosch.co.nz/car_parts/en/..._Sheet.qxd.pdf
تبقى اسال فى التوكيل ان كان ينفع يركبوا عندك. او لو انت ركبتهم حيغلسوا فى الضمان و لا ايه
ده عيب بوجيهات او الحساس المسول عن الهواء لحقه تراب فمش بيشغل الشفاط اوتوماتيك والعربيه بارده
وهاتلاحظ ان الار بى ام كان واطى والعربيه بارده
الحمد الله طلع مافيش حاجه
كان مجرد مشكله في السوفت وير هيه الي عملت القصه دي بصراحه من ساعه ماتصلت بالتوكيل الصبح الساعه 9 وبعد كده حجزولي في نفس اليوم وروحت توكيل غمره الناس هناك خادوا مني العربيه وفي خلال ساعتين حلولي المشكله ولاحظت بعد كده ان العربيه رجعت احسن بي كيتر
المهندس احمد سلامه علي حسب كلامه ان غير السوفت وير وغير الفريون بتاع التكييف مش اكتر
بس اكتر حاجه اسعدتني معامله التوكيل معاي حسسوني فعلا اني فلوسي في العربيه مراحتش كده وتاني يوم لاقيت توكيل غمره بيكلومني يطمنوا علي العربيه
شكرا بيجو
الحمد لله كانت بسيطه وهايطلع حساس الهواء هو اللى كان عامل كده
وفعلا التوكيل اتحسن كتير عن الاول
هو فعلا كان ضغط الفريون مش مضبوط..ومن نفسهم من غير ماشتكي غير الفريون وبلغني في الاخر