مش عارف اخد قرار ...ماتفكروا معايا......

السلام عليكم ورحمه الله وبركاته
زيكوا يا جماعه عاملين ايه
انا محتار فى امر كده وبصراحه مافيش حد عارف يقيدنى فيه وانا كمان مش عارف استقر على قرار
دلوقتى انا لسه مش متجوز وعايش فى الحدائق
والدى كان شارى ليا شقه من زماااااااااان فى الشروق
ودلوقتى انا لسه شغال جديد فى شركه فى القريه الذكيه
لسه فى فتره التدريب اول 3 شهور بعدها هيبقى العقد سنوى (انا مش عارف اصلا كل القطاع الخاص العقد سنوى ولا فيه اكتر )
طبعا انا كل يوم اروح المشوار دا كله فى 3 ساعات او يوم ما اروح بدرى اروح فى 2.5 ساعه
وطبعا علشان اقعد فى الشروق مرمطه وكمان مافيش عربيه للشغل للشروق فطبعا هضطر انى اتحمل مصاريف العربيه اللى اصلا لسه ماجبتهاش علما بان م عربيه الشغل 100ج فقط
ياعنى لو هقعد فى الشروق هضطر انى انزل بعربيتى لاقرب نقطه من عربيه الشغل يبقى هتحمل مصاريف العربيتين غير الوقت والمجهود
دلوقتى انا مش عارف ادور على شقه فى اكتوبر او الشيخ زايد تبقى قريبه من الشغل طبعا انا مش ضامن انى افضل طول عمرى فى الشركه دى ولو لاقدر الله وسيبتها الشيخ زايد بالنسبه لاى مكان تانى فى وسط البلد سفر علشان الزحمه
ولا افضل فى الشروق واستحمل القرف بتاع كل يوم
مع العلم انى علشان ابيع فى الشروق واخد فى الشيخ زايد هزود على تمن الشقه مالا يقل عن 35000 دا غير التشطيب ياعنى بند العربيه هيتلغى من الاخر
انما لو قعدت فى الشروق هظبط الشقه وكمان هقدر اجيب العربيه اللى طبعا اى شاب بيحلم بيها


انا بقى مش عارف اخد قرار خاااالص فى الموضوع دا فكروا معايا يا جماعه
طبعا مع الوضع فى الاعتبار ان الموضوع دا مش هيتم الا بعد لما اعدى من فتره الاختبار الاول بس باردوا انا بحب بحسب للحاجه كويس قبل ما خد اى خطوه علشان ابقى ملم بالموضوع وابقى عارف انا بعمل ايه

اسف جدا على الاطاله
وشكرا

صديقي المواطن
الخلاصة تنتظر التثبيت في العمل
أما الحقيقة الصادمة فأنصحك بترك الشروق واﻹنتقال ﻷكتوبر فالشروق بعيدة عن القاهرة بسنين ضوئية ولا تصلح فالشروق مستواها اﻹجتماعي إلى إنحدار والشيخ زايد وأجزاء من أكتوبر تزداد رقيا هذه دراستي للأحوال واﻷحياء المصرية وأرجوكم محدش يقول ده من الشروق لمدينة نصر أو مصر الجديدة ربع ساعة ﻷن دي أفلام ومبتحصلش بأرض الواقع وأساسا مراتك لو حبت تاخد تكسي من الشروق للقاهرة حتعاني معاناة شديدة اللهجة ونادر متلاقي تكسي يرضى يجيبها

النصيحة إنت تدعي لوالدك إنو جابلك شقة وإنت تحاول تستغني عن كل حاجة وتبيع الشقة دي وتاخد في الشيخ زايد أو أوائل أكتوبر حتى لو تركب 128 مؤقتا وحنى لو تشطب نص الشقة والباقي حين ميسرة المهم تنجي نفسك وأطفالك من المكان ده بأي ثمن لو مش عشانك فعشان خاطر ولادك فكر فيهم وإنت معيشهم في مكان مقطوع عن العالم وبينه وبين القاهرة أو وسط البلد أو الجيزة رحلة معاناة وسفر
تقبل مروري وإلحق نفسك وأرجوك متردش بردود أنا مرتاح والشروق دي أرقى أحياء مصر والقصص دي لو مش متقبل نصيحتي فإدعو الله لي ليهديني وأنا سأدعو الله لك لينير طريقك بما فيه الصالح لك
ودمتم للنضال

موضوع شغلك لو بيخلص 5 وعاوز تروح الشروق يبقى قدامك ل 8 على الاقل
فنصيحه خد فى اكتوبر

الشروق وحشة اوي كدة ؟ !
مكنتش اعرف

ما تاخد ايجار فى اكتوبر

اقتباس:

---

المشاركة الأصلية كتبت بواسطة a.saad

ما تاخد ايجار فى اكتوبر

---

والله ده رد الناس الي بتفهم

اقتباس:

---

المشاركة الأصلية كتبت بواسطة saddam

صديقي المواطن
الخلاصة تنتظر التثبيت في العمل
أما الحقيقة الصادمة فأنصحك بترك الشروق واﻹنتقال ﻷكتوبر فالشروق بعيدة عن القاهرة بسنين ضوئية ولا تصلح فالشروق مستواها اﻹجتماعي إلى إنحدار والشيخ زايد وأجزاء من أكتوبر تزداد رقيا هذه دراستي للأحوال واﻷحياء المصرية وأرجوكم محدش يقول ده من الشروق لمدينة نصر أو مصر الجديدة ربع ساعة ﻷن دي أفلام ومبتحصلش بأرض الواقع وأساسا مراتك لو حبت تاخد تكسي من الشروق للقاهرة حتعاني معاناة شديدة اللهجة ونادر متلاقي تكسي يرضى يجيبها

النصيحة إنت تدعي لوالدك إنو جابلك شقة وإنت تحاول تستغني عن كل حاجة وتبيع الشقة دي وتاخد في الشيخ زايد أو أوائل أكتوبر حتى لو تركب 128 مؤقتا وحنى لو تشطب نص الشقة والباقي حين ميسرة المهم تنجي نفسك وأطفالك من المكان ده بأي ثمن لو مش عشانك فعشان خاطر ولادك فكر فيهم وإنت معيشهم في مكان مقطوع عن العالم وبينه وبين القاهرة أو وسط البلد أو الجيزة رحلة معاناة وسفر
تقبل مروري وإلحق نفسك وأرجوك متردش بردود أنا مرتاح والشروق دي أرقى أحياء مصر والقصص دي لو مش متقبل نصيحتي فإدعو الله لي ليهديني وأنا سأدعو الله لك لينير طريقك بما فيه الصالح لك
ودمتم للنضال

---

اولا الشروق فعلا قريبه مش بعيده اوى ياعنى لو هاتقارن بينها وين اكتوبر انا من رائيى الشروق احسن لان طريقها سالك غير اكتوبر المحور زر الزفت
على فكره انا مش قاعد فى الشروق علشان ابقى متحيز ليها ولا حاجه الشقه مقفوله محدش قاعد فيها علشان ممكن تفتكر انى متحيز ليها علشان مكان سكنى ولا حاجه
وكمان المشكله فى مبدا البيع والشراء الفكره فى عدم ضمان الاستقرار فى الشغل ياعنى هبقى حجمت نفسى جامد اوى

اقتباس:

---

المشاركة الأصلية كتبت بواسطة amr011111

موضوع شغلك لو بيخلص 5 وعاوز تروح الشروق يبقى قدامك ل 8 على الاقل
فنصيحه خد فى اكتوبر

---

عامل الوقت والفلوس كمان شوف هتصرف كام فى المشوار دا كله كل يوم

اقتباس:

---

المشاركة الأصلية كتبت بواسطة elmkaneeki

الشروق وحشة اوي كدة ؟ !
مكنتش اعرف

---

لا طبعا اماكن وماكن فيها اماكن جامده جداااا وفيها المتوسط وفيها التعبان جداا زيها زى اى مدينه تانيه بس يمكن الاسعار فى الشروق مش بتزيد بصوره ملحوظه زى باقى المدن الجديده

اقتباس:

---

المشاركة الأصلية كتبت بواسطة a.saad

ما تاخد ايجار فى اكتوبر

---

انا فعلا فكرت فى كده
بس انا لسه هتجوز كمان سنتين تقريبا وطبعا هتبقى شقه عريس ياعنى مصاريف لا باس بها حرام ادفعها فى شقه ايجار مش بتاعتى فى الاخر وكمان لو هاخد ايجار هاخده بكام وكل سنه ولا 2 تبقى مهدد انك تسيب الشقه وتنقل العفش وحاجه اخر بهدله الصراحه
وكمان انا اصلا مابحبش اقعد فى مكان متبهدل او مش عاجبنى باردوا لما يبقى مكانك تصرف زى مانت عايز علشان توصل للمستوى اللى انت عايزه غير الايجار

نصيحة قوية جدا
اوعى تبيع شقتك التمليك الثابتة عشان عمل غير ثابت
اعرف ناس عملوها ولبسوا نفسهم فى الحيط
................
لما تكون متاكد مليون فى المية ان العمل اللى انت فية ثابت ومستمر ابقى بيع واشترى فى نفس المكان
غير كدة يبقى انت بتسحل نفسك

اقتباس:

---

المشاركة الأصلية كتبت بواسطة zarif

نصيحة قوية جدا
اوعى تبيع شقتك التمليك الثابتة عشان عمل غير ثابت
اعرف ناس عملوها ولبسوا نفسهم فى الحيط
................
لما تكون متاكد مليون فى المية ان العمل اللى انت فية ثابت ومستمر ابقى بيع واشترى فى نفس المكان
غير كدة يبقى انت بتسحل نفسك

---

فى الحاله الاولى انى ابيع فى الشروق واشترى فى زايد او اكتوبر انا بدلت اصل بثابت بغيره ثابت ياعنى مافيش خساره مازلت امتلك الاصل الثابت باختلاف المكان
نما فى حاله الايجار اكيد طبعا عمرى ما ابيع علشان ااجر انا ممكن ااجر شقتى وااجر شقه ليا مثلا وادفع من جيبى الفرق
وباردوا مافيش خساره فى الاصول
وطبعا انا مش هاخد اى خطوه غير لما اتاكد من مدى ثباتى فى الشركه ومع الحسابات الكويسه طبعا

ممكن تلاقى ايجار من 600 او 700
وما دمت عازب
روف فى مكان كويس وحى كويس ب 700

اقتباس:

---

المشاركة الأصلية كتبت بواسطة a.saad

ممكن تلاقى ايجار من 600 او 700
وما دمت عازب
روف فى مكان كويس وحى كويس ب 700

---

انا مش عايز حاجه وانا عازب
انا بتكلم على الجواز يا باشا
وكمان 700 ياعنى هدفع فرق ايجار شهريا 400ج كتير باردوا +م. التشطيب
ولا رائيك ايه

الشروق في مناطق المتر وصل في شهر ٥ ال فات ٢٧٠٠ و٢٨٠٠ من ١٢٠٠ و ١٣٠٠

اقتباس:

---

المشاركة الأصلية كتبت بواسطة midoabdeen

انا مش عايز حاجه وانا عازب
انا بتكلم على الجواز يا باشا
وكمان 700 ياعنى هدفع فرق ايجار شهريا 400ج كتير باردوا +م. التشطيب
ولا رائيك ايه

---

هتوفرهم بنزين وحرقة دم وصحة ووقت

يا جماعه انا كل اللى هيبقى حارق دمى فلوس التشطيب مش اكتر
ياعنى انى اشطب شقه واصرف عليها قد كده وهى فى الاخر مش بتاعتى
وكمان ممكن بعد ما العقد يخلص صاحب الشقه اكيد هيطمع ما الشقه متشطبه يا يعلى الايجار عليا يا يقولى مع السلامه علشان ياجرها بسعر احسن على قفايا
انا بتكلم فى الموضوع دا لانى عيشته قبل كده كنت ماجر شقه وعاملها مكتب وحصل معايا نفس الموقف

فى مبدأ هيريحك كتيير طول لما تقرب لشغلك هتوفر وقت و مجهود و سواقه و بنزين و مصارييف ملهاش عدد

انت مش ضامن ان الشغلانه مستقره

و هوا فى حد ضامن حاجه اليومين دول اصلا

انت فى ايدك شغلانه يبقى توكل على الله و اجتهد فيها لغايه لما تشوف الدنيا فيها ايه

ممكن تأجر فى زايد او اكتوبر شهرين تلاته قول سنه يا سيدى و تجرب المكان هترتاح فيه و لا لأ

لو ارتحت بيقى توكل على الله و بيع شقه الشروق و اشترى شقه تانيه فى زايد او اكتوبر

لو مارتحتش يبقى شقتك زى ماهيا و يا دار مدخلك شر

اعتبر فلوس ايجارك فى المده دى بدل المواصلات و تضييع الوقت و البهدله بس هتكون قرار مهم لحياتك

ربنا يوفقك للخير

اقتباس:

---

المشاركة الأصلية كتبت بواسطة midoabdeen

يا جماعه انا كل اللى هيبقى حارق دمى فلوس التشطيب مش اكتر
ياعنى انى اشطب شقه واصرف عليها قد كده وهى فى الاخر مش بتاعتى
وكمان ممكن بعد ما العقد يخلص صاحب الشقه اكيد هيطمع ما الشقه متشطبه يا يعلى الايجار عليا يا يقولى مع السلامه علشان ياجرها بسعر احسن على قفايا
انا بتكلم فى الموضوع دا لانى عيشته قبل كده كنت ماجر شقه وعاملها مكتب وحصل معايا نفس الموقف

---

تشطب ليه
الايجار الجديد بيبقي متشطب اصلا
اخرك وش بياض

صبراً جميلاً
ولا تتاخذ أي قرار لاغية ما تخطب
وتخير خطيبتك معاك
حسب ظروفها هي كمان
يعنى ياترى بتشتغل ولا لأ
وشغلها هيكون فين ؟
وأهلها فين ؟
يعنى لو أهلها في مدينة نصر ولا مصر الجديدة
يبقى أكيد الشروق أفضل لها وأقرب لأهلها من أكتوبر
ولا أهلها في الهرم ولا الدقي ولا المهندسين
يبقى أكيد أكتوبر أقرب لها بكتيير
وعلشان وصول زوجتك قبلك( لو بتشتغل ) أريح لك ، وأريح لها
علشان تستقبلك وتكون مخلصها اللي وراها من إلتزامات
أهم من وصولك وراحتك أنت ( لراحتك أنت)

والله أعلم

اقتباس:

---

المشاركة الأصلية كتبت بواسطة elmkaneeki

تشطب ليه
الايجار الجديد بيبقي متشطب اصلا
اخرك وش بياض

---

+++1111

اقتباس:

---

المشاركة الأصلية كتبت بواسطة friendship7897

صبراً جميلاً
ولا تتاخذ أي قرار لاغية ما تخطب
وتخير خطيبتك معاك
حسب ظروفها هي كمان
يعنى ياترى بتشتغل ولا لأ
وشغلها هيكون فين ؟
وأهلها فين ؟
يعنى لو أهلها في مدينة نصر ولا مصر الجديدة
يبقى أكيد الشروق أفضل لها وأقرب لأهلها من أكتوبر
ولا أهلها في الهرم ولا الدقي ولا المهندسين
يبقى أكيد أكتوبر أقرب لها بكتيير
وعلشان وصول زوجتك قبلك( لو بتشتغل ) أريح لك ، وأريح لها
علشان تستقبلك وتكون مخلصها اللي وراها من إلتزامات
أهم من وصولك وراحتك أنت ( لراحتك أنت)

والله أعلم

---

خطيبتى ساكنه فى نفس منطقتى فى الحدائق
وكمان هى لسه فى الجامعه مش عارفين موضوع الشغل ايه ظروفه
وكمان عادى ممكن ادورلها على شغل فى اى نطاق هنبقى فيه مش هى دى المشكله
وهى اصلا من النوع اللى مش فارق معاها حاجه هنا ولا هنا مش هتفرق

اقتباس:

---

المشاركة الأصلية كتبت بواسطة ahmedteam

فى مبدأ هيريحك كتيير طول لما تقرب لشغلك هتوفر وقت و مجهود و سواقه و بنزين و مصارييف ملهاش عدد

انت مش ضامن ان الشغلانه مستقره

و هوا فى حد ضامن حاجه اليومين دول اصلا

انت فى ايدك شغلانه يبقى توكل على الله و اجتهد فيها لغايه لما تشوف الدنيا فيها ايه

ممكن تأجر فى زايد او اكتوبر شهرين تلاته قول سنه يا سيدى و تجرب المكان هترتاح فيه و لا لأ

لو ارتحت بيقى توكل على الله و بيع شقه الشروق و اشترى شقه تانيه فى زايد او اكتوبر

لو مارتحتش يبقى شقتك زى ماهيا و يا دار مدخلك شر

اعتبر فلوس ايجارك فى المده دى بدل المواصلات و تضييع الوقت و البهدله بس هتكون قرار مهم لحياتك

ربنا يوفقك للخير

---

+111111111111111111111111

انا عن نفسى مش معترض على فكره الايجار خااااالص
بس كل اللى بفكر فيه فى موضوع الايجار هى المرمطه وبهدله العفش خاصه ان كل حاجه هتبقى جديده بقى والجو دا عريس جديد بقى يا جماعه

ياعنى حتى انا فكرت فى حاجه بس مش عارف صح ولا غلط
استنى شويه اربع خمس شهور كده اشوف الدنيا فى الشغل ايه لائيته مستقر شويه ابيع فى الشروق واشترى فى اكتوبر علما ان شقتى اللى فى الشروق علشان متبهدله وفى مكان مش راقى اوى ايجاره 350ج فى الشهر طبعا على كلامكوا لاقيت ان فعلا الايجار فى اكتوبر ازيد بفرق ملحوظ ممكن اخد حاجه تمليك وااجرها لغايه لما اجى اتجوز ومن الايجار اشطب ولو لا قدر الله سيبت الشغل اعرف ابيع بسعر كويس لو اخد ايجار فى مكان تانى واسيبها واهى بتجيب ايجار اكتر من بتاعه الشروق
يبقى انا هشطب من الايجار اللى هيجى كل شهر والفلوس اللىى من شغلى احوشها لعربيه كده
ايه رائيكوا