سرقة العربيات المجهزة بأيموبلايزر !

**Ahmed_Adham** · 07-10-2013 03:39 PM

لو لقو طريقه للايموبلايزر هربط العجلتين اللي قدام بسلسله في بوابه البيت.

**hopeless20** · 07-10-2013 03:50 PM

مينفعش العربيه تدور من غير الشريحه بتاعه الأيموبلايزر
ليه ؟
عشان المفتاح فيه شريحه عليها كود .. والكود ده بيتغير علطول مش ثابت كمان .. والموتور كمان فيه كود .. وبرضه الكود بيتغير علطول .. الفكره في الأرجورزم اللي بموجود في الكنترول بتاع العربيه .. وده اللي بيفرق من عربيه لعربيه .. يعني مستحيل العربيه تتفتح من غير بيانات كتير للعربيه ومعتقدش هتكون متوفره لحرامي عاوز يسرق عربيه مركونه في الشارع

**Ahmed Amin** · 07-10-2013 04:47 PM

المشاركة الأصلية كتبت بواسطة EngAhmedSayed

طيب تقول اية على العربية الهيونداى اللينترا اللى اتسرقة من امام كوك دور و كان فيها امبوليزر و اية بقى فى دقيقة العربية زى الحلاوة دور و ماشى من غير ما العربية تضرب فلاشر
اتفضل الفيديو كمان و شوف اتسرقة فى قد اية تحية للمصريين و دعا الدماغ الاجنبى

‫شوفوا بيسرقوا عربياتنا ازاي.. كاميرا كوك دور تصور السرقة كاملة‬&lrm; - YouTube

العربية دي مفهاش أيموبلايزر يا بشمهندس,,
واللي سارقها كان رايح عارف العربية ومعاه مفتاحها,,
يعني مرتب نفسه لأنه كسر الأزاز وركب ودور ومشي علي طول في أقل من 5 ثواني ,,

الالنترا مكنش بينزل فيها أيموبلايزر غير في النسخة الFully loaded بس,
http://www.nilemotors.net/Nile/35519...post3874980894
http://www.nilemotors.net/Nile/37115...post3875117627
http://www.nilemotors.net/Nile/35213...post3874952861
www.nilemotors.net/Nile/359010-2012.html

ودا اللي أحنا بنقوله إن المفروض انها محدش يجيب عربية من غير أيموبلايزر عشان متدورش بأي نسخة مفتاح يتعمل عليها ب 10 جنيه لو سيبتها لبواب ولا سايس وبتركن يوم ف جراج ويوم برة الجراج,,

لان مش كل سايس ولا بواب ممكن يروح يعمل نسخة علي مفتاح عربيتك ب 600 او 1000 جنيه عشان يسرقها,

وربنا يسترها علينا وعلي كل واحد تعبان في القرش اللي دفعة في عربيته,,
وينتقم من كل واحد حرامي بيفكر يسرق حاجة مش من حقه ويقهر قلب ناس علي شقاها وتعبها,,

**د.محمود صلاح** · 07-10-2013 06:58 PM

مستحيل سرقة العربية اللي فيها اموبيلايزر

وده تقرير من ويكيبيديا للحالة الوحيدة اللي ممكن تتسرق فيها عربية مجهزة باموبيلايزر ( مثال ترك المفتاح في العربية دخل يتسوق كما في معظم سرقات العربيات في الخليج )

الحالة التانية اللي ممكن العربية تتسرق وفيها اموبيلايزر هو تبديل الكنترول يونيت بالكامل ECU بواحد تاني وده عمليا مستحيل خاصة ان الكنترول في معظم العربيات يوضع في مكان بعيد اسفل التابلوه .. واصلا ثمنه غالي جدا

وجه فيديو لسرقة بي ام دبليو في اقل من 3 دقائق ولكن بمعدات باهظة التكاليف اصلا

http://www.neowin.net/news/bmw-secur...econds-or-less

**janagabr** · 07-10-2013 09:23 PM

المشاركة الأصلية كتبت بواسطة leitosr

ههههههههه, الله عال هري

مين قالك أنو بالسهولة دي أنك ممكن تفتح الكبوت وتفصل الأنذار وتغير الكنترول بواحد مستعمل وأنت واقف كدا وتدور العربية وتمشي بدون مشاكل ؟

بصراحة تفكير عبقري,, أو بنحيي اللي قالك الكلام دا !! :ta_clap[1]:

لأنه يأما كان بيحلم بالحلم دا,,
يأما بيجس نبض الأعضاء هنا في المنتدي عشان يشوف هيقولو له ينفع الحوار اللي أنت قلته دا ولا لأ,

لأن طريقة عرض الموضوع غريبة ومريبة.!!
والأجابة طبعاً ب لأ,,

:f_eyeb1[1]:

ومبروووك علي العضوية الجديدة,,,,,,,
وبنقولك أنو صعب أنك تسرق عربية فيها أيموبلايزر بالسهولة دي من غير مفتاحها,,
وربنا يبارك لكل واحد معاه عربية فيها أيموبلايزر,,

ياباشا خدت الكلام من علي لساني

**devil_storm** · 07-10-2013 11:09 PM

المشاركة الأصلية كتبت بواسطة besso

اولا اللى عرفتهواتعلمته(انا بتدرب فى توكيل سيارات) ان الايموبلايزر مرتبط بالكنترول وبيشتغل عن طريق دائره ارسال واستقبال فى الكونتاك نفسه اول لما بتحط المفتاح فى الكونتاكت الدائره بتقرا الشفره اللى عليه وترسهلا للكنترول لو المفتاح بتاع العربيه( ركزوا فى بتاع العربيه دى لان ممكن حد يقوللك انا اجيب مفتاح تانى بتاع عربيه زىها من نفس الموديل وتدور لا طبعا لان كل مفتاح متبرمج مع الكنترول الخاص ) هاتدور مش بتاعها مش هاتدور

امتى بقى تقدر تدور عربيه فيها ايموبلايزر نفترض انك عرفت تفتحها وهى فى مكان بعيد وتشتغل براحتك اولا ياما هاتحتاج تجيب كنترول بمفتاحه ووحده تانيه كده فى بعض العربيات زى الرينو اسمها uch ودى مسئوله بردو عن بعض الوظائف الخاصه بالسياره زى الايموبلايز لو جبت الحاجات دى كلها من عربيه تانيه وركبتهم العربيه هاتدور معاك

لكن انهى حرامى بقى ممكن يعمل كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

الطريقه التانيه ان التوكيل نفسه يقدر يجيب مفتاح تانى ويبرمجه ويدور بيه العربيه بس طبعا ليه شغل خاص بالتوكيل يعنى حتى لو واحد شغال فى توكيل وعراف الطريقه مش هايعرف يعملها غير لو خد العربيه هناك لانها بتحتاج الدخول على موقع لاشركه الام على النت وادخال كود معين وحوار كبير

لو صاحب العربيه سايب عربيته كل ده يتلعب فيها يبقى يستاهل انها تتسرق ههههههههههههههههههههههههه هههههههههههههههههههه

امال اذاي يا باشا في ناس عندها مفتاح مشفر و بتروح لواحد بتاع مفاتيح يعملها مفتاح مشفر ثمنه من ٢٠٠ الي ٥٠٠ جنيه؟. الكلام ده مش كلامي لكن في ناس قالت الكلام ده قبل كده هنا في المنتدي

**besso** · 08-10-2013 12:14 AM

الراجل ده بياخد الكود اللى على الشيب اللى فى المفتاح ويحطها على مفتاح تانى لكن الفكره بقى هو هايوصل لمفتاحك منين ماهى هى بردو ماهو لو وصل للمفتاح يبقى خلاص العربيه بقيت فى ايده

**mostafa magdy** · 08-10-2013 12:37 AM

زي ما الناس تفضلت و قالت صعب جدا الصراحه بس السرقه بقت مسأله نصيب
يعني صديق ليا قالي إنه شهد عمليه سطو مسلح علي عربيه في محور المريوطيه الساعه 8 مساءا و علي مراي و مسمع من الناس لا فرق إيموبيليزر ولا غيره
و ربنا يستر علي الناس كلها و يبارك لكل واحد في عربيته