سرقة العربيات المجهزة بأيموبلايزر !

**mizomizomizo** · 07-10-2013 12:38 PM

وجت ان كثيرا من رواد المنتدا يعلقون بأن وجود الايموبلايزر بمثابة الحماية القصوة للسيارة التي لا يستطيع الحرامي سرقة السيارة بسببة و لكن مفيش حرامي بيغلب حيث يقوم السارق بعد فصل الانذار عن السيارة بفتح الكبوت و تغير الكنترول الخاص بالسيارة باخر مستعمل ويدور السيارة عادي بدون مشاكل

واحلي سلام الايموبلايزر

تم نقلة للمنتدى العام للسيارات .

**aliabdo** · 07-10-2013 12:42 PM

معلش حضرتك فاهم الامبوليزر غلط
ده بيكون جزء من كومبيتور العربيه بيتعرف على شفرة العربيه و المفتاح و فى حاله التوافق العربيه بتدور
عشان يغيره لزم يعرفه على كل اجزاء العربيه بلا استثناء عشان العربيه تشتغل معاه و دى شغلانه عايز ساعات و واحد يفتح العربيه و يقعد بالاب توب فى الشارع و يشتغل يعنى لو بداء باليل عبال ما يكون خالص يكون صاحب العربيه نازل الصبح

**aliabdo** · 07-10-2013 12:43 PM

و بعدين الحرامى بيدور على السهل يعنى مش حيورح على عربيه فيها انظار و امبوليزر عشان يسرقها يبقى عبيط الصراحه

**adelghanem** · 07-10-2013 12:50 PM

موضوع سرقه عربيه فيها ايموبلايزر صعب
ولو الحراميه لقولها حل !!!الواحد يسيب بيته احسن وينام فى العربيه
واخرتها ايه يعنى.........الطلاق
هههههههههههههههه

**Ahmed Amin** · 07-10-2013 01:08 PM

المشاركة الأصلية كتبت بواسطة mizomizomizo

وجت ان كثيرا من رواد المنتدا يعلقون بأن وجود الايموبلايزر بمثابة الحماية القصوة للسيارة التي لا يستطيع الحرامي سرقة السيارة بسببة
و لكن مفيش حرامي بيغلب حيث يقوم السارق بعد فصل الانذار عن السيارة بفتح الكبوت و تغير الكنترول الخاص بالسيارة باخر مستعمل ويدور السيارة عادي بدون مشاكل

واحلي سلام الايموبلايزر

ههههههههه, الله عال هري

مين قالك أنو بالسهولة دي أنك ممكن تفتح الكبوت وتفصل الأنذار وتغير الكنترول بواحد مستعمل وأنت واقف كدا وتدور العربية وتمشي بدون مشاكل ؟

بصراحة تفكير عبقري,, أو بنحيي اللي قالك الكلام دا !!

لأنه يأما كان بيحلم بالحلم دا,,
يأما بيجس نبض الأعضاء هنا في المنتدي عشان يشوف هيقولو له ينفع الحوار اللي أنت قلته دا ولا لأ,

لأن طريقة عرض الموضوع غريبة ومريبة.!!
والأجابة طبعاً ب لأ,,

ومبروووك علي العضوية الجديدة,,,,,,,
وبنقولك أنو صعب أنك تسرق عربية فيها أيموبلايزر بالسهولة دي من غير مفتاحها,,
وربنا يبارك لكل واحد معاه عربية فيها أيموبلايزر,,

**S O P H O S** · 07-10-2013 02:22 PM

اعتقد الحرامي حاليا بقي دارس
لكن محتاج لوقت كبير علشان يسرق حاجة فيها نظام حماية
ولما مبيقدرش بيشيل العربية كلها

**mody112** · 07-10-2013 02:34 PM

ربنا يستر
بس اللى اعرفه ان الحرامية مبتغلبش
لمن فى نفس الوقت بيدوروا على السهل يبقى ليه يتعب دماغه فى ايموبيليزر وغيره

**lenasam** · 07-10-2013 03:23 PM

ما اعتقدش انى الموضوع بالسهولة دى

**EngAhmedSayed** · 07-10-2013 03:35 PM

المشاركة الأصلية كتبت بواسطة aliabdo

معلش حضرتك فاهم الامبوليزر غلط
ده بيكون جزء من كومبيتور العربيه بيتعرف على شفرة العربيه و المفتاح و فى حاله التوافق العربيه بتدور
عشان يغيره لزم يعرفه على كل اجزاء العربيه بلا استثناء عشان العربيه تشتغل معاه و دى شغلانه عايز ساعات و واحد يفتح العربيه و يقعد بالاب توب فى الشارع و يشتغل يعنى لو بداء باليل عبال ما يكون خالص يكون صاحب العربيه نازل الصبح

طيب تقول اية على العربية الهيونداى اللينترا اللى اتسرقة من امام كوك دور و كان فيها امبوليزر و اية بقى فى دقيقة العربية زى الحلاوة دور و ماشى من غير ما العربية تضرب فلاشر
اتفضل الفيديو كمان و شوف اتسرقة فى قد اية تحية للمصريين و دعا الدماغ الاجنبى

‫شوفوا بيسرقوا عربياتنا ازاي.. كاميرا كوك دور تصور السرقة كاملة‬&lrm; - YouTube