الموضوع: نفسى أتجرأ ..... و أقول بكرهك

نصيحه حاولى متتغيريش وخليكى زى ما انتى

عدم كره الناس وحمل الضغائن حتى للى غلطوا فينا ده شيىء جميل جداااااا ومستحب

وحقولك الدليل

موقف الرسول صلى الله علية وسلم حينما اشار على رجل انة من اهل الجنة فتعقب الرجل احد من الصحابة ومكث عنة ثلاثة ليال فلم يجد عندة يزيد عن ما يعملة الصحابى فلم يجد الرجل يقوم الليل ولا يصوم حتى النوافل وانما يقوم باداء ما يعملة الصحابة فسال الصحابى الرجل وقال لة :- ان رسول الله قد اشار عليك انك من اهل الجنة وقد مكثت معك ثلاثة ايام ولم اجدك تقوم بما يزيد عما نقوم بة فرد الرجل : لا اعلم سوى اننى حينما انام لا احمل فى صدرى ضغينة لاحد

شكراً على نصحتك
بس أنا تعبت من نفسي ومن اللي حواليا - لأن الناس مش دايماً بتقدر
وللأسف بتفكر الصفاء دا ضعف
وربنا سبحانه وتعالى وصانا نكون أقوياء
وأنا نفسي أكون قوية
وأقول : لأ - كدا كفاية
على فكرة أنا شكلي ووضعي في شغلى قوية وفي حياتي قوية
(علشان لو حد عارفني من المنتدى هنا - أعرف ناس كتير في اللقاءات اللي بيعملها المنتدى )
هيقولوا : دا أنتي بميت راجل ودا باين في تصرفاتي وردود أفعالي وقرارتي الخارجية
لكن أنا من جوة فاضية خاااالص ، وبفوت وبعدي وبكظم الغيظ زي ما وصانا الرسول عليه الصلاة والسلام - لكن فيه توصية برضوا نكون أقوياء ومش لازم نتطاطي علشان المركب تمشي
﴿وَأَعِدُّوا لَهُمْ مَا اسْتَطَعْتُمْ مِنْ قُوَّةٍ﴾
(( المؤمن القوي خيرٌ وأحب إلى الله تعالى من المؤمن الضعيف))
يااارب

يا بختك ،، بصراحة أنا لا أستطيع حتى أن أشكو،، ربنا يريحنا وياخدنا من الدنيا ديه على خير .

في فرق كبير بين طيبة القلب والمسامحة وبين التغاضي عن الاخطاء
وكل خطأ لية التعامل الخاص بية وممكن يوصل للهجر الكلي
لكن في العموم التسامح والصفاء من اجمل الصفات في الانسان
والنبي صلى الله علية وسلم يقول ( ما دخل الرفق في شيء الا زانه وما نزعة منه الا شانه )
فالمسامحة دي باب من ابواب الرفق
فالحزم لية اوقات ومطلوب والرفق والمسامحة ليها اوقات ومطلوبة
وممكن الشده علي شخص بعينة افيد لية من الرفق والمسامحة ودا بيرجه لتقدرنا للامور

المشاركة الأصلية كتبت بواسطة reda elgohary

يا بختك ،، بصراحة أنا لا أستطيع حتى أن أشكو،، ربنا يريحنا وياخدنا من الدنيا ديه على خير .

يااااه
دا أنت واضح أنك مخنوق أكتر مني !!!
ربنا يصبرك ويصبرنا