فيديو :حادث مروري بالطريق الدائري بالقاهرة يطيح بنحو ٢٦ سيارة بسبب النقل و المقطورة

http://nileup.com/up/uploads/nilemotors_13811577381.jpg

حادث مروري بالطريق الدائري بالقاهرة يطيح بنحو ٢٦ سيارة
باتجاه المعادي الأمر الذي أدى إلى توقف حركة المرور. وشلل تام في الطريق من التجمع للمعادى بعد مدخل العين السخنة
في اتجاه برج سما

وانتقل رجال الإدارة العامة للمرور إلى موقع الحادث لرفع حطام السيارات لتسيير الحركة المرورية.

تلقى اللواء مدحت قريطم، مساعد وزير الداخلية للمرور المركزي، إخطارًا من غرفة العمليات بوقوع حادث تصادم مروع بسبب اختلال عجلة قيادة فى يد قائد سيارة نقل ثقيل، مما أسفر عن وقوع ضحايا.

-
-
[youtube]http://www.youtube.com/watch?v=dyAL9cAMifY&feature=share[/youtube]
-

ده ولا افلام فاينال ديستنيشن !!!
لا حول ولا قوة إلا بالله
العربيات بقت كفته !!!
حسبنا الله ونعم الوكيل فى كل واحد مستهتر
وحسبنا الله ونعم الوكيل فى اللى مبيشوفوش شغلهم وبيمنعوا هذا الخراب

لاحول ولاقوة الا بالله العلي العظيم

والله دى ما بقتش بلد خلاص ، حسبى الله ونعم الوكيل

البلد دى المفروض يتكتب عليها من برة

Live at your own risk !

الله يستر طريقنا ويحفظنا...
كان العربيات كلها ورق ولا حول ولا قوة الا بالله العلي العظيم...
تحياتي

Sent from my Xperia Arc S using Forum Runner

لا حول ولا قوة الا بالله
بس انا سمعت فى الردايو ان مفيش اصابات وطبعا مش مصدق
اللهم ارفع مقتك وغضبك عنا واعفو عنا يا ارحم الراحمين

اقتباس:

---

المشاركة الأصلية كتبت بواسطة matrix012

لا حول ولا قوة الا بالله
بس انا سمعت فى الردايو ان مفيش اصابات وطبعا مش مصدق
اللهم ارفع مقتك وغضبك عنا واعفو عنا يا ارحم الراحمين

---

واضح إن الإيرباج ووسائل الأمان اللى فى العربيات عمل شغل ونجى ناس كتير من الموت لكن بالمنظر ده مستحيل ميكونش فيه إصابات يمكن هما يقصدوا مفيش وفيات

لا حول و لا قوة إلا بالله العلي العظيم ... اللهم استرنا فوق الأرض و يوم نموت و يوم العرض عليك ...

سلم يارب

طريق الموت الخارج منه مولود

انا قولتها كلمة قبل كدة
النقل بتخلص علينا واحد ورا التاني - وهيجي يوم مش هيبقي في مصر غير بعض من سواقين النقل - لأن هيكون جميع سواقين الملاكي خلصوا

يارب استر طريقنا جميعاً ونجنا من سواقين النقل

بجد بجد بجد لازم حل ضد سواقين النقل - دوول قتلة قتلة قتلة قااااااااااااااااااتل بكل معاني الكلمة بقصد وعن عمد

اسف علي انفعالي وطريقة كلامي

السواق ده يا مبرشم يا نايم

ربنا يشفي اللي اتصاب

اقتباس:

---

المشاركة الأصلية كتبت بواسطة amrelsaqqa

والله دى ما بقتش بلد خلاص ، حسبى الله ونعم الوكيل

البلد دى المفروض يتكتب عليها من برة

live at your own risk !

---

تعليق ممتاز
فعلا ربنا يرحم كل المصريين

لا حول ولا قوة الا بالله
هو المكان دة موعود من حوالى سنتين شفت حادثة موت فى نفس المكان وكانت اكتر من 18 عربية بنفس الطريقة
وكان السبب عربية نقل
سترك ورضاك وعفوك عنا يا الله

ربنا يستر العربيات الحديثة كلها الخبطات موصلتش للكابينة و العربية القديمة الوحيدة اتقسمت نصين الحمد لله ان مفيش وفيات

معلومة للجميع نسبة كبيرة جدا من سواقيين النقل و الميكروباصات بياخدو برشام يخليهم يفقدو ألأحساس بالطريق يعنى لو رايح الغردقة يحس أن المسافة 100 كم وطبعا البلد والمسؤليين مطنشيين فكل واحد يتحمل مسئولية نفسة وأسرتة ويبتعد عن سواقيين النقل و الميكروباصات على قد ما يقدر.

معلش أصل الشرطة والجيش مشغولين بحاجات اهم
هم يجروا ورا الاخوان ، والاخوان تجري وراهم
وطظ في البلد ، اهم حاجة السلطة والفلوس

لا حول ولا قوة الا بالله .. أنا لله و أنا اليه راجعون

حسبى الله ونعم الوكيل فى الحكومةالظلمة ممكن اعرف مين هيتحمل كل الخسائر دى ربنا يعوض علينا فى البلد دى

يوم السبت كنت ماشي على الدائري على سرعة 90 - 100 .. وإذ فجأة ألاقي نقل بمقطورة وجاي من ورايا طاير وبيعديني وعمال يرمي سن وزلط على الطريق وماشي على الشمال وعمال يرقص

وعشان كان الطريق فاضي بحكم يوم السبت حبيت أعرف هو كان ماشي على كام روحت جاي على أقصى اليمين عشان أبعد عنه وزودت السرعة ... تصدقوا بالله ... ما عرفتش أعديه غير لما جبت 140 ... روحت مهدي بعد كدة ورجعت 90 تاني وأنا متوقع أشوفه مقلوب قدام شوية

تخيلوا البني آدم ده كان ماشي على الأقل 130

وطبعا غيره كتير

ده سكتي للشغل كل يوم و لما بوصل الشغل و ارجع البيت سليم بتشاهد لدرجة اني بقيت استحمل زحمة المحور و وسط البلد ولا اني اطلعه الا في اضيق الحدود و ان النيا في وسط البلد تبقى منفوخة

فعلا الطريق ده حطر جدا انا اريح جاي عليه كل يوم ومشكلته كل العربيات بتجري في الحتة دي
ربنا يسترها

اقتباس:

---

المشاركة الأصلية كتبت بواسطة dr.rayyan

طريق الموت الخارج منه مولود

---

بأمانه الواحد بيدخل الدائرى وايده على قلبه ربنا يسترها علينا اجمعين

لا اله الا الله محمد رسول الله .............يارب اشفي كل مريض وكل مصاب

انا قولت قبل كدة امشوا على الدائرى من 140 الى 180 علشان مفيش نقل يقدر يحصلنا

بقت حاجه تقرف الطريق تقريبا بقى كل يوم حادثه انا قرفت من المشى عليه كله يوم بركب الطريق ده وسواقين النقل اكبر بهايم بيمشوا ياخدو غرز
حسبنا الله ونعم الوكيل فيهم
هم قاعدين فى الامان فوق ويمشوا يدوسو على خلق الله

30 سنة فساد في عهد مبارك .. وكل اللي بنشوفه من اثر هذا العصر العفن
كل الدول بتنقل بضائعها عن طريق القطارات او الانهار
الا في مصر عربيات النقل القاتلة تسير جنبا الى جنب مع السيارات الملاكي
ده غير اسكندرية .. اللي النقل فيها بيمشي في كل شوارعها الرئيسية والفرعية
وما ادراك ما النور العالي والكلاكسات الزفت بتاعتهم
وحكاية ان التباع اللي فوق العربية ينزل يساعد السواق ويريحه ويسوق بداله شوية
وبعض الناس بخيبتها حابة ترجع عصر الحزب الوطني من جديد والدولة البوليسية ورجال الاعمال الحرامية
وبكرة تشوفوا مصر على رأي السيسي بك

نسيت اتكلم عن طريق اسكندرية طنطا الزراعي
ربنا يحفظنا ويحفظكم

والله من كام سنه شفت تريله محمله دقيق مقطورتين الراجل وقفت قدامه عربيه ملاكي فجاه علي الطريق السريع فاتفاداها ودخل في عمود كهربا وفي رمله والعربيه اتقلبت بيه والدقيق كله اتقلب علي الطريق ومات للاسف فقصدي ان ساعات سواقين الملاكي بيدلعو وهما بيكونو السبب في اللي بيحصل ده

انا بستغرب جدا من الناس الى بتتاثر من الحوادث والموت مع ان دة شىء عادى جدا جدا وطبيعى
لان الى خلق الموت هوة الى خلق الحياه
ولازم ناس تموت وناس تعيش وناس تخسر وناس تكسب والاخر كل واحد ليه موته
على سرير فى عربيه فى الشارع -برصاصه بانفجار كله عادى عادى
احنا الى بنكبر الامور وبنديها اكتر من حقها
ايه المشكله ان سواق النقل ينام وهوة سايق ويفرم 30 او 40 عربيه
الراجل نام خلاص هتعمله ايه يعنى--اكيد المعلم الى مشغله مطلع عينه ليل نهار علشان يلم فلوس هوة يركب مرسيدس ويبنى فيلا فى التجمع والسواق اخرة يرجع لعياله بكيلو لحمه مستوردة
شوف مين الى بيضغط على السواق الغلبان ومين الى مشغله ومن كفرة بالحياه اتعاطى مخدرات علشان يقدر يشتغلطول النهار وايه الى خلاه يجرى علشان يلحق يعمل كام مشوار قبل الحصار بتاع الساعه 12
وشوف صاحب العربيه الى استخصر فيها الصيانه وبطلت تقف بسب الاهمال
دى حلقه مترابطه الحياه والموت وكلنا لها مهما اختلف السبب

اقتباس:

---

المشاركة الأصلية كتبت بواسطة lanos2004

انا قولت قبل كدة امشوا على الدائرى من 140 الى 180 علشان مفيش نقل يقدر يحصلنا

---

هو الكلام ده ينطبق علي بعض العربيات
انما عربية زي الفيرنا كمثال فقط لو مشيت 180
ايه الي ممكن يحصل

امال لو شفتوا طرق الصعيد هتقولوا ايه ....

استرها معانا ياااااااااارب