واللة انتم ولاد حلال روحت عشان اشوف تكييف العربية لانة مش شغال وبيطلع هوا سخن
المهم روحت لواحد كشف على العربية وقاللى ان مفيهاش فريون . قاللى ازودها ولا افرغ اللى فيها واشحنها
قولت لا اعمل الصح وافرغ الهواء واشحنها ..
راح كبس هواء الاول وقعد فترة طويلة يختبر المواسير بالمية والصابون ومظهرش اي تنفيس شوية وجاب علبة الجوانات وغير جوانين اللى هما لونهم أخضر دول
وراح كابس هوا مرة تانية وهو بيكبس الهواء لقيت تراب أو دخان طالع من جوة الصالون أول ما شافة قاللى
ان العيب عندك فى ثلاجة التكييف وعاوزة تتغير
السؤال طيب هى لية مطلعتش الدخان دة من الاول لما كبسها هوا اول مرة ؟؟
وهل كبس لهواء ممكن يضرب فى التلاجة مثلا ولا عادى ممكن تكون بايظة ؟؟
وهل ثلاجة التكييف ممكن تبوظ مع انها مش باينة ؟؟
وبعدين هى مكان التلاجة دى فين هو بيقوللى لازم افك التابلوة ؟؟؟ معرفش ازاى ؟؟ وممكن تتغير من ورا زراير التكييف . اصل مش منطقى ان افك كل الطابلوة عشان اطلع حاجة من تحتة طولها 20*20سم فهل ليها حل تانى
وهى التلاجة دى اية اللى بيبوظ فيها ؟؟
وهل ممكن تتصلح ؟؟ لانى مش عارف اجيبها منين ؟؟ وبكام ؟؟
العربية نيو أكسنت 2007
وشكرا ليكم مقدما على ردودكم