يا جماعة انا خلاص على وشك الشراء ومش عارف اجيب لاانوس ولا اجيب افيو
علما بانى هشتريها تقسيط عشان اشتغل بيها كمندوب وانا مش خبرة اوى فى العربيات
عايز الافادة من اهل الخبرة انهى عربية تستحمل شغل اكتر وشقا وكدة ب الله عليكم عايز رد واافى من جميع الجهات
عرض للطباعة
يا جماعة انا خلاص على وشك الشراء ومش عارف اجيب لاانوس ولا اجيب افيو
علما بانى هشتريها تقسيط عشان اشتغل بيها كمندوب وانا مش خبرة اوى فى العربيات
عايز الافادة من اهل الخبرة انهى عربية تستحمل شغل اكتر وشقا وكدة ب الله عليكم عايز رد واافى من جميع الجهات
هى هى نفس المواصفات تقريباً خليك فى اللانوس عشان قطع الغيار ارخص
اكيد أفيو أفضل فى نواحى كثيرة من اول الشكل والوسع الداخلى الكبير وشكل تابلوه متطور عن الانوس
بالاضافة للشكل الخارجى
لكن لو عربية والسلام وتعتبر فيها كل حاجة وخلاص يبقى لانوس
والاتنين بتوع شغل
14 مشاهدة يا جماعة ومفيش غير ردين بس
مكنتش متوقع كدة من نايل موتوز بصراحة
صدقنى الافيو
كفاية مشكلة الفرامل الوحشة اللى فى اللانوس
كدة يبقى لانوس
انا مش بقول ان الافيو مش بتستحمل... هى ممكن اوى تكون زى اللانوس لان العربيتين اساسياتهم واحدة بس طالما انت حتشتغل بيها كا مندوب و تحركاتك كتير بالتالى استهلاكك اعلى من اى حد و بالتالى حتحتاج صيانات اكتر من الطبيعى... فرق سعر قطع الغيار بين العربيتين كبير جدا و لصالح اللانوس بالتالى هى الانسب لطبيعة استخدتمك
MMamdouh
افيو احسن شكلا وانعم فى سواقتهاا,, يعيبها ارتفاع سعر قطع الغيار مقارنة بالانوس
وب النسبة لموضوع الفرامل دة يا استاذ ممدوح ملوش حل
انا عملت تعديل فى فرامل اللانوس و بقت نفس فرامل الافيو... حتلاقى لينك للموضوع دة فى الموضوع اللى اسمة "كل ما يهمك عن سيارات الدايو"
MMamdouh
الافيو طبعاااااااااااااا مفيش مقارنه بين الافيو والانوس الماتور هو هو بس واى حد يقلك غير كده متسمعش كلامه
طب يا wezaezz موضوع الثبات بتاع العربية الافيو اية حكايتة ناس قلولى انها عشان عالية ثباتها ضعيف جدا
انا عايز راءى حد يكون معاة العربية وجربها
ثبات الافيو اقل من اللانوس نتيجة ارتفاعها عن الارض
MMamdouh
ربنا يباركلك ويهديك للأختيار الأحسن ليك أنا من رأى أنك لو بتجرى بالعربية فخليك فى الأفيو علشان موضوع الفرامل دة مهم جدا جدا وخلى بالك أنك لو جبت اللانوس مش هتقدر تعمل التعديل بتاع الفرامل إلا بعد ما تخلص فترة الضمان بتاعتك لأنك لو فيكت مسمار وركبت مسمار غيروا هيقولولك عربيتك خارج الضمان وربنا يوفقك
الافيو افضل فى كل شىء فرامل و شكل وثبات على الطريق و كفاية انها كموديل موجودة ولسة بتنزل برة مصر بخلاف اللانوس اللى اختفت من كل دول العالم و اسعار قطع الغيار المعتادة الصيانة هى نفس اسعار قطع غيار اللانوس تقريبا
الكلام عن ان ثبات اللانوس افضل من الافيو ده غير صحيح الافيو ثابتة جدا وكاوتشها اعرض من اللانوس وعلشان كده اثبت
كلام مضبوط
دى جديدة الصراحة... اول مرة اشوف واحد يقول ان الافيو اثبت من اللانوساقتباس:
وثبات على الطريق
و دة معناه ايه؟؟ و ايه علاقتة بمدى كفائة ايا من العربيتين؟؟ نقطة غير منطقية بالمرةاقتباس:
و كفاية انها كموديل موجودة ولسة بتنزل برة مصر بخلاف اللانوس اللى اختفت من كل دول العالم
دى بقى اجدد من قصة ثبات اللانوس... ابقى روح اسال فى منصور او حتى اى واحد عندة قطع غيار افيو و اسال على سعر الفوانيس و المرايات و الاكصدامات و التيل و كدةاقتباس:
و اسعار قطع الغيار المعتادة الصيانة هى نفس اسعار قطع غيار اللانوس تقريبا
هو كل عربية فيها كاوتش عريض تبقى ثابتة؟؟؟ مكنش حد غلب و كان كل واحد راكب 128 حطلها كاوتش عريض فا تبقى ثابتة زى البى اماقتباس:
الكلام عن ان ثبات اللانوس افضل من الافيو ده غير صحيح الافيو ثابتة جدا وكاوتشها اعرض من اللانوس وعلشان كده اثبت
انا عربيتى لانوس و فيها كاوتش 185\60\14 و هى اثبت من الافيو بكتير... ووالدى معاه لانوس و افيو و اللانوس بالكاوتش الاصلى و برضة اثبت من الافيو بكتير... ابقى بص كدة على الافيو و شوف ارتفاعها عن الارض قد ايه و ساعتها حتعرف ليه هى مش ثابتة
واضح انك مش عارف لا اللانوس ولا الافيو و بتقول حاجات مش مبنيه على اى اساس.... لو سمحت متكتبش حاجة الا لما تكون متاكد منها عشان فيه ناس بتعتمد على المكتوب هنا فى قرارات مش هينة زى شراء عربية جديدة
MMamdouh
انا كنت عند السمكرى النهاردة و قالى ان عضم اللانوس انشف من الافيو
MMamdouh
كل واحد معاه عربية عمال يدافع عنها باستماتها ويقول على الناس مش بتعرف حاجة وكانه حكيم زمانه وعصره واوانه وهو يمكن يكون اكبر مفتى
وده راى البعض فى اللانوس وبالصور يمكن الصور مش بتفهم فى اللانوس ولا الافيو
ط§ط.ط°ط± ط´ظٹظپط±ظˆظ„ظٹظ‡ ظ„ط§ظ†ظˆط³ | Facebook
أنا معايا نوبيرا تجربتى من خلال حكه رفرفى الخلفى مع رفرف أمامى أفيو الحمد لله عندى بسيطه الأفيو الرفرف أتكرمش بطريقه غريبه ودخل فى الباب و الباب أتعجن من المفصلات
الصراحه كنت فاكر ان الدايو ورق ..........!!!!!!!!!!!
مندوب يعنى شنطة العربية مليانة حاجات على اخرها وكمان سفر وتنطيط ولف كتير
الاتنين ينفعوا والاتنين كويسين وبتوع شغل وكمان الاتنين حاجة واحدة اصلا
بس من رأيى أن الافيو اكثر تطورا وجمالا واوسع واقصى ارتفاعا عن الارض يعنى من الاخر لو هاتتحرك بيها على طرق مليانة مطبات وخلافه يبقى الافيو طبعا لأن اللانوس هاتحك لما تتهرى
انا اختلف مع بعض الاعضاء
يعنى انا لو مكانك وهشتري جديده عشان هشتغل بيها يبقي الانوس
وهقولك ليه
الاتنين نفس المكنه ونفس الامكانيات
ولو على الثبات فالانوس احسن
اما لو على الفرامل
انا حاسس كله بيهاجمها لدرجه ملهاش نهايه وليه كل ده مش عارف
يا جماعه اللى يسمع كلامكم يقول بيتمشوا على الاقل 140 او 160
مترحموا نفسكوا شويه
ولو الفرامل دي مش كويسه اعمل التعديل بتعها وريح نفسك
وقطع غيار الانوس ارخص بكتير عن الافيوو
وبالنسبه للصالون الانوس اوسع
انا مركب مكنه الـ1600 ولسه كل ده معملتش تعديل ولا على الفرامل ولا العفشه
والحمدلله مش عاوز اقول انى ببقي طاير والحمدلله الفرامل تمام فى جميع الاوقات لو ماشى 100 لحد 170
وثبات ممتاز
احنا معانا 3 عربيات 2 لانوس وواحده افيو
ومسقطين مكنه 1800 على الافيوو وكمان العربيه خليجي مش مصري
والحمدلله الاتنين زي الفل
بس اانا بحب الانوس عنها
ياجماعة كل ما فى الامر ان فى ناس كل واحد منهم معاة العربية ..... بيحاول يخليها هى الافضل عشان هيا معاة وعربيتة واكيد حتى لو فيها عيب زى الثبات ولا الارتفاح بيحاول يدارية ويلغوش عالية عشان تفضل عربيتة هيا الحلوة قدام الناس ومش يعبها شىء.... وناسى ان مش هو لوحدة اللى راكب العربية دى واللى بيكلمة دة يادوب بيشوف العربية ماشية قصادة فى الشارع وخلاص .. ولا كأنة حط رجلة فيها وساقها اصلا . وتلاقيها معاة العربيتين وركب دى ودى ومع فترة مقارنة عرف ان فى واحدة منهم اثبت جدارة عن التانية فى حجات حجات مش كل شىء يعنى واحدة الاوبشن والشكل والكماليات شكلها احدث واروش من التانية وبتجرى بردو وثابتة مش هتمشى بيها 140 150 تقلب يعنى . التانية نفس الكماليات بس سنة صنع اقدم شويةوبقالاها فترة واتحفظت اكتر مش جديدة على العين يعنى وبتجرى بردو واثبت من التانية مفهاش حاجة يعنى شىء طبيعى بين العربيات
احنا مش راكبين بى ام كلنا عشان كل واحد يقول عربيتى هيا الكاملة المتكاملة ومفهاش غلطة حتى لو ركبين بوجاتى مش بى ام ربنا اللى بسلمها مش العربية
الراجل يسأل ياجماعة يجيب لانوس ولا افيو عشان تناسبة فى طبيعة عملة وشغلة فا الناس اللى عندها تجارب بتحاول تنقلها لية بصورة تفيدة عشان يستفاد من كل تجربة .ويقدر يكرر انهى المناسب والراجل قايل انة محتاج الرد الشافى للموضوع
يبقى مندخلهوش فى متاهات معانا ونفضل نقولة دى الاحلى ودى الاحسن ودى اللى بتفرمل بسرعة وفى الاخر يطلع بمفيش حاجة وصلها ...... دة هيشقى بالعربية ويطلع عينة لف بيها طول اليوم فى الشارع فابلتالى مش عايز حاجة تقرفة عايز حاجة تسعف معاة الامور
مش بيقول عايز عربية انزل اتعايق بيها على صحابى واعمل مش عارف اية وانزل اخرج بيها من بعد الساعة 12 فعايز حاجة اخر حاجة
اخى الفاضل حسب ظروف شغلك انت هتقرر عايز اية
بتروح بالعربية اماكن ريفية كتير وطرق غير ممهدة وطينة يعنى كا طبيعة شغلك رجل فى المبيعات بتلف كل الدنيا وكل البلد وليك خد شغال عالية وبتكبرة وكل يوم تروح تتابع الشغل ولا طرقك كلها ممهدة وسريعة ومفهاش طرق غير ممهدة كتيير تفضل تحك كل شوية فى العربية لانها هتكون اوطى لزيادة الثبات لان اصلا الافيو نازلة عالية عشان تعالج عيب وطيان الانوس بس اكيد على حساب الثبات شوية لأنها نزلة تكمل خط انتاج الانوس للمستهلك ودة اللى الناس مش عارة تفهمة
فاعندك عربية واطية شوية واثبت على الطريق ونفس المكنة نفس الكماليات شكل جديد على العين بأوبشن شكلة الطف وازاوق
والتانية عالية شوية عشان تعالج عيب المطبات مع حمولة الانوس الزائدة ونفس المكنة ونفس الكماليات شكل الناس اخدت عالية وبقى معتاد مش ملفت اوى لو مهمة عن بعض الناس
وممكن لو حمولتك ديما زايدة وبترسى معاك العربية من الخلف تكون الافيو احسن معاك عشان لو لانوس وهيا واطية وحمولة زايدة اكيد مش هتسيب مطب من غير ماتعلم عالية
انا طبيعة شغلى فى فترة كانت مماثلة ليك جدا كنت مشرف مبيعات فى شركة( بيست اوف فرانس بريزيدون فرنسا ) بس كان عندنا عربيات دبابة للمناديب ولانوس وفيرنا للمشرفين ونوبيرا واوبترا للمديرين بالترتيب للأكبر الاحدث
وكان كل واحد من المشرفين بيختار العربية اللى هيستلمها تطابق ظروف المنطقة اللى معاة يعنى كان خط البحيرة وابو حمص وكفر الدوار وكدة اغلبة مختار الفيرنا عشان المكان مش بعيد والطرق مش سريع اوى واعلى حاجة بسيطة على الانوس .... وفى خط الساحل والعجمى وكرير وابو تلات ومارينا والقرى السياحية بيختارو اغلبهم الانوس لطبيعة ظروفة وبردة مش كلة بيحسبها كدة فى بيفكر فى الموديل اول حاجة
احسبها حسب متطلبات ظروف عملك وربنا يوفقك فى الاختيار وتقع فى الاختيار اللى يريحك و عندك افكار واراء كتير من الاخوة الافاضل الللى اهتموا انهم يقمدولك تجاربهم
واسف جدا انى طولت عليكم بس انا نرفزنى الوضع وحسيت ان الراجل هيدخل فى متاهات مع بعض الناس اللى هممهم سيت العربية وشرفها فوق كل شىء فقولت اقدر احددلة الموقف عشان ممكن يكون مش ناقص تدليل وحيرة
وشكرا لأهتمام الاخوة الافاضل
للاسف الموضوع قلب خناقه وراحت الاستفاده
لا خناقة ولا حاجة
قدر ان الكعبلة دى محصلتش وشيل من الردود المداخلات اللى ملهاش لازمة
نعمل اية نبقى بنتكلم فى موضوع وعشان حد مش عاجبة كلمة حد قالة على عربيتة الموضوع يتغير مسارة
انا شايف انك بتقارن بين عربيتين في الاصل عربيه واحدة بس مع اختلاف الشكل الخارجي و بعض اجزاء اخري فالافيو كلنت نازلة كخط تكمله انتاج للانوس بس كان في نيتهم انهم يعالجوا عيوب اللانوس بس جم يكحلوها عموها
يعنس حبوا يعلوها شويه عشان المطبات فاجت علي حساب الثبات بس مش بالصورة اللي الناس موضحاها
فرامل اللانوس وده من اكتر ما يعيب اللانوس انا لسه واحد صاحبي عامل حادثة علي الدائري بسبب ان الفرامل ماسعفتوش
وبرده في الافيو حاجات تغيظ زي الrbm اللي بيخرف واسعار قطع الغيار
لو انا اللي هجيب ومفيش قدامي غير العربيتين دول هاختار اللانوس لانها انسبلي
بس في عربيات كتير في نفس الفئة السعرية وتتفوق عليهم في كذا حاجة
انا من رايي تشوف ايه الانسبلك