الموضوع كبير شويه داخل فسه جمارك وحوارات كتير عشلن كده العربيات كلها غاليه
انت زعلان من 70 الف طب الي بيدفع 200 الف ف سيراتو ولا 170 ف النترا ده ايه
السوق حاكمنا
عرض للطباعة
يا باشا 70 في عربية 2006 يعني داخله في 8 سنين كتير فشخ بالنسبة ان في عربيات دلوقتي ازود 10 او 20
وهشتري احسن منها بمراحل وياباني كمان
فوقوا يا جماعه انتوا بتتكلمو ازاي
دول ممكن يجيبوا ليه لوجان جديده
او لانسر 2007 او اوكتافيا قديمه شوية او صني او سيراتو " اول واحده كوري اهو " او سوران او 307 او كورولا
يعني هدفعهم في عربيات مش في هيونداي و 2006 كمان
ما هي علي سرعه واجيب بيها كام
اركب بروتون علي طول واجيب بيها اللي انا عايزة وفي الملفات وكل حاجه براحتي
لو هنتكلم علي السرعه يبقي نسعر العربيات علي سرعتها خلو سعر الالنترا زي سعر البي ام
بس هي كده
لما يبقي معايا مبلغ معين مينفعش ادفعه في عربية اي كلام
يعني انا لو معايا 150 الف مثلا مروحش اجيب حاجه كوري زيرو
لأ اشوف بي ام موديل قديم
زي مثلا لو معايا 45 الف مروحش اشتري شاهين لا في فرينا هي انسب حاجه للسعر ده
كل سعر وليه حاجه مناسبه ليه ومينفعش اشتري حاجه اقل منها بمراحل عشان الناس مزاجها كده
انا معايا النترا 2004 اوتوماتيك, عاملة 156000 كيلو,العربية ماشاء الله مشاكلها قليلة والفكرة فى ان سعرها من 65 :70 ان اسعار قطع غيارها رخيصة وادائها وثباتها ممتازين,اكيد الاوكتافيا والفيكترا احسن فى الاداء بس اسعار قطع غيارهم كام؟؟وصيانتهم وانتشار قطع الغيار اخباره ايه .ومشاكل الفتيس الاوتوماتيك وسعره اللى بيوصل ل 18000 استيراد ؟؟واستهلاكهم للبنزين وسخونية مواتيرهم
ال 2007 شكل اجمل من الداخل وتابلوه اشيك,لكن اخف من ال2004 على الطريق وانا استبعدتها لعدم وجود مؤشر حرارة ووجود لمبة للحرارة ككل العربيات الحديثةوايضا الباور الكهرباء وزوايا العربية والبومبيهات (هى صحيح اجمل لكن متعبة فى السمكرة)
فى النهاية العربية دة مسالة راحة نفسية.
بالمناسبة شوف الكورولا 2007 بتتباع بكام حاليا كله بيطلب فوق ال 100.000 لو 1600 سى سى
انا فكرت ابيع العربية واجيب صنى زيرو بس تراجعت
أنا معايا العربية دي من الزيرو و عاملة دلوقتي 185000كم و عمرها ما عملت فيا أي فصول قلة أدب بل بالعكس تماما
سيارة رائعة بكل المقاييس و حمالة قاسية بشكل لا يوصف
ثبات خرافي علي الطريق يكاد يقترب من الألماني أنا مجرب بيها ملفات فوق ال120كم
قطع غيار رخيصة جدا و يمكن نفس مستوي أسعار قطع غيار الأكسنت
تكييف ممتاز جدا و منعدم الأعطال
صالون واسع و مريح جدا
صاج معقول بالنسبة للعربيات الجديدة يعني مش ورق
عفشة خدمة شاقة و أصلاحها بسيط و غير مكلف
أما العيوب:
الفرامل كان لازم تبقي أقوي من كده و برضه هي مش ضعيفة قوي بس لا تقارن مثلا بموديل 2007
الموتور مش قوي زي موديل 2007 يعني أقل شوية في الهورس باور بس مش بطة مثلا و برضه لا تقارن بالفرنا مثلا
التكنولوجيا قديمة شوية بس الأعتمادية عالية جدا جدا
و طبعا علشان الأسباب دي أصبح الطلب عليها عالي و ده أللي رفع سعرها عن السعر المفترض ليها
و برضه للحق أنا مثلا متردد موت في تغييرها يعني علشان أجيب ألنترا جديدة يبقي حأدفع حوالي 100 ألف فوق تمنها و كل أللي حأخده موديل أحدث شوية و شكل جديد لكن كوظيفة في الأخر هي دي زي دي يعني الأتنين حايودوني الشغل بأحترام و في التكييف.
لو الفرق مثلا 20 أو حتي 30 ألف كان الواحد أختار أنه يغيير بس المميزات أللي حأخدها لا تساوي 100 ألف جنيه.
و برضه دي مسألة أذواق و طريقة تفكير علشان أنا راجل عملي شوية و حكاية المظاهر دي لا تهمني أطلاقا.