كلاكس النترا md معلق

**محمد فوزى** · 07-10-2013 08:16 PM

حدث معى عطل غريب وعجيب فى النترا md 2012 ... العربيه الكلاكس فجأة علق بمعنى شغال متواصل ... فكيت البطارية وركبت تانى نفس المشكلة فكيت فيشة الكلاكس ووصلت البطارية كل الانوار فى العربية نورت كأن كمبيوتر العربية مهنج وطبعا مبتدورش ...العربية لم يتم غسيلها او تعرضت لمياة وكانت مركونة عادى!؟ ومركبتش فيها اى اضافات !! حد يا جماعة ممكن يكون عارف السبب لهذا العطل او تعرض لعطل مثلة ؟

**momadine** · 07-10-2013 09:44 PM

لازم تفك البطارية و تستنى شوية يعنى ساعة أو أقل شوية عشان تصفر الكمبيوتر

**محمد فوزى** · 07-10-2013 11:21 PM

عملت كده وسبتها اكتر من ساعة ونفس المشكلة فعلا حاجة غريبة!!

**saddam** · 08-10-2013 02:10 AM

صديقي المواطن
قضية تعليق الكلاكس دي معروفة كتاوت دخل فيه مياه أو إتملا رطوبة وأملاح يتغير والسلام وبسيطة جدا ولا تقلق
ودمتم للنضال

**محمد فوزى** · 08-10-2013 02:52 AM

مش كلاكس والسلام لو كان كده ولا كنت هسأل الموضوع كل كمبيوتر العربية مخرف ومبتتحركش يعنى لازم تتشال بونش للوكيل

**DEVILRIDER** · 09-10-2013 01:32 AM

حصلت مرة في عربية قريبي والكمبيوتر و الفتيس و الكشافات والإزاز علقوا وده كان بـسبب البطارية بس كل الحوارات دي حصلت عشان كان عامل حادثة بالعربية total loss واتصلحت فـبدأ يظهر مشاكل في العربية بسيطة والعربية الانترا md برده روح التوكيل وهم هيظبطولك كل حاجة

**محمد فوزى** · 09-10-2013 07:57 PM

كلمت التوكيل و بعتلى ونش وتانى يوم كلمونى وقالو العربية اتصلحت و كان الموضوع ريلاى بايظ الصراحة التوكيل والناس هناك محترمين و كويسيين جدا بس انا الى مضايقنى ان العربية حاجة بسيطة عطلت كل العربية و المفروض ده مبيحصلش لما حد بيديزاين حاجة لازم تعتمد عليها لازم ياخد بالة على fail safe design ودى حاجة شكل هيونداى مرعتهاش فى التصميم !! يعنى كمثال لو فيوز اتحرق سوف تتعطل الاجهزة المتعلقة بها مش كل الاجهزة او كل السيارة ..بس يبدو ان الناس عايزه تسمع الحلو بس

**khaabas** · 11-10-2013 03:23 PM

المشاركة الأصلية كتبت بواسطة محمد فوزى

كلمت التوكيل و بعتلى ونش وتانى يوم كلمونى وقالو العربية اتصلحت و كان الموضوع ريلاى بايظ الصراحة التوكيل والناس هناك محترمين و كويسيين جدا بس انا الى مضايقنى ان العربية حاجة بسيطة عطلت كل العربية و المفروض ده مبيحصلش لما حد بيديزاين حاجة لازم تعتمد عليها لازم ياخد بالة على fail safe design ودى حاجة شكل هيونداى مرعتهاش فى التصميم !! يعنى كمثال لو فيوز اتحرق سوف تتعطل الاجهزة المتعلقة بها مش كل الاجهزة او كل السيارة ..بس يبدو ان الناس عايزه تسمع الحلو بس

كلام مظبوط فعلا