سحب العربيه بطييئ

**yaya_tearoy** · 07-10-2013 10:05 PM

سلام عليكم ... ليا سؤالين ومش هطول :D
1- ضغط الاطار اللى مكتوب على القائم اللى قدام 33 والخلفى 30 اعمله ولا ايه علشان فى ناس قالتلى ان الاطار ليه ضغط خاص فمش شرط تلتزم باللى مكتوب على القائم ومع ذلك قلت ابقى راجل متحضر واحترم اللى مكتوب ونزلت من 45 ل 33 .

2- سحب العربيه بطئ شويه د غير انى لما قللت الضغط ببقى ابطئ شويه فى بدايتها ولو ف طريقه معينه ف الاتوماتيك لتجميع السرعات العاليه علشان لما بخلينى ضاغط على دواسه بحس انها مش بتدينى اللى اناعايزه وخايف اضغط زياده rpm يدخل ف المطقه الخطر .

انا عارف انى طولت بس معلش بقى استحملونى نيسناوى جديد :D

**buddha** · 07-10-2013 10:15 PM

ممكن تكون محتاج تنظيف دورة البنزين والرشاشات
او تغيير بوجيهات
او زيت الفتيس قيس المستوى بتاع الزيت

**yaya_tearoy** · 08-10-2013 02:19 AM

المشاركة الأصلية كتبت بواسطة buddha

ممكن تكون محتاج تنظيف دورة البنزين والرشاشات
او تغيير بوجيهات
او زيت الفتيس قيس المستوى بتاع الزيت

العريه لسه زيرو مكملتش الف كيلو هيا لحقت علشان اغير :d

**د.عماد صلاح** · 07-10-2013 11:14 PM

العربيه زيرو ولا ايه

**Ahmed Amin** · 07-10-2013 11:23 PM

هوا حضرتك كنت نافخة 45 !!!!!!!!!!

**yaya_tearoy** · 08-10-2013 02:17 AM

المشاركة الأصلية كتبت بواسطة theislamic

السحبً بيتحسن مع الوقت و بعد الخمس الاف هيبقى كويس و بعد العشرة هيبقى كويس جدا ان شاء الله .......... و ممكن تضغط على الدواسة شوية علشان تحس بالعزم بس لو في اول الف كيلو ما تخليش الrpm يعدي اربعة الاف و متهيالي لو سواقة حضرتك عادية مش هتوصل لاربعة

ده اللى انا بعمله فعلا لسه بلينها بس اوقات كدا ببقى عايز احس بكفاءة العربيه فبحاول افتح شويه ده غير انى استهلاكها للبنزين عالى شويه والتانك بتعاها صغير 40 لتر بس :( مش بينجز معايا

**yaya_tearoy** · 08-10-2013 02:00 AM

المشاركة الأصلية كتبت بواسطة leitosr

هوا حضرتك كنت نافخة 45 !!!!!!!!!!

انا اخدتها من المعرض كدا ولما ودتها لبتاع الاطارات قالى انها كانت على 45

**ramymoharram** · 08-10-2013 12:34 PM

يا سيدي سيبك من كل النصايح بتاعة التغير والكلام ده واسمع من مجرب معاه نفس العربية.....أنا لسه كنت جايب النيو صني......عربية زي الفل وحمالة قسية وسيبك من أي هجص بيتقال عليها العربية زي الفل .....كل اللي انت فيه ده طبيعي العربية لسه بتلين وسحبها في أول ألف كيلو تعبان بس صدقني أنا بعد معديت ال 5000 العربية بقت تحفة وصاحبي معاه وعمل بيها 13000 بيقولي السحب بيبقي رائع بعد أول عشرة ألاف......متحاولش تعدي ال 4 في الrpm.....الموضوع ده مهم جدا وهيفرق معاك في استخدام العربية بعد كده......استخدام البنزين هيقل معاك كل شوية وهيثبت عند ال5000 كيلو وهتلاقيها موفرة في البنزين ( مقارنة بالنيسان القديم كانت بتلهف البنزين)......ربنا يباركلك فيها ونصيحة مني متسمعش للي كل شوية بيطلعوا القطط الفاطسة في العربية في ناس مش بيعجبهم العجب......والله العربية زي الفل وطافحة معايا الدم ولا بتقول بم