تقييم ليكوى مولى هاى تك بعد ١٢ الف كم مع المايفك

النهارده نزلت الزيت ليكوى مولى هاى تك بعد ما مشيت عليه ١٢ الف كم فى ١٢ شهر بصراحه الزيت نازل تحفه لزوجه ما شاء الله واللون اغمق شويه بس طبيعى مش مسود بصراحه كنت زعلان اوى وانا بغير لشل الترا ايلى اول مره استخدمه وربنا يستر
انا دوخت عند الموزعين على نفس الزيت بس ملقتهوش واضطريت انى اجيب شل الترا المصرى تخيلوا اغلى من ليكوى الالمانى !!!!
الموتور بياخد ٤ لتر ونص

اليكوى مولى كان ٥ لتر ب ٣٠٠ جنيه انما شل ٤لتر ب ٣٠٠ جنية ولتر ب ٨٤ جنيه

ان شاء الله اقولكم اخبار الشل ايه

العربيه لانسر شارك مايفك 1.5 موديل ٢٠٠٩ ماشيه ٣٠ الف كم

ماشاء الله
ربنا يباركلك

اقتباس:

---

المشاركة الأصلية كتبت بواسطة buddha

ماشاء الله
ربنا يباركلك

---

الله يكرمك يا باشا

شيل ممتاز عن تجربة في لانسر بومة وبيجو 307,
وممكن المرة الجاية تجرب زيت wolf ناس كتير شكرت فيه وأنا ناوي أجربه المرة الجاية,,

الزيت كان نازل عنك كام لتر بعد أستخدام 12 شهر, لأني عمري ما سبت زيت الفترة دي كلها.؟!

لكيوي مولي موجود يا باشا عند power zone في أبو داود الظاهري في مدينة نصر أنا بحطه في العربية من الزيرو

شكرا لنقل التجربه

صديقي المواطن
أنا.لو مكانك أفضل ألف بالزيت القديم حتى ألاقيه أو ألاقي أي حاجة غير شل ﻷن شل إنتهى خلاص ولم يعد ينفع لعربيات حديثة أتا عن نفسي محرمه في كل عربياتي وأسوأ منه رفيق دربه وكفاحه موبييل سوبر فشلنجي
عامة يا ريت متكررش الجريمة دي وحاول تخلص من شل على 7 آلاف ومتمشيش عليه 10آلاف
ودمتم.للنضال

معلش يعنى شل انتهى ازاى يعنى م امة لا اله الا الله بتستخدمه وانا بستخدمه و معظم اللى اعرفه بيستخدموه و ماشى زى الفل ولا بينقص و لا بيتحرق ولا الهوا وفى عربيات مختلفة من 128 ا جيتا ياريت تقول السبب مش تقول انتهى و تسكت و خلاص

الف مبروك
بس برضه مع راي الاعضاء كنت تستنى شوية لحد ما تلاقي اللي انت عاوزة

اقتباس:

---

المشاركة الأصلية كتبت بواسطة m_marwan

النهارده نزلت الزيت ليكوى مولى هاى تك بعد ما مشيت عليه ١٢ الف كم فى ١٢ شهر بصراحه الزيت نازل تحفه لزوجه ما شاء الله واللون اغمق شويه بس طبيعى مش مسود بصراحه كنت زعلان اوى وانا بغير لشل الترا ايلى اول مره استخدمه وربنا يستر
انا دوخت عند الموزعين على نفس الزيت بس ملقتهوش واضطريت انى اجيب شل الترا المصرى تخيلوا اغلى من ليكوى الالمانى !!!!
الموتور بياخد ٤ لتر ونص

اليكوى مولى كان ٥ لتر ب ٣٠٠ جنيه انما شل ٤لتر ب ٣٠٠ جنية ولتر ب ٨٤ جنيه

ان شاء الله اقولكم اخبار الشل ايه

العربيه لانسر شارك مايفك 1.5 موديل ٢٠٠٩ ماشيه ٣٠ الف كم

---

الزيت موجود الى بدور عليه فى شارع دمش 27 ش دمشق